1. Hierdie kennisgewing volg op Kurrikulumminuut DCG 0003/2014 wat as 'n formele kennisgewing gedien het vir alle Fase 3 skole oor die Siklus 2-opleiding wat gedurende Junie-Julie 2014 sal plaasvind.

2. Hierdie minuut bevat besonderhede oor die opleidingslokale, asook aanvullende inligting en opleidingsvereistes.

3. Die opleidingsdatums en tye word hieronder gelys. Die spesifieke plekke vir die onderskeie kursusse word in Bylae A aangedui.

30 Junie tot 04 Julie 2014 14 Julie tot 18 Julie 2014 Opleiding sal strek oor 5 dae. Die tye is soos volg:

  • Maandag:Registrasie teen 8:00. Opleiding begin om 8:30 en eindig om 16:00
  • Dinsdag tot Donderdag: 8:30 tot 16:00
  • Vrydag: 8:30 tot 14:00
Onderwysdistrik Metro-Sentraal Onderwysdistrik Metro-Suid
Onderwysdistrik Metro-Noord Onderwysdistrik Metro-Oos
Onderwysdistrik Weskus Onderwysdistrik Eden en Sentrale Karoo
Onderwysdistrik Kaapse Wynland  

4. Registrasie
4.1 Kurrikulumminuut DCG 0003/2014 het versoek dat die volgende onderwysers geregistreer word om die opleiding by te woon en dat die registrasievorms voor 17 April 2014 aan die distrik se AOO-koordineerder gestuur word:
4.1.1 Skole wat Taalopleiding en -ondersteuning in Siklus 2 sal ontvang (sien Bylae A):

  • Alle Grondslagfase-onderwysers (Graad 1 tot 3), maar slegs Intermediere Fase-onderwysers wat Taal onderrig (Graad 1 tot 6), moet geregistreer wees.
4.1.2 Skole wat Wiskunde-opleiding en -ondersteuning in Siklus 2 sal ontvang (sien Bylae B):

  • Alle Grondslagfase-onderwysers (Graad 1 tot 3), maar slegs Intermediere Fase-onderwysers wat Wiskunde (Graad 4 tot 6) onderrig.
4.2 Let daarop dat graad R-onderwysers en graad 7-onderwysers NIE verplig is om die opleiding by te woon NIE, tensy hulle:

  • Die Grondslagfase/Intermediere Fase DH is.
  • Die Taal of Wiskunde vakhoof vir die Fase is.
  • In 2015 van graad 1 tot 6 sal verander, en Taal/Wiskunde sal onderrig.
4.3 Alle beplanning en logistiek (insluitend die hoeveelheid handleidings per taal, fasiliteerders, groepe, lokale, spyseniering, verblyf, ens.) is op die registrasiedata wat deur die skool ingedien is, gebaseer.
4.4 Volledige kursus bywoning word vereis, aangesien die program se volgorde en inhoud akkumulatief is, met ander woorde, elke sessie bou agtereenvolgend op elke vorige sessie.
4.5 Bywoning sal gemonitor word en nie-bywoning sal opgevolg word by die distrik aangesien daar ouditimplikasies vir die WKOD is (die interne ouditeur sal 'n verslag oor vrugtelose en verkwistende uitgawes vereis). Prinsipale word versoek om telefonies beskikbaar te wees (d.w.s. op hulle selfone) in die geval van navrae oor bywoning, deur distriksbeamptes, gedurende die opleidingsweek.
4.6 Deelnemers sal 'n bywoningsertifikaat aan die einde van die siklus ontvang, wat bywoning by die Junie/Julie opleiding sal reflekteer, insluitend alle skoolgebaseerde studieklasse.
4.7 Enige navrae rakende registrasie of bywoning moet onder die onmiddellike aandag van die distrik se AOO-koordineerder gebring word.

5. Wat om saam te bring
5.1 Onderwysers wat die Taalkursus sal bywoon word versoek om die volgende dokumentasie saam te bring:

  • 2013 se JNA-taaluitslae vir sy/haar klas en skool.
  • Huistaal se Kurrikulum-en Assesseringsbeleidsverklaring (KABV).
  • Handboek (wat tans in die onderwyser se klas gebruik word).
  • Nasionale departement se Huistaal-werkboek.
  • Leesboek.
5.2 Onderwysers wat die Wiskunde-kursus sal bywoon word versoek om die volgende dokumentasie saam te bring:

  • 2013 se JNA-wiskundeuitslae vir sy/haar klas en skool.
  • Wiskunde se Kurrikulum-en Assesseringsbeleidsverklaring (KABV).
  • Handboek (wat tans in die onderwyser se klas gebruik word).
  • Nasionale departement se Wiskunde-werkboek.
6. Reis
6.1 'n Reistoelaag sal op die volgende voorwaardes betaal word:

  • Volledige bywoning van opleidingskursus moet bevestig word (op die daaglikse bywoningsregister).
  • Die totale afstand wat vir die 5-dag periode afgele word, moet 100 km oorskry, d.w.s. dit moet ten minste 'n 20 km retoer per dag.
  • Die totale afstand wat vir die 5-dag periode geeis word, mag nie 700 km oorskry nie, d.w.s. dit mag nie meer as 140 km retoer per dag wees nie. Deelnemers wat hierdie afstand oorskry, sal nie vir meer as 700 km reisafstand vergoed word nie, en word aangeraai om eerder vir akkommodasie te registreer.
6.2 Vervoereise sal geassesseer word ooreenkomstig die volgende kriteria:

6.2.1 Gebruik van eie voertuig Onderwysers moet sover moontlik vervoer deel.
Slegs die bestuurder of eienaar van die voertuig mag vir die kilometerafstand wat gereis is, eis. Passasiers moet gelys word.
'n Standaardtarief van R3.00 per kilometer sal betaal word. Enjinslagvolume sal nie van toepassing wees nie.
Gebruik van 'n saamryklub (betaal of gratis) in 'n privaatvoertuig Slegs die bestuurder of eienaar van die voertuig mag vir die kilometerafstand wat gereis is, eis. Passasiers moet gelys word.
'n Standaardtarief van R3.00 per kilometer sal betaal word. Enjinslagvolume sal nie van toepassing wees nie.
6.2.3 Gebruik van die skoolbus Die skool moet 'n brief voorlê wat aandui dat die skoolbus vir die kursus gebruik is, met die name van die passasiers en die afstande wat gereis is.
'n Standaardtarief van R3.00 per kilometer sal betaal word.
Enjinslagvolume sal nie van toepassing wees nie.
6.2.4 Gebruik van 'n geregistreerde diensverskaffer

LW: vooraf skriftelike goedkeuring moet van die AOO-distrikskoördineerder verkry word.
Stap 1) Die skool moet 3 kwotasies voor die opleiding bekom.
Stap 2) Die skool moet hierdie kwotasies by die AOO-koördineerder indien. Die laagste kwotasies sal aanvaar word.
Stap 3) Die AOO-koördineerder moet bevestig dat die diens gekontrakteer kan word.
Stap 4) Die skool moet reël vir die huur van die diens.
Stap 5) Na die diens moet die SKOOL die diensverskaffer betaal en 'n kwitansie verkry.
Stap 6) Vir die vergoeding, moet die skool 'n brief by die distrik se eise bestuurder indien wat aandui dat die diensverskaffer gebruik is. Lys die name van die passasiers en die besonderhede van die afstand wat gereis is. Die kwotasies, goedkeuring vanaf die AOO-koördineerder en die finale betaalde faktuur moet aangeheg word.

Alle papierwerk moet as bewys vir die interne ouditeur gehou word.
Die WKOD sal SLEGS die skool vergoed by ontvangs van die getekende dokumentasie, insluitende die vooraf geskrewe goedkeuring vanaf die distrik se AOO-koördineerder. Onderwysers moet reël dat die groep op 'n sentrale punt opgelaai word.
6.2.5 Gebruik van openbare vervoer bv. 'n openbare taxi, bus, trein vir kort afstand gereis Eise moet die begin- en eindpunt van elke stadium van die reis aandui.
Vergoeding sal plaasvind ooreenkomstig die standaard-tariewe.
Die eisbeampte kan bewyse (kaartjies) versoek om die eis te staaf.
Geen meter taxi-reisgeld mag geëis word nie.

7. Verblyf en maaltye (waar van toepassing) slegs in landelike distrikte
7.1 Verblyf en maaltye (aandete en ontbyt) sal voorsien word, onderhewig aan die volgende voorwaardes:

  • Die afstand na die opleidingslokaal moet meer as 60 km een rigting per dag wees.
  • Volledige bywoning van opleidingskursus moet bevestig word.
  • Registrasie is vooraf voltooi.
  • Volle nakoming van die vereistes soos uiteengesit in 8.3 hieronder.
  • Slegs 1 opsie (sien 7.3 hieronder) mag gekies word, en onderwysers sal nie vergoed word vir enige verandering of ander verblyf nie.
7.2 Verblyf sal vanaf die eerste tot die laaste dag van die opleidingskursus voorsien word, met die opsie van aankoms tussen 14:00 en 17:00 op die Sondag voor die werkswinkel begin.
7.3 Tipe akkommodasie:

Onderwysers wat in aanmerking kom vir verblyf, kan vir EEN van die volgende opsies hieronder registreer:

7.3.1 Koshuisverblyf Koshuisverblyf, sonder enige onkoste vir onderwysers, sal voorsien word. Die volgende voorwaardes sal geld:

  • Registrasievorm (Bylae C of D) moes teen 17 April 2014 ingedien gewees het.
  • Onderwysers sal kamers deel.
  • Onderwysers word versoek om hulle eie beddegoed, handdoeke en toiletware saam te bring.
  • Sondag se aankomstyd is slegs tot en met 17:00.
7.3.2 Geregistreerde gasvryheidsinrigtings, soos bv. bed-en-ontbyt-gastehuise, hotel Die volgende voorwaardes sal van toepassing wees:

  • 'n Maksimum van R300 per dag mag geeis word vir aandete, bed en ontbyt.
  • 'n Oorspronklike faktuur vanaf die instelling moet deur die eiser onderteken en by die opleidingskursus ingedien word.
  • Onvolledige of laat eise is nie gewaarborg van betaling nie.
7.3.3 Familie/vriende verblyf Die volgende voorwaardes sal geld:

  • 'n Maksimum van R130 per dag mag geeis word vir aandete, bed en ontbyt.
  • Hierdie eis moet vergesel word van 'n beedigde verklaring van die betrokke familielid, mede-onderteken deur die eiser en by die opleidingskursus ingelewer word.
7.3.4 Privaat korttermyn huurooreenkomste Die volgende voorwaardes sal geld:

  • Die skool sal verantwoordelik wees vir die verblyfreelings en betaling daarvan. Die skool sal verantwoordelik wees vir al die koste vir aandete, bed en ontbyt.
  • 'n Behoorlike proses moet gevolg word:
    Stap 1) Die skool moet vooraf 'n brief by die AOO-koördineerder indien wat die gebruik van 'n gehuurde akkommodasiefasiliteit versoek om 'n groep onderwysers te akkomodeer. Besonderhede van akkommodasie, insluitende huur-ooreenkoms, asook die name van die onderwysers moet voorsien word.
    Stap 2) Die AOO-koördineerder moet die oor-eenkoms skriftelik goedkeur. Geen reëlings kan sonder dit afgehandel word nie.
    Stap 3) Die skool moet die kwitansie betaal en die ondersteunende dokumentasie (die ooreenkoms en die goedkeuring van die AOO-koördineerder) by die opleidingskursus indien.

  • Die eis sal as een rekening, betaalbaar aan die skool, hanteer word.
  • 'n Maksimum van R250.00 per dag per onderwyser sal betaal word - dit sluit alle akkommodasie, aandete, bed en ontbytkoste in. Die presiese bedrag wat terugbetaal word, sal egter afhang van die presiese koste, tot en met 'n maksimum van R250 per persoon per dag. Enige koste oor dit sal nie deur die WKOD betaal word nie.
  • Alle oorspronklike maaltyd kwitansies, strokies, ens., moet afgeteken en saam met 'n opsomming ingedien word.
  • Die hele eis moet as EEN REKENING, met 'n dekbrief vanaf die skool wat al die oorspronklike dokumentasie ondersteun, ingedien word.

8. Hoe om te eis
8.1
  • Die aangehegde Bankbesonderhedevorm moet op dag 1 ingedien word deur:

    • Alle kontrakonderwysers by die WKOD.
    • Alle SBL-onderwysers.
    • Alle onderwysers wie se bankbesonderhede die afgelope jaar verander het.

    Slegs die oorspronklike vorm met 'n oorspronklike bankstempel moet ingedien word. Geen fakse of fotokopiee sal aanvaar word nie. Onderwysers moet hierdie vorm voltooi VOOR die opleiding begin (m.a.w. arriveer by die lokaal met hierdie vorm wat reeds voltooi is).
    8.2 Alle eise moet ondersteun word deur oorspronklike dokumentasie. Geen fakse of fotokopiee sal aanvaar word nie.
    8.3 Eisers sal slegs vergoed word na voltooiing van die opleidingskursus en sal dus vooraf hulle eie onkoste moet betaal. Waar nodig, word skole vriendelik versoek om hulle onderwysers in hierdie opsig tegemoet te kom. Bewys van betaling moet bewaar word.
    8.4 Vergoedings sal slegs plaasvind na deeglike ondersoek van die eis en die WKOD behou die reg voor om die finale besluit te neem waar daar enige teenstrydigheid of nie-nakoming is.
    8.5 Alle eise moet ingedien word by die opleidingslokaal waar amptenare byderhand sal wees om eisers te help.
    8.6 Geen laat of onvoltooide eise sal aanvaar word nie, tensy daar buitengewone versagtende omstandighede is.Vergoeding kan egter nie gewaarborg word nie.
    8.7 Slegs eise wat in ooreenstemming met die bogenoemde vereistes ingedien is sal ten volle betaal word. Eisers wat teen 15 Oktober 2014 nie betaling ontvang nie, kan 'n opvolg versoek. Al sulke versoeke moet teen 30 Oktober 2014, skriftelik by die distrik se AOO-koördineer ingedien word.

    9. Navrae

    Indien u enige verdere navrae het, moenie huiwer om die betrokke AOO-distrikskoördineerder te skakel, wie se besonderhede hieronder verskyn, nie:

    Distrik Koördineerder Tel E-pos Faks
    Metro-Sentraal Avrille Morgendal 021 514 6770 Anna.Morgendal@westerncape.gov.za 021 514 6953
    Metro-Noord Malefo Makena 021 938 3104 Malefo.Makena@westerncape.gov.za 021 938 3183
    Metro-Suid Lorraine Bailey 021 703 3198 Lorraine.Bailey@westerncape.gov.za 021 372 1856
    Metro-Oos Rejean Muller 021 900 7013 Rejean.Muller@westerncape.gov.za 086 556 9519
    Weskus Ebrahim Peck 021 860 1569 Ebrahim.Peck@westerncape.gov.za 021 872 5394
    Kaapse Wynland Edgar Johannes 023 348 0605 Edgar.Johannes@westerncape.gov.za 086 531 0476
    Eden en Sentraal-Karoo Marietjie Beukes 044 803 8320 Marietjie.Beukes@westerncape.gov.za 086 242 1854

    10. Prinsipale moet verseker dat die inligting in hierdie minuut aan alle onderwysers oorgedra word wat vir bywoning geregistreer is.


    GETEKEN: PP SATYO
    WNDE ADJUNK-DIREKTEUR-GENERAL: KURRIKULUM-EN ASSESSERINGSBESTUUR
    DATUM: 2014:06:03

    Bylae A: Litnum Intervensie: Fase 3 – Siklus 2 Taalkursus  (grootte: 31 KB)
    Bylae B: Litnum Intervensie: Fase 3 – Siklus 2 Wiskunde-kursus  (grootte: 30 KB)
    "BAS Entity Maintenance"  (grootte: 28 KB)