1. Die Nasionale Natuurwetenskappe Olimpiade is 'n projek wat geborg is deur die Suid-Afrikaanse Agentskap vir die Bevordering van Wetenskap en Tegnologie (SAABWT). Die Olimpiade beoog:

  • om 'n belangstelling in wetenskap onder leerders te skep en om hulle aan te moedig om die wetenskappe te bestudeer in die VOO-fase;
  • om die top Natuurwetenskappe leerders nasionaal te identifiseer;
  • om Natuurwetenskappe onderwysers te ondersteun en hulle klaskamerpraktyk te verbeter; en
  • om talent onder die Natuurwetenskappe leerders te identifiseer.
2. Die Olimpiade is 'n stimulerende aktiwiteit wat van deelnemers verwag om kritiese denke, probleemoplossingsvaardighede, innovering en kreatiwiteit te demonstreer. Dit word deur die Wes-Kaap Onderwysdepartement (WKOD) se Strategie vir Wiskunde en Fisiese Wetenskappe ondersteun. Daar kan indrukwekkende pryse gewen word deur die toppresteerders in die Olimpiade.

3. In 2014, het 1 794 graad 4 leerders en 2 215 graad 7 - 9 leerders van die Wes-Kaap Onderwysdepartement (WKOD) die Olimpiade geskryf. Die volgende pryse is aan die Wes- Kaap se wenners in die nasionale kategorie toegeken:

NAAM VAN SKOOL LEERDER SE VOORLETTER EN VAN PLEK PRYS
Westerford High N Lambrecht (71%) Top Drie nasionale wenners (Graad 7 – 9) – Derde plek Lenovo Tablet – 8 duim
Rustenburg Girls High B Rijkmans (72%) Top Drie nasionale wenners (Graad 7 – 9) – Tweede plek Lenovo Tablet – 8 duim
Curro Hermanus R Sauer (72%) Top Leerder per graad – Graad 4 e-Reader/ Kindle
Curro Durbanville R McDougall (67%) Top Leerder per graad – Graad 8 e-Reader/ Kindle
Star International M Salie (88%) Top Drie nasionale wenners (Graad 4 – 6) – Eerste plek Lenovo Tablet – 10 duim
Star International A Leonard (86%) Top Drie nasionale wenners (Graad 4 – 6) – Tweede plek Lenovo Tablet – 8 duim
Star International N Webb (86%) Top Drie nasionale wenners (Graad 4 – 6) – Tweede plek Lenovo Tablet – 8 duim
Star International A Leonard (86%) Top nasionale meisie leerder (Graad 4 – 6) Eerste plek e-Reader/ Kindle
Star International N Webb (86%) Top nasionale meisie leerder (Graad 4 – 6) Eerste plek e-Reader/ Kindle
Grove Primary Top presterende skool nasionaal Eerste plek Laboratorium toerusting-bewysstuk vir R6,000.00
Hermanus Primary Top presterende skool nasionaal Derde plek Laboratorium toerusting-bewysstuk vir R3,500.00

4. Talentvolle leerders soos hierdie moet erken en aangemoedig word in ons skole.

5. Die Olimpiade is 'n veelkeuse-eksamen wat slegs in Engels aangebied word. Dit word in twee kategorieë verdeel, nl. Intermediêre Fase en Senior Fase. Dit sal afgeneem word van 09:00 - 12:00 op Donderdag, 07 Mei 2015. Die sluitingsdatum is Vrydag 30 Januarie 2015.

6. Die Wes-Kaap Onderwysdepartement (WKOD) moedig skole aan om belowende wetenskapleerders in graad 4 – 9 in te skryf vir die 2015 Nasionale Natuurwetenskappe Olimpiade.

7. Let daarop dat die Olimpiade verpligtend is vir alle leerders in Dinaledi Hoof- en Dinaledi Insentiefskole.

8. Die deelnemingsgeld vir die Olimpiade is R10.00 per leerder. Die gelde moet direk in die SAASTA se bankrekening gedeponeer word. Die bankbesonderhede word op die inskrywingsvorm genoem. Daar is geen beperking op die aantal leerders wat ingeskryf mag word nie.

9. Skole word versoek om die integriteit van die Olimpiade te handhaaf deur sorgvuldige toesighouding. 'n Onreëlmatigheid sal 'n skool outomaties van deelname aan die Olimpiade diskwalifiseer.

10. Skole word versoek om die aangehegte registrasievorm (Bylae A en B) in te vul en te onderteken en dit terug te stuur aan die naaste distrikskantoor of wetenskapsentrum wat in Bylae C gelys is. Verseker asseblief dat 'n afskrif van die registrasiefooi se kwitansie aan die aangehegte registrasievorms vasgekram is. Alle voltooide registrasievorms moet die onderskeie distrikskantore en/of wetenskapsentrums teen nie later nie as 14:00 op Dinsdag, 27 Januarie 2015 bereik.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:12:04

Bylae A & B - "Natural Sciences Olympiad registration forms"  (grootte: 188 KB)
Bylae C - "Natural Sciences Olympiad Administration 2015"  (grootte: 34 KB)