| 1. | 'n Beroepsbewustheidsweek is beplan vir 20 tot 24 Oktober 2014 om die vermoë van leerders te versterk om ingeligte besluite te neem oor hulle toekomstige beroepe. Dit is 'n geleentheid vir Lewensoriëntering-onderwysers om die "Werkwêreld" afdeling van hulle sillabus te voltooi. |
| 2. | Die teikengroep is Senior Fase-leerders. |
| 3. | Die doel van die Beroepsbewustheidsweek is om leerders in graad 7 tot 9 bewus te maak van die belangrikheid daarvan om die korrekte vakke in graad 10 te kies. Gedurende hierdie week word skole aangemoedig om te fokus op aktiwiteite wat leerders sal lei om ingeligte besluite oor hulle toekomstige beroepe te maak. |
| 4. | Lewensoriëntering-onderwysers word aangemoedig om aktiwiteite vir hierdie week te beplan wat sal fokus op die werkwêreld. In sommige gevalle, waar werk aan leerders gedurende die loop van die jaar oor die Werkwêreld gegee is, kan dit gedurende hierdie week 'n hoogtepunte bereik. |
| 5. | Graad 7
Graad 7-leerders sou kon fokus op 'n weeklange projek wat kan uitloop op 'n aktiwiteit waar aangetrek word om 'n beroep voor te stel. Dit beteken dat met hierdie geleentheid met hulle toekomstige beroepe, leerders skool toe sal kom aangetrek in klere wat hulle toekomstige beroepe verteenwoordig. Hierdie aktiwiteit moet gedurende Lewensoriënteringperiodes plaasvind. Sien Bylae A vir nog idees. |
| 6. | Graad 8
Graad 8-leerders moet fokus op beroepsaktiwiteite wat hulle in staat sal stel om hulle eie sterktes, talente, beperkings en vermoëns in spesifieke vakke te herken. Sien Bylae A vir nog idees. |
| 7. | Graad 9
Graad 9-leerders word versoek om deel te neem aan 'n beroepsriglynoefening, wat die voltooiing van 'n Selfverkenningsberoepsoefening insluit. Die vraelys is deel van die proses om graad 9-leerders voor te berei om die korrekte vakke vir graad 10 te kies. Die vraelys is ontwerp deur die PACE-beroepsentrum vir die doel om die beroepsvolwassenheid van leerders te versnel. Uitslae wat uit hierdie selfverkenningsberoepsoefening verkry word het 'n aansienlike toename in die beroepsvolwassenheidsvlakke van deelnemers aangedui (Adviseer en Verwys Leerders: NKR-vlak 4, 2004). Sien Bylae B vir riglyne oor hoe om hierdie vraelys te voltooi. Geselekteerde skole sal hierdie selfontdekkingsvraelys ontvang sowel as beroepsleidingsbrosjures. Lewensoriëntering-onderwysers word versoek om die vraelys aan graad 9-leerders te administreer en hulle ouers te adviseer, deur gebruik te maak van beroepsleidingsbrosjures. |
| 8. | Vir verdere inligting oor hierdie saak, kontak asseblief mnr J Sitzer, Senior Beplanner: Lewensoriëntering AOO, by e-posadres Joey.Sitzer@westerncape.gov.za of telefoonnommer 021 467 2199. |
| 9. | Prinsipale word versoek om die inhoud van hierdie minuut onder die aandag van alle betrokke personeel te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:09:16
