| 1. |
Soos u van bewus is, is u skool gekeur om deel te neem aan Fase 3 van die Wes-Kaap Onderwysdepartement (WKOD) se Geletterdheid- en Gesyferdheidsintervensie (LitNum Intervensie). Die fase sal soos volg oor 2 siklusse versprei word:
- Siklus 1 het in Junie-Julie 2013 begin, met 'n 5-dag opleidingsessie vir onderwysers, in of taal of Wiskunde. Dit is gevolg deur terreingebonde ondersteuning vir onderwysers, deur gespesialiseerde diensverskaffers, om hulle by te staan met die implementering van die metodologiee, inhoudskennis te verdiep en 'n gemeenskap van praktyk te bou. Siklus 1 sluit in Junie 2014 af.
- Siklus 2 begin in Junie 2014. Die aanvanklike, 5-daagse basislyn opleiding sal gedurende Junie-Julie 2014 gehou word. In Siklus 2 sal alle skole wat voorheen in Siklus 1 Taalondersteuning ontvang het, nou Wiskunde-ondersteuning in Siklus 2 ontvang, en omgekeerd.
|
| 2. |
Hierdie minuut dien as 'n formele kennisgewing aan alle Fase 3 skole dat Siklus 2 opleiding gedurende Junie-Julie 2014 sal plaasvind (soos voorheen aangekondig by die opleiding in Junie/Julie 2013). Datums is aan distrikte toegeken en onderwysers en DH'e moet die betrokke datums hieronder reserveer:
| 30 Junie tot 04 Julie 2014 |
14 Julie tot 18 Julie 2014 |
Opleiding sal oor 5 dae geskied. Die tye is soos volg:
- Maandag: Registrasie om 8:00. Opleiding begin 8:30 en eindig 16:00.
- Dinsdag tot Donderdag: 08:30 tot 16:00
- Vrydag: 8:30 tot 14:00
|
| Onderwysdistrik Metro-Sentraal |
Onderwysdistrik Metro-Suid |
| Onderwysdistrik Metro-Noord |
Onderwysdistrik Metro-Oos |
| Onderwysdistrik Weskus |
Onderwysdistrik Eden en Sentrale Karoo |
| Onderwysdistrik Kaapse Wynland |
|
|
| 3. |
Soos in die verlede en waar moontlik, sal opleiding in gesentraliseerde lokale in die metro- en landelike distrikte plaasvind. |
| 4.1 |
Prinsipale word versoek om die aangehegde registrasievorm te voltooi (of Bylae C of Bylae D) en dit voor Donderdag, 17 April 2014 aan die betrokke distrik AOO-koordineerder terug te stuur. |
| 4.2 |
Die volgende onderwysers moet registreer om die opleiding by te woon: |
| 4.2.1 |
Skole wat taalopleiding en ondersteuning in Siklus 2 sal ontvang (Sien Bylae A):
- Alle Grondslagfase onderwysers (graad 1 tot 3), maar slegs Intermediere Fase- onderwysers wat Tale onderrig (graad 4 tot 6).
- Bylae C, die Taalkursus se registrasievorm moet voltooi word.
|
| 4.2.2 |
Skole wat Wiskunde-opleiding en ondersteuning in Siklus 2 sal ontvang (Sien Bylae B):
- Alle Grondslagfase-onderwysers (graad 1 tot 3), maar slegs die Intermediere Fase-onderwysers wat Wiskunde onderrig (graad 4 tot 6).
- Bylae D, die Wiskunde kursus se registrasievorm moet voltooi word.
|
| 4.3 |
Let daarop dat graad R onderwysers en graad 7 onderwysers NIE verplig is om die opleiding by te woon NIE, tensy hulle:
- die Grondslagfase/Intermediere DH is;
- die Taal of Wiskunde hoof van die Fase is; of
- In 2015 van graad 1 tot 6 sal verander en Taal/Wiskunde sal onderrig.
|
| 4.4 |
Akkurate registrasie inligting vanaf skole is noodsaaklik om logistieke probleme by die opleiding te vermy. Alle kursusbeplanning en reelings (insluitend die hoeveelheid handleidings per taal, fasiliteerders, groepe, lokale, spyseniering en verblyf, ens.) word op hierdie inligting gebaseer. |
| 5.1 |
'n Reistoelaag sal betaal word, onderhewig aan die volgende voorwaardes:
- Volledige bywoning van opleidingskursus moet bevestig word.
- Die totale afstand wat vir die 5-dag periode afgele word, moet 100 km oorskry, d.w.s. ten minste 'n 20 km retoer per dag.
- Die totale afstand wat vir die 5-dag periode geeis word, mag nie 700 km oorskry nie, d.w.s. dit mag nie meer as 140 km retoer per dag wees nie. Deelnemers wat hierdie afstand oorskry, sal nie vir meer as 700 km reisafstand vergoed word nie, en word aangeraai om eerder vir akkommodasie te registreer.
|
| 5.2 |
Vervoereise sal geassesseer word ooreenkomstig die volgende kriteria:
| 5.2.1 |
Gebruik van eie voertuig |
Onderwysers moet sover moontlik vervoer deel.
Slegs die bestuurder of eienaar van die voertuig mag vir die kilometerafstand wat gereis is, eis. Passasiers moet gelys word.
'n Standaardtarief van R3,00 per km sal betaal word. Enjinslagvolume sal nie van toepassing wees nie. |
| 5.2.2 |
Gebruik van 'n saamryklub in 'n privaatvoertuig (betaal of gratis) |
Slegs die bestuurder of eienaar van die voertuig mag vir die kilometerafstand wat gereis is, eis. Passasiers moet gelys word. 'n Standaardtarief van R3,00 per km sal betaal word.
Enjinslagvolume sal nie van toepassing wees nie. |
| 5.2.3 |
Gebruik van die skoolbus |
Die skool moet 'n brief voorlê wat aandui dat die skoolbus gebruik is, met die name van die passasiers en die afstande wat gereis is.
'n Standaardtarief van R3.00 per kilometer sal betaal word.
Enjinslagvolume sal nie van toepassing wees nie. |
| 5.2.4 |
Gebruik van 'n geregistreerde diensverskaffer
LW: Vooraf skriftelike goedkeuring moet vanaf die AOO-distrikskoördineerder verkry word. |
| Stap 1) |
Die skool moet 3 kwotasies voor die opleiding bekom. |
| Stap 2) |
Die skool moet hierdie kwotasies by die AOO-koördineerder indien. Die laagste kwotasie sal aanvaar word. |
| Stap 3) |
Die AOO-koördineerder moet bevestig dat die diens gekontrakteer kan word. |
| Stap 4) |
Die skool moet reël vir die huur van die diens. |
| Stap 5) |
Na die diens moet die SKOOL die diensverskaffer betaal en 'n kwitansie verkry. |
| Stap 6) |
Vir die vergoeding, moet die skool 'n brief by die distrik se eise bestuurder indien wat aandui dat die diens-verskaffer gebruik is. Lys die name van die passasiers en die besonderhede van die afstand wat gereis is. Die kwotasies, goedkeuring vanaf die AOO-koördineerder en die finale betaalde faktuur moet aangeheg wees. |
Alle papierwerk moet behou word as bewys vir die interne ouditeur.
Die WKOD sal SLEGS die skool vergoed by ontvangs van die getekende dokumentasie, insluitende die vooraf geskrewe goedkeuring vanaf die distrik se AOO-koördineerder.
Onderwysers moet reël dat 'n groep op 'n sentrale punt opgelaai word.
|
| 5.2.5 |
Gebruik van openbare vervoer bv. openbare taxi, bus, trein vir kort afstand reis |
Eise moet die begin- en eindpunt van die reis aandui.
Vergoeding sal plaasvind ooreenkomstig die standaardtariewe.
Die eisbeampte kan bewyse (kaartjies) versoek om die eis te staaf.
Geen meter taxi- reisgeld mag geeis word nie. |
|
| 6. |
Akkommodasie en maaltye (waar van toepassing) slegs in landelike distrikte |
| 6.1 |
Akkommodasie en maaltye (ontbyt en aandete) sal voorsien word, onderhewig aan die volgende voorwaardes:
- Die afstand na die opleidingslokaal moet meer as 60 km een rigting per dag wees, d.w.s 'n 120km retoerreis.
- Volledige bywoning van die opleidingskursus moet bevestig word.
- Registrasie is vooraf voltooi.
- Volle nakoming van die vereistes soos uiteengesit in 6.3 hieronder.
- Slegs 1 opsie (sien 6.3 hieronder) mag gekies word, en onderwysers sal nie vergoed word vir enige verandering of alternatiewe akkommodasie nie.
|
| 6.2 |
Akkommodasie sal vanaf die eerste tot die laaste dag van die opleidingskursus voorsien word, met die opsie van aankoms tussen 16:00 en 17:00 op die Sondag voor die werkswinkel begin. |
| 6.3 |
Tipe akkommodasie:
Onderwysers wat in aanmerking kom vir akkommodasie, kan vir EEN van die volgende opsies hieronder registreer:
| 6.3.1 |
Koshuisakkommodasie |
Koshuisakkommodasie sonder enige koste vir onderwysers sal verskaf word. Die volgende voorwaardes geld:
- Registrasievorm (Bylae C of D) moet teen 17 April 2014) ingedien word.
- Onderwysers moet kamers deel.
- Onderwysers moet hulle eie beddegoed, handdoeke en toiletware saambring.
- Sondag se aankomstyd is slegs tot en met 17:00.
|
| 6.3.2 |
Geregistreerde gasvryheidsinrigtings, soos bv. bed-en-ontbyt, gastehuise, hotelle |
Die volgende voorwaardes sal van toepassing wees:
- 'n Maksimum van R300 per dag mag geeis word vir aandete, bed en ontbyt.
- 'n Oorspronklike faktuur vanaf die inrigting moet deur die eiser onderteken word en by die opleidingskursus ingedien word.
- Onvolledige of laat eise is nie gewaarborg van betaling nie.
|
| 6.3.3 |
Familie/vriende akkommodasie |
Die volgende voorwaardes sal van toepassing wees:
- 'n Maksimum van R130 per dag mag geeis word vir aandete, bed en ontbyt.
- Hierdie eis moet vergesel word van 'n beedigde verklaring van die betrokke familielid/vriend, en medeonderteken deur die eiser en by die opleidingskursus ingelewer word.
|
| 6.3.4 |
Privaat korttermyn huurooreenkomste |
Die volgende voorwaardes sal van toepassing wees:
- Die skool sal verantwoordelik wees vir die akkommodasie reelings en betaling (alle koste vir aandete, bed en ontbyt).
- 'n Behoorlike proses moet gevolg word:
| Stap 1) |
Die skool moet, vooraf, 'n brief by die AOO-koördineerder indien, wat die gebruik van'n gehuurde akkommodasie-fasilieit versoek om 'n groep onderwysers te akkomodeer. Besonderhede van die akkommodasie, insluitend die huur-ooreenkoms, en die name van die onderwysers moet voorsien word. |
| Stap 2) |
Die AOO-koördineerder moet die oor-eenkoms skriftelik goedkeur. Geen reëlings kan daarsonder afgehandel word nie. |
| Stap 3) |
Die skool moet die kwitansies betaal en die ondersteunende dokumentasie (die ooreenkoms en die goedkeuring van die AOO-koördineerder) by die opleidings- kursus indien. |
- Die eis sal as een rekening hanteer word, betaalbaar aan die skool.
- 'n Maksimum bedrag van R250.00 per dag per onderwyser sal betaal word - dit sluit alle akkommodasie, aandete, bed en ontbytkoste in. Die presiese bedrag wat vergoed word, sal egter afhang van die presiese koste, tot en met 'n maksimum van R250 per persoon per dag. Enige verdere koste sal nie deur die WKOD betaal word nie.
- Alle oorspronklike kwitansies vir etes, kas-register, strokies ens, moet afgeteken word en saam met 'n opsomming ingedien word.
- Die hele eis moet AS EEN REKENING ingedien word met 'n dekbrief vanaf die skool wat al die oorspronklike dokumentasie ondersteun.
|
|
| 7.1 |
Die aangehegte Bankbesonderhedevorm moet voltooi word, deur die bank gestempel word en ingedien word by die eisamptenaar by die opleidingslokaal. Slegs die oorspronklike vorm mag ingedien word. Geen fakse of fotokopieë sal aanvaar word nie. Onderwysers moet dit voltooi VOOR die opleiding begin (m.a.w. daag by die lokaal op met die reeds voltooide vorm). |
| 7.2 |
Alle eise moet ondersteun word deur oorspronklike dokumentasie. Geen fakse of fotokopieë sal aanvaar word nie. |
| 7.3 |
Eisers sal slegs vergoed word na voltooiing van die opleidingskursus en sal dus vooraf hulle eie onkoste moet betaal. Waar nodig, word skole vriendelik versoek om hulle onderwysers in hierdie opsig tegemoet te kom. Bewys van betaling moet bewaar word. |
| 7.4 |
Vergoedings sal slegs plaasvind na deeglike ondersoek van die eis en die WKOD behou hom die reg voor om die finale besluit te neem waar daar enige teenstrydigheid of nie-nakoming is. |
| 7.5 |
Alle eise moet ingedien word by die opleidingslokaal waar amptenare byderhand sal wees om eisers te help. |
| 7.6 |
Geen laat of onvoltooide eise sal aanvaar word, tensy daar buitengewone versagtende omstandighede is nie, en vergoeding kan nie gewaarborg word nie. |
| 8. |
Navrae
Indien u enige verdere navrae het, moenie huiwer om die betrokke AOO- koördineerder te kontak nie:
|
| 9. |
Prinsipale word versoek om seker te maak dat die inligting in hierdie minuut oorgedra word aan alle onderwysers en dat die registrasiebesonderhede teen nie later nie as 17 April 2014 by die AOO-distrikskoördineerder ingedien word.
|
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:03:19
|
 |