| 1. |
Let wel dat geen voorlopige skedule van inskrywings vir die November 2014 Nasionale Senior Sertifikaat (NSS)-eksamens sal hierdie jaar aan skole gestuur word nie. |
| 2. |
Skole sal die geleentheid hê om veranderinge aan die persoonlike besonderhede van kandidate op die SOBIS aan te bring, soos wat hulle in Kwartaal 1 gedoen het. Vanaf 19 Mei 2014 tot en met Vrydag 13 Junie 2014 sal die funksionaliteit op die SOBIS oopgemaak word sodat hierdie veranderinge aangebring kan word. Dit sal die laaste geleentheid vir skole wees om enige veranderinge en regstellings aan hulle NSS-kandidate se persoonlike besonderhede aan te bring. Prinsipale moet hulle kandidate se registrasiebesonderhede teen Vrydag, 13 Junie 2014 verifieer en afteken. |
| 2.1 |
Verifikasie van kandidate se persoonlike besonderhede |
| 2.1.1 |
Gaan die spelling van die volle name en van na. Dit moet dieselfde wees soos wat dit op die kandidaat se identiteitsdokument verskyn. |
| 2.1.2 |
Die identiteitsnommer van die kandidaat is 'n verpligte veld. |
| 2.1.3 |
Gaan die korrektheid van die posadres na. Hierdie adres sal gebruik word vir versending van korrespondensie en moet 'n betroubare adres wees waar kandidate in staat sal wees om posaflewering te ontvang. |
| 2.1.4 |
Die Departement maak gebruik van SMS-dienste om kandidate oor veranderinge in die eksamenproses in te lig. Dus moet alle graad 12-leerders oor 'n geldige selfoonnommer beskik wat op die SOBIS vasgelê is. Indien ‘n kandidaat nie ‘n selfoonnommer het nie, moet ‘n selfoonnommer gebruik word van ‘n direkte familielid. |
| 2.1.5 |
'n Leerder-selfoonnommer-verslag is beskikbaar op die SOBIS om leerders met of sonder selfoonnommers te besigtig. Prinsipale moet seker maak dat die verslag op datum en korrek is.
Doen asseblief die volgende om die verslag op te spoor:
Gaan na Reports, kies Learners, kies Learner cellphone numbers en kliek op die hiperskakel-nommers vir verifikasie en opdatering
|
| 2.2 |
Hoe om veranderinge aan kandidate se persoonlike besonderhede op SOBIS aan te bring |
| 2.2.1 |
Teken in op die SOBIS om 'n uitdruk van elke kandidaat se besonderhede, volgens die proses hieronder, te maak:
Kliek op die Report oortjie. Kies Subject dan Subject per learner.
Kies Grade 12. Kies all classes, en dan Submit. Kies Print All: Print Landscape per learner.
Elke kandidaat se besonderhede sal op 'n aparte bladsy gedruk word.
|
| 2.2.2 |
Deel die vorms aan die kandidate uit om hulle inligting te verifieer. Kandidate moet regstellings op hierdie bladsye aanbring. Die gedrukte vorm moet deur die kandidate en hulle ouers/voogde onderteken word en aan die skool teruggestuur word. |
| 2.2.3 |
Die SOBIS-administrateur moet alle verbeteringe onder die oortjie, Update learners op die SOBIS vaslê. |
| 2.2.4 |
Afskrifte van al die getekende vorms moet aan die Departement gestuur word. Die oorspronklike vorms moet by die skool gehou word vir die skool se eie rekords. Die afskrifte moet gestuur word aan:
|
| 3. |
Let asseblief daarop dat die skool nie toegelaat sal word om ENIGE vakveranderinge op die SOBIS aan te bring nie. Die skool moet enige versoek vir die regstelling van vakfoute via 'n e-pos aan Moya.Combrink@westerncape.gov.za stuur.
Vakfoute sal slegs reggestel word indien die nodige ondersteunende dokumentasie, soos die graad 11-verslag van die kandidaat, saam met die e-pos voorsien word.
|
| 4. |
In die geval waar 'n kandidaat Musiek as 'n vak neem, moet die aangehegte dokument, Musiekkandidate voltooi word. Hierdie dokument vereis die van, naam en musiekinstrument-inligting van die NSS se graad 12-kandidate. |
| 5. |
Die inligting op die SOBIS sal teen einde Junie op die Eksamen Hoofraam oorgedra word, en finale skedules sal vanaf die Eksamen Hoofraam gedruk word en aan skole gestuur word vir aftekening teen nie later nie as 21 Julie 2014. Let asseblief daarop dat die name van herhaler-kandidate wat versoek het om by u skool te skryf, by die finale skedule ingesluit sal word. |
| 6. |
Nadat die NSS-kandidate se persoonlike en vakbesonderhede geverifieer is, moet die prinsipaal die aftekening op die SOBIS voltooi teen nie later nie as Vrydag, 13 Junie 2014. Afskrifte van die kandidate se ondertekende uitdrukke en die Musiekkandidate se dokumente moet die Departement teen nie later nie as Vrydag, 20 Junie 2014 bereik. |
| 7. |
Bring asseblief die inhoud van hierdie minuut onder die aandag van alle SOBIS-administrateurs, graad 12-koördineerders en -onderwysers. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:05:23
|
 |