1. Nasionale Wetenskapweek is 'n jaarlikse landwye viering van wetenskap, tegnologie, ingenieurswese, wiskunde en nuwigheid. Dit is 'n inisiatief van die Departement van Wetenskap en Tegnologie en word deur die Suid-Afrikaanse Agentskap vir Wetenskaplike en Tegnologiese Vooruitgang bestuur, 'n sake-eenheid van die Nasionale Navorsingstigting. Nasionale Wetenskapweek is in die Nasionale Wetenskapweek geinkorporeer.

2. Gedurende Nasionale Wetenskapweek is daar 'n spesiale fokus op wetenskap- en wiskunde-onderrig. Die doel is om hierdie vakke meer aantreklik, innemend en lonend te maak vir leerders en die gemeenskap as 'n geheel.

3. Die Nasionale Wetenskapweek dien as 'n geleentheid vir skole om wetenskap en wiskunde te populariseer en openbare bewustheid, begrip en waardering van hierdie vakke aan te moedig.

4. Skole word versoek om gedurende die week van 4 - 9 Augustus 2014, spesiale aktiwiteite te organiseer wat op hierdie vakke gebaseer is. Die ideaal sou wees om leerders asook hulle ouers hierby te betrek. Die klem is op pret en deelname deur leerders in die wereld van wiskunde en wetenskap.

5. Die Wes-Kaap Onderwysdepartement (WKOD) se webblad bevat uitstekende idees vir aktiwiteite en kan soos volg verkry word:

  • Maak die tuisblad van die WKOD oop;
  • Kies "Teaching/curriculum support" vanaf die kolom aan die linkerkant;
  • Kies "National Maths and Science week" vanaf die swart nutsbalk aan die bokant; en
  • Kies die gewenste lêers.
6. Skole word verder aangemoedig om van hierdie geleentheid gebruik te maak om hulle aktiwiteite met ander skole te deel, deur die oplaai van fotos en videos op die WKOD se webblad. Dit kan gedoen word deur die vakadviseur in die distrik. Ander sosiale media, soos die WKOD se Facebook-blad en Youtube, kan ook oorweeg word om te help met die popularisering van wetenskap en wiskunde.

7. Die Departement waardeer die ekstra pogings van ons onderwysers om die misterie uit wiskunde en wetenskap te haal en onderrig en leer meer prettig te maak.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:07:18