| 1. |
Ten einde prinsipale in staat te stel om die nodige reëlings te tref om die bogenoemde uitslae af te haal en te kontroleer, word die volgende inligting en datums verskaf. Let asseblief daarop dat hierdie datums en tye tentatief is en dat enige veranderinge in die reëlings aan u gekommunikeer sal word. Onderwysdistrikskantore sal ten volle op hoogte gehou word. |
| 1.1 |
Dinsdag, 6 Januarie 2015 om 08:00
LW: Nie voor 08:00 nie |
Prinsipale en sentrumbestuurders (of die afgevaardigde personeellede) verkry uitslae by die onderwysdistrikskantore. |
| 1.2 |
Prinsipale en sentrumbestuurders (of hul afgevaardigde personeellede) kry 4 uur om die uitslae vir enige ooglopende foute te kontroleer. Hierdie foute moet aan die Direktoraat: Eksamenadministrasie gerapporteer word by telefoonnommers 021 467 2940/2483/2924/ |
| 1.3 |
Dinsdag, 6 Januarie 2015 om 12:00 |
Uitslae kan by die onderskeie skole/sentrums aan kandidate bekend gemaak word. |
| 1.4 |
Neem kennis: Geen uitslae mag aan kandidate bekend gemaak word nie, en geen Inligting, in hierdie verband mag aan die pers verskaf word voor 12:00 op 6 Januarie 2015 nie.
Die oorspronklike verklaring van uitslae vir elke kandidaat sal ingesluit wees by die uitslae-pakket wat aan elke skool en sentrum uitgereik word. Skole moet kandidate en ouers inlig dat hulle nie meer die uitslae deur die pos gaan ontvang nie.
|
| 1.5 |
Dinsdag, 6 Januarie 2015 om 15:00 |
Uitslae is op die WKOD se webwerf beskikbaar by http://wced.school.za |
| |
Kandidate sal hulle eksamennommers en identiteitsnommers moet invoer om hulle individuele uitslae op die WKOD se webwerf te kan sien. |
| 1.6 |
Woensdag, 7 Januarie 2015 om 06:00 |
Uitslae word in die pers gepubliseer. |
| 1.7 |
Maandag, 12 Januarie 2015 na 12:00 |
Onafgehaalde uitslag adviese wat nie deur skole/sentrums afgehaal is nie, sal, deur die onderwysdistrikskantoor, aan hulle gepos word. |
| 1.8 |
Woensdag, 14 Januarie 2015 om 10:00 |
NSS-toekenningseremonie vind plaas by Leeuwenhof. |
| 2. |
Die Departement moet ingelig word van die reëlings wat deur skole en sentrums getref word om hulle uitslae af te haal. Prinsipale en sentrumbestuurders word versoek om die aangehegte vorm te voltooi en na die toepaslike onderwysdistrikskantoor direkteur te stuur teen 1 Desember 2014. |
| 3. |
Ondersteuning en berading vir kandidate wat nie geslaag het nie
Dit is uiters belangrik dat kandidate wat nie die eksamen slaag nie, ondersteuning en berading ontvang. Hierdie kandidate moet ingelig word van die beradingsdiens wat beskikbaar is. Kandidate kan by die skool berading ontvang wanneer hulle uitslae ontvang of, waar van toepassing, by die toepaslike onderwysdistrikskantore, waar departementele personeel beskikbaar sal wees.
Indien 'n prinsipaal, sentrumbestuurder of afgevaardigde personeellid 'n kandidaat na 'n onderwysdistrikskantoor verwys, moet daardie kandidaat die telefoonnommer en adres van die onderwysdistrikskantoor gegee word, en moet die onderwysdistrikskantoor die besonderhede van die kandidaat ontvang.
Aangesien dit dikwels gebeur dat kandidate wat berading nodig het dit nie uit vrye wil soek nie, word daar 'n beroep op skole en sentrums gedoen om bewus te wees van die emosies van kandidate wie se verwagtinge nie verwesenlik is nie.
|
| 4. |
Vrystelling van Inligting aan die Media
Die media sal ook geïnteresseerd wees om inligting van skole te verkry aangaande kandidate wat uitsonderlik goed presteer het in die Nasionale Senior Sertifikaat-eksamen. Prinsipale, sentrumbestuurders of die afgevaardigde personeellid mag sodanige inligting en foto’s aan die media verskaf na beraadslaging met ouers.
|
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:11:18
|
 |