| 1. |
Die AstroQuiz is 'n wetenskapkompetisie vir graad 7-leerders wat gebaseer is op astronomieverwante temas. Dit is ook verwant aan die "Aarde en die Ruimte" afdeling in die Natuurwetenskappe-sillabus. |
| 2. |
Die AstroQuiz is 'n projek wat deur die Suid-Afrikaanse Agentskap vir Wetenskap en Tegnologiese Voortuitgang (SAAWTV) befonds is, en word provinsiaal deur die Suid-Afrikaanse Astronomiese Observatorium (SAAO) geloods. Die projek mik daarop om:
- 'n belangstelling in die wetenskap in primere skole aan te moedig;
- klaskamerpraktyk te verbeter;
- bewustheid en insig te skep in basiese sterrekunde, wetenskap en wiskunde; en
- 'n belangstelling in loopbaangeleenthede in die sterrekunde en ander wetenskappe te bevorder.
|
| 3. |
Sedert 2006 is die AstroQuiz suksesvol in die provinsie geïmplementeer, en belangstelling in die kompetisie is ongelooflik. Observatory Junior het byvoorbeeld, vir die afgelope twee jaar, die provinsie op nasionale vlak verteenwoordig. Daar is ook aantreklike pryse wat aan die wenskool gebied word. |
| 4. |
Die Wes-Kaap Onderwysdepartement (WKOD) moedig skole aan om aan die 2014 AstroQuiz deel te neem. |
| 5. |
Vanaf 2014 sal die AstroQuiz kompetisie provinsiaal in beide Engels en Afrikaans bestuur word. 'n Skool wat die provinsiale finaal wen, sal hulle leerders moet voorberei om in Engels op nasionale vlak deel te neem. |
| 6. |
Die hulpbronpak vir die AstroQuiz en vorige jare se vraestelle sal deur die SAAO by deelnemende skole, afgelewer word. Die hulpbronpak vir Afrikaans sal egter op die SAAO AstroQuiz se webblad beskikbaar wees: www.astroquiz.saao.ac.za
Sodra SAAWTV gedrukte kopieë van die Afrikaanse hulpbronpak en voorbeelde aan die SAAO stuur, sal dit by skole afgelewer word.
|
| 7. |
Die WKOD versoek dat alle skole die AstroQuiz hulpbronpak en vraestelle gebruik sodat leerders kan oefen hoe om die vasvra te skryf. Dit moet `n oop boek aktiwiteit wees vir groepe van vier leerders, met elke groep wat as `n span saamwerk. |
| 8. |
Besonderhede en belangrike datums aangaande die vasvra word in die aangehegte inligtingstuk voorsien (Astroquiz2014_Advert-1). |
| 9. |
Die eerste twee rondtes van die provinsiale AstroQuiz sal op skoolvlak plaasvind. Rondte 1 sal op Vrydag 25 April 2014, en Rondte 2 op Vrydag 23 Mei 2014 plaasvind. Skole word aangemoedig om, met soveel spanne moontlik in die eerste rondte, deel te neem. Slegs een span per skool mag aan die tweede rondte deelneem. Skole kan reël om aanlyn aan hierdie twee rondtes deel te neem. Deelnemende leerders mag nie hulpbronmateriaal in die vasvra lokaal invat nie. |
| 10. |
Provinsiale Rondtes 3 en 4 sal saam op Vrydag 29 Augustus 2014, by die SAAO in Observatory, Kaapstad plaasvind. Die SAAO sal verantwoordelik wees vir die vervoer van spanne na die provinsiale Rondtes 3 en 4, asook die finale nasionale rondte. Die wenskool sal die provinsie by die nasionale kompetisie verteenwoordig, wat op Vrydag, 31 Oktober 2014 gehou sal word. Die byeenkomplek vir die finale nasionale rondte sal later bekend gemaak word. |
| 11. |
Belangstellende skole moet direk by die SAAO vir die vasvra registreer, via die AstroQuiz webblad: http://astroquiz.saao.ac.za. Die aanlynstelsel vereis Internet Explorer 9 (of `n latere weergawe), Firefox of Safari, indien Mc.OS gebruik word. Maak seker dat die jongste weergawe geïnstalleer word. Proef vasvra is na registrasie beskikbaar. |
| 12. |
Indien u enige vrae het, moet nie huiwer om die SAAO direk te kontak nie. U kan ook hulle webblad besoek vir meer inligting. Hulle besonderhede is:
|
| 13. |
Prinsipale word versoek om hierdie minuut onder die aandag van alle graad 7 Natuurwetenskappe onderwysers te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:02:27
|
 |