1. |
Aansoeke word ingewag van onderwysers, kurrikulumadviseurs en senior kurrikulumbeplanners wat aan die kriteria voldoen soos gespesifiseer in Bylae A vir betrekkings van interne moderatore, hoofnasieners, en nasieners vir die Basiese Onderwys en Opleiding vir Volwassenes (BOOV) Vlak 4-eksamens van November 2014 tot Junie 2016. |
2. |
Voorlegging van aansoeke |
2.1 |
Alle aansoeke moet op die aangehegte aansoekvorm (Bylae B) gedoen word en moet vergesel word van 'n voltooide verklaringsvorm waarvan 'n afskrif aangeheg is by hierdie minuut as Bylae C. |
2.2 |
Alle nuwe aansoekers moet die volgende dokumente aanheg by hulle aansoekvorms:
- Curriculum Vitae;
- Gewaarmerkte afskrif van identiteitsdokument;
- Gewaarmerkte afskrif/te van akademiese studierekord(s); en
- Gewaarmerkte afskrif/te van kwalifikasiesertifikaat/-sertifikate.
|
2.3 |
Aansoeke moet by die volgende adres ingedien word:
Hoof: Onderwys Vir aandag: Mev N Kanase/Mnr M Cameron Direktoraat: Eksamenadministrasie Wes-Kaap Onderwysdepartement 4de Vloer, Grand Central Towers Laer Parlementstraat KAAPSTAD, 8001
Aansoeke moet die Wes-Kaap Onderwysdepartement (WKOD) teen 5 Mei 2014 bereik.
|
3. |
Suksesvolle aansoekers sal skriftelik van hulle aanstellings verwittig word en sal 'n kontrak met die WKOD moet sluit. Verdere korrespondensie aangaande die nasienproses sal dan volg. |
4. |
Die aangehegte ontvangserkenning (Bylae D) moet voltooi word deur die sentrum-bestuurder en terugbesorg word aan die WKOD. |
5. |
Die nasien van BOOV Vlak 4 eksamenskrifte is een van die belangrikste funksies van die eksamineringsproses. Die WKOD is trots op die aanstelling van gekwalifiseerde en bevoegde nasieners. Sentrumbestuurders en ander senior amptenare wat nasieners aanbeveel, moet dus in goedertrou optree. Let asseblief daarop dat die verskaffing van foutiewe inligting op die aansoekvorm as bedrog beskou sal word en daar sal, ingevolge die Wet op die Indiensneming van Opvoeders, opgetree word. |
6. |
Dit is uiters belangrik dat sentrumbestuurders, onderwysdistriksdirekteure, IBB-bestuurders en kurrikulumadviseurs die inhoud van hierdie minuut onder die aandag bring van alle onderwysers sodat hulle vertroud sal wees met die aanstellingskriteria voordat aansoeke ingedien word. Die Direktoraat: Eksamenadministrasie kan nie verantwoordelikheid aanvaar indien onderwysers nie van die inhoud van hierdie minuut ingelig word nie. |
7. |
Die WKOD maak staat op u samewerking en ondersteuning in hierdie belangrike saak. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:04:14
|
![](images/shim.gif) |