1. |
Hierdie minuut gee 'n uiteensetting van die kriteria vir toelating van kandidate tot die Nasionale Senior Sertifikaat (NSS) Aanvullende Eksamen. Hierdie minuut moet saamgelees word met Staatskoerant No. 30048, gedateer 6 Julie 2007, Hoofstuk 4, artikel 17, paragrawe 1-3; en artikel 18, paragrawe 1-9. |
2. |
Die aanvullende eksamen word gedurende die eerste skoolkwartaal van die nuwe kalenderjaar afgeneem. Slegs leerders wat vir die November-eksamen van die vorige jaar geregistreer is kan tot die aanvullende eksamen toegelaat word. |
3. |
Leerders wat tydens die November-eksamen afwesig was en nie 'n geldige rede het nie, sal nie toegelaat word om vir die vak/ke in die aanvullende eksamen te registreer nie. |
4. |
Leerders mag nie vir enige nuwe vakke in die aanvullende eksamen inskryf nie, d.w.s hulle mag slegs vir die vakke inskryf waarvoor hulle in die voorafgaande Novembereksamen registreer het. |
5. |
Daar is verskeie kategorieë waaronder 'n leerder oorweeg kan word vir toelating tot die aanvullende eksamen. Die volgende kategorieë is van toepassing: |
5.1 |
Gevalle van siekte / mediese gevalle |
5.1.1 |
'n Leerder wat siek is, swanger is of siek raak tydens die November-eksamen en wat 'n geldige mediese sertifikaat het, sal toegelaat word om vir die aanvullende eksamen te registreer. |
5.1.2 |
'n Leerder kan kies om die hele vak te skryf of slegs die komponente van die vak/ke wat hy of sy nie in die November-eksamen kon skryf nie. |
5.1.3 |
Die mediese sertifikaat moet die ernstige aard van die siekte bevestig en moet aan die vereistes van die Wes-Kaap Onderwysdepartement (WKOD) voldoen. Die datum van uitreiking op die mediese sertifikaat moet saamval met die datum van afwesigheid. |
5.2 |
Gevalle van dood
In die geval van dood in die onmiddellike famlilie, word toelating tot die aanvullende eksamen aan die diskresie van die departementshoof oorgelaat. 'n Versoek vir sodanige toelating moet vergesel word van 'n brief van die skoolhoof wat aanbeveel dat die betrokke leerder vir die aanvullende eksamen ingeskryf word. 'n Gesertifiseerde afskrif van die doodsertifikaat en 'n beëdigde verklaring wat die verhouding van die oorledene met die kandidaat bevestig, moet die aansoek vergesel. |
5.3 |
Spesiale omstandighede |
5.3.1 |
In die geval waar 'n leerder die land in 'n erkende sport verteenwoordig en nie in staat is om die eksamen as gevolg daarvan te skryf nie, kan hy of sy toegelaat word om vir die aanvullende eksamen te registreer. |
5.3.2 |
Die leerder moet seker maak dat hy of sy 'n amptelike brief van die sportliggaam ontvang wat bevestig dat die leerder gekies is om die land gedurende 'n spesifieke tydperk te verteenwoordig. |
5.4.1 |
In die geval waar daar van 'n leerder vereis word om 'n beter simbool in 'n vak/ke te behaal voordat toelating toegestaan word tot 'n erkende tersiêre inrigting, kan sodanige leerder toegelaat word om vir die aanvullende eksamen te registreer. |
5.4.2 |
'n Versoek vir sodanige toelating moet vergesel word van 'n amptelike brief wat aan die leerder uitgereik is deur die inrigting wat die vereistes vir toegang staaf. |
6. |
Waar kandidate weens siekte, dood van 'n onmiddellike familielid of spesiale omstandighede vir die November-eksamen afwesig was, moet die volgende prosedures gevolg word: |
6.1 |
Die skoolhoof of hoofnasiener moet die kandidaat as afwesig merk en "999" op die bywoningsregister en die nasienbladsy onderskeidelik aandui. |
6.2 |
Op die dag van die eksamen moet die skoolhoof of hoofnasiener die leerder se eksamennommer en identiteitsnommer duidelik op die mediese sertifikaat, verklaring en alle ander korrespondensie aanbring voordat die sertifikaat ingedien word. |
6.3 |
Die nodige dokumentasie moet apart aan Hoofkantoor gestuur word en NIE aan die skrif/antwoordboek geheg word NIE. Die nodige dokumentasie kan geskandeer en ge-e-pos word, maar die oorspronklikes moet binne 7 dae gepos of per hand by Hoofkantoor afgelewer word. Die dokumentasie moet gestuur word aan: Riyad Isaac by die onderstaande adres. |
6.4 |
'n Afskrif van die betrokke dokumente moet elke Absentee-vorm (Bylae A) vergesel. |
7. |
Alle leerders wat vir inskrywing tot die aanvullende eksamen kwalifiseer sal van 'n voorafgedrukte inskrywingsvorm voorsien word. Die inskrywingsvorm sal aan die skool uitgereik word op die dag van die vrystelling van die uitslae in Januarie 2015. |
8. |
Die inskrywingsvorm wat aan leerders uitgereik word wat kwalifiseer om vir die aanvullende eksamen in te skryf, moet deur die leerder en skoolhoof voltooi en geteken word. Die vorm moet ingedien word by:
Die Hoof: Onderwys Wes-Kaap Onderwysdepartement Direktoraat: Eksamenadministrasie Vir aandag: Mnr R Isaac Privaatsak X9114 KAAPSTAD 8000
Tel.: 021 467 2916 Faks tot e-pos: 086 570 9705 E-pos: Riyad.Isaac@westerncape.gov.za
|
9. |
Bring asseblief die inhoud van hierdie minuut onder die aandag van alle personeel onder u toesig. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:11:05
|
![](images/shim.gif) |