1. Die Wes-Kaap Onderwysdepartement het `n Wenke vir Sukses-boekie voorberei vir elkeen van die Wes-Kaap se graad 9-leerders om hulle te help met hulle vakkeuses in graad 10. Die boekie verskaf studiewenke, eksamenwenke, wenke vir sukses en ander nuttige inligting.
2. Die boekies sal deur distriksbeamptes aan alle gewone openbare skole met graad 9-leerders afgelewer word.
3. Die boekie moet, sodra dit ontvang is, aan elke graad 9-leerder aangebied word.
4. Kontak asseblief u distrikskantoor indien die aantal boekies wat by die skool afgelewer word, verkeerd is. Oortollige boekies moet aan die distrikskantoor terugbesorg word.
5. Om te verseker dat hierdie boekies die verlangde effek het om leerders te help met hulle vakkeuses en eksamenvoorbereidings, word dit sterk aanbeveel dat onderwysers die inhoud van die boekie met hulle graad 9-klasse bespreek en leerders aanmoedig om dit te lees.
6. Vorige Jaarlikse Nasionale Assesserings (JNA)-vraestelle en nasienmemorandums vir Tale en Wiskunde, kan verkry word by http://wced.school.za
7. Prinsipale word versoek om die inhoud van hierdie minuut onder die aandag van personeellede te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:04:15