| 1. |
Die BOOV vlak 4-eksamen is geskeduleer om op Maandag, 3 November 2014 te begin en op Dinsdag, 25 November 2014 te eindig. |
| 2. |
Alle geregistreerde Wes-Kaap Onderwysdepartement (WKOD) gemeenskapsleersentrums word versoek om hulle kandidate in die leerareas van hulle keuse in te skryf vir hierdie eksamens, op voorwaarde dat die kandidate al die eenheidstandaarde in die betrokke leerareas voltooi het. |
| 3. |
Dit is van kardinale belang dat alle inskrywingsvorms deur `n gesertifiseerde afskrif van die kandidaat se identiteitsdokument vergesel word. |
| 4. |
Die eksamen vir 'n leerarea tel 50% van die punte, terwyl die oorblywende 50% verkry sal word van gemodereerde skoolgebaseerde assesseringsportefeuljes (SGA)-portefeuljes. GEEN LEERDER MOET TOEGELAAT WORD OM IN TE SKRYF VIR 'N LEERAREA INDIEN DIE LEERDER NIE DIE SGA VIR DIE LEERAREA VOLTOOI HET NIE. LEERDERS MET GEEN SGA-PUNTE SAL GEEN UITSLAE ONTVANG NIE. |
| 5. |
Die November 2014-eksamenrooster is versprei onder die dekking van Omsendbrief 0028/2014, gedateer 12 Julie 2014. |
| 6. |
Sentrumbestuurders word dus versoek om die ingeslote inskrywingsvorm, vir elke kandidaat wat vir die eksamens wil inskryf, te voltooi. Indien 'n kandidaat as gevolg van siekte of ander onvermydelike omstandighede afwesig is, moet die betrokke kandidaat se inskrywingsvorm deur die sentrumbestuurder onderteken word wat dan ook langs sy of haar handtekening moet aandui dat die kandidaat afwesig was. |
| 7. |
Let asseblief daarop dat geen veranderinge in leerareas toegelaat sal word na die inskrywings gefinaliseer is nie. Inskrywingsvorms moet dus akkuraat voltooi word. |
| 8. |
Alle voltooide inskrywingsvorms, alfabetiese georden, tesame met Bylae A moet die Departement by die volgende adres bereik, teen nie later nie as Vrydag, 22 Augustus 2014 (geen laat inskrywings sal aanvaar word nie):
Hoof: Onderwys
Vir aandag: Mnr C Slee
Kamer 5-15, 5de Vloer
Direktoraat: Eksamenadministrasie
Wes-Kaap Onderwysdepartement
Laer Parlementstraat
KAAPSTAD
8001 |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:07:30
|
 |