1. Die Wes-Kaap Onderwysdepartement (WKOD) bied lesuitsendings aan via die interaktiewe telematikaplatform, (lesse via satelliet-tegnologie uitgesaai), gedurende die periode van Februarie-Oktober 2014.

2. Die lesse gedurende Februarie en Maart sal die huidige graad 12-leerders en kandidate wat die aanvullende Nasionale Senior Sertifikaat-eksamen (NSSeksamen) skryf, akkomodeer.

3. Kandidate wat die aanvullende eksamens skryf, kan die uitsending by 'n telematies-toegeruste skool naaste aan hulle woonplek bywoon (sien Bylae B vir die ligging van hierdie skole). Hierdie kandidate word versoek om hulle eie skryfbehoeftes na die lesse te bring. Kandidate wat nie toegang tot enige skool wat in Bylae B genoem is, het nie, kan ondersteuningslesse op DVD's teen 'n nominale prys by die WKOD aankoop deur EDUMEDIA te kontak by 021 689 9536.

4. Die lesse sal die verskillende grade soos volg akkommodeer:

  • Februarie tot Maart
    		•  Huidige graad 12 en die wat die aanvullende eksamen skryf
  • April tot Augustus
    		•  Graad 12
  • September en 1 Oktober
    		•  Graad 10
  • Oktober
    		•  Graad 11

    5. Die vakke wat vir graad 11 en 12 aangebied word, is soos volg:

    • Wiskunde
    • Fisiese Wetenskappe
    • Rekeningkunde
    • Geografie
    • Lewenswetenskappe
    • Engels HT
    • Afrikaans HT
    6. Graad 10 sal lesse in Wiskunde en Fisiese Wetenskappe ontvang.

    7. Die aangehegte Bylae A verskaf die rooster van lesse. Die onderwerpe van die lesse sal in die leerderboeke gedruk word.

    8. Die aanbieders is leier onderwysers wat gekies is vir hulle kundigheid in hulle vakke.

    9. Aangesien lesse na skoolure deur die week aangebied word, is dit uiters noodsaaklik dat prinsipale reëlings met die ouers van graad 10-, 11- en 12-leerders asook met hulle beheerliggame bespreek.

    10. Die bywoning van leerders sal gereeld deur hoofkantoor- en distriksbeamptes gemonitor word.

    11. Van prinsipale sal verwag word om weekliks verslag te doen van bywoning deur leerders, sowel as van die suksesse of probleme wat met die program ondervind word.

    12. Bykomend tot die aangehegte skedules, kan telematika-uitsendings na die Noord-Kaapse Onderwysdepartement deur die WKOD-skole gekyk word. Sodra hierdie skedules beskikbaar is, sal dit aan skole gekommunikeer word.

    13. Indien u enige navrae or hierdie inisiatief het, neem asseblief die vrymoedigheid om Walter Mercuur te kontak by tel. 021 467 2630 of e-posadres walter.mercuur@westerncape.gov.za

    14. Prinsipale van nie-telematiese skole word versoek om kandidate wat die aanvullende eksamen skryf, aan te moedig en te help om van hierdie geleentheid gebruik te maak.

    15. Prinsipale word versoek om die inhoud van hierdie minuut onder die aandag van alle betrokke personeel, graad 10-, 11- en 12-leerders en hulle ouers of voogde te bring.


    GETEKEN: BK SCHREUDER
    ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
    DATUM: 2014:02:07

    Bylae A: "Telematics schedule for 2014"  (grootte: 49 KB)
    Bylae B: "Schools presenting lessons on Telematics Platform"  (grootte: 39 KB)