| 1.1 |
Die Jaarlikse Nasionale Assessering (JNA) sal vanaf 16 - 19 September 2014 geskryf word. Die verspreiding van die JNA-materiaal sal op 01 September begin tot 10 September 2014. |
| 1.2 |
Skole wat teen 11 September 2014 nog nie die JNA ontvang het nie, moet me B Calvert kontak by 021 467 2994. |
| 1.3 |
Die prinsipaal is verantwoordelik vir die oorhandiging van die korrekte toetste aan die onderwysers. |
| 2. |
Berging van die JNA-toetsmateriaal |
| 2.1 |
Die toetse moet in 'n instapkluis / kluis gestoor word wat slegs vir die prinsipaal toeganklik is. Die gestoorde toetse moet in 'n chronologiese skryf volgorde gerangskik word, om te verseker dat elke toets op die regte dag geskryf sal word. Die toetse moet slegs een uur voor die aanvangstyd uit die kluis verwyder word. |
| 2.2 |
Prinsipale moet verseker dat die kluise of instapkluise, teen nie later nie as 29 Augustus 2014, skoongemaak word van alle onnodige dokumente en toerusting, om sodoende genoeg spasie te skep vir die berging van die JNA-toetse. Die aangehegte Klaringsertifikaat (Bylae A) moet in hierdie verband voltooi word en dan gefaks word (021 467 2882 of 021 461 5628) vir die aandag van me B Calvert. |
| 3. |
Voorsiening van die prinsipaal se persoonlike besonderhede |
| 3.1 |
Om die geloofwaardigheid van die eksamenuitslae te verseker en om die eksamen nie in gevaar te bring nie, is die sekuriteit rondom die JNA-toetse van uiterste belang. |
| 3.2 |
Prinsipale sal verantwoordelik gehou word om te verseker dat die eksamenprosesse en -prosedures aangaande die bestuur van die JNA doeltreffend toegepas word en volgens die regulasies vir die beheer, administrasie en bestuur van die eksamen verloop. |
| 3.3 |
Ten einde vir die Wes-Kaapse Onderwysdepartement om alle kommunikasie oop te hou tussen die Departement en prinsipale, en te verseker dat die JNA-toetsmateriaal korrek aan die skole gelewer word, word prinsipale versoek om die Departement van hulle selfoonnommers te voorsien. Voltooi asseblief Bylae B vir hierdie doel en faks dit, voor 29 Augustus 2014, na 021 467 2882 of 021 461 5628 vir die aandag van me B Calvert. |
| 3.4 |
Die ontvangs van die JNA-toetsmateriaal is die verantwoordelikheid van die prinsipaal. Die prinsipaal kan slegs hierdie funksie aan 'n senior amptenaar delegeer indien die prinsipaal 'n kind het wat die JNA skryf. Alle delegasie moet op skrif wees en moet ook by die distriksassesseringskoördineerders ingedien word. |
| 4. |
Bring asseblief hierdie minuut onder die aandag van die betrokke onderwysers. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:08:22
|
 |