1. Die Kurrikulum- en Assesseringsbeleidsverklaring (KABV) vir Sosiale Wetenskappe in die Intermediêrefase plaas spesiale fokus op geselekteerde aspekte van kaartvaardighede.
2. Om die gefokusde en sistematiese ontwikkeling van geografiese vaardighede in elke graad te bereik, moet leerders blootgestel word aan 'n verskeidenheid kaartgebruike en ander geografiese vaardighede wat verband hou met fisiese en menslike geografiese onderwerpe in graad 4 tot 6.
3. Kaartgebruik moet regdeur elke graad in onderwerpe geïntegreer word.
4. Die Wes-Kaap Onderwysdepartement (WKOD) sal 'n muurkaart van Suid-Afrika (polities) en 'n muurkaart van Afrika (fisies) aan alle gewone openbare skole met graad 4 tot 6 voorsien.
5. Aflewering sal tussen 03 en 07 November 2014 plaasvind vanaf die agt onderwysdistrikte.
6. Prinsipale en departementshoofde moet seker maak dat 'n inventaris gehou word van al die hulpbronne wat deur die WKOD voorsien word en dat 'n streng herwinningsbeleid in werking gehou word.
7. Sosiale Wetenskappe-onderwysers word aangemoedig om hulself te vergewis van die muurkaarte en die hulpbronne in hulle daaglikse onderrig te gebruik en daarna te verwys.
8. Die gebruik van muurkaarte moet gemonitor word deur die fasehoof of departementshoof en distriksbeamptes.
9. Vir verdere inligting in hierdie verband, kan skole me N Dodgen, Adjunkhoofonderwyskundige AOO, kontak by e-posadres noleen.dodgen@westerncape.gov.za of tel no 021 467 9333.
10. Prinsipale word vriendelik versoek om die inhoud van hierdie minuut onder die aandag van alle betrokke personeel te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:10:29