| 1. |
Die Suid-Afrikaanse Wiskunde-uitdaging is 'n opvoedkundige geleentheid vir leerders in graad 4 tot 7 om hulle wiskundige vermoens te ontwikkel. Die Uitdaging was voorheen bekend as die AMESA Wiskunde-uitdaging en word deur die South African Mathematics Foundation (SAMF) en SASOL geborg. Dit poog om die gehalte van die onderrig en leer van Wiskunde op te bou deur senior primere skoolleerders van interessante probleme op hulle eie graadvlak te voorsien. |
| 2. |
Die Uitdaging het ten doel om:
- Wiskunde gewild te maak;
- probleemoplossing in Wiskunde onderrig te bevorder;
- 'n perspektief te bevorder dat wiskundige aktiwiteit meer as net berekeninge is;
- die belangrikheid van lees in wiskundige aktiwiteit te beklemtoon;
- materiaal te versprei wat bydra tot betekenisvolle wiskundige aktiwiteite in klaskamers; en
- die voorsiening van 'n diagnostiese hulpmiddel om onderwysers in staat te stel om leerders se wanopvattinge te identifiseer.
|
| 3. |
Die Uitdaging gaan nie oor kompetisie nie, maar oor deelname, hoewel sommige leerders die vrae aanvanklik uitdagend sal vind. Daar is twee maniere om deel te neem: Sterker leerders kan verkies om deel te neem as individue (enkelspel) terwyl ander verkies om in pare (dubbels) te werk. Die vrae is ontwerp om begrip, toepassing van kennis in nuwe situasies, kommunikasie en algemene wiskundige denke te ontwikkel. |
| 4. |
Om prestasie in Wiskunde te ontwikkel, moedig die Wes-Kaap Onderwysdepartement (WKOD) skole aan om deel te neem aan die 2014 Wiskunde-uitdaging. |
| 5. |
Die 2014 Uitdaging bestaan uit 'n eerste rondte (12 - 16 Mei) en 'n finale rondte (30 Julie, tydens Nasionale Wetenskap-week), met afsonderlike vrae vir graad 4, 5, 6 en 7 wat deur 'n komitee saamgestel is. Elke vraestel is 'n uur lank en bestaan uit 25 veelvoudige keusevrae. |
| 6. |
Die eerste rondte word by skole geskryf en daar word van skole verwag om afskrifte van die vraestelle te maak vir hulle leerders. Gegewe die doelstellings en die aard van die uitdaging word skole aangemoedig om alle leerders aan die eerste rondte te laat deelneem. Onderwysers sal die antwoorde self merk vanaf 'n memorandum wat deur SAMF voorsien word of die klas kan dit ook tydens 'n klasbespreking merk. Die vraestelle sal slegs via e-pos versprei word deur die plaaslike organiseerders wat deur vakadviseurs ondersteun word. |
| 7. |
Die finale rondte is vir leerders wat 60% of meer in die eerste rondte behaal het. Dit word by 'n sentrale lokaal geskryf in die verskillende streke ('n groep skole in die geografiese nabyheid). By die finale rondte kommunikeer leerders met mekaar oor Wiskunde. Streeksorganiseerders neem verantwoordelikheid vir die duplisering van vraestelle en organisering van die final rondte in hulle streek. |
| 8. |
Die Wiskunde-uitdaging erken prestasie en ken die volgende sertifikate van prestasie toe: Alle leerders wat 80% en meer in die finale behaal, ontvang goud, die wat 60%-80% behaal, ontvang silwer en die wat meer as 50%-60% verkry, ontvang brons. Ontvangers van goue toekennings sal elk 'n geskenkbewys ontvang. |
| 9. |
Deelname in die eerste rondte is gratis vir alle leerders. Die toegangsfooi vir die finale rondte is R10 per leerder om die koste van die streeksorganiseerder te dek. Skole word aangemoedig om die toegangsfooi vir hulle leerders te betaal. |
| 10. |
Skole wat belangstel, moet direk by hulle Wiskunde-vakadviseurs registreer wat die geleenthede in elke distrik sal koördineer. Sien asseblief Bylae A vir kontak-besonderhede. |
| 11. |
Sien asseblief Bylae B vir die name van kringorganiseerders en skole wat die finale rondte van die uitdaging sal aanbied. |
| 13. |
Prinsipale word versoek om die inhoud van hierdie minuut onder die aandag van alle Wiskunde onderwysers te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:03:19
|
 |