| 1. |
Die NKV graad R – 12 Kurrikulum- en Assesseringsbeleidsverklarings (KABV), sal in 2014 in al die grade geïmplementeer word. Dus moet alle toegewings in lyn wees met die NKV graad R 12 voorskrifte. |
| 2. |
Een so 'n toegewing is die behoud van die voorgeskrewe letterkunde vir Huistaal (HT), Eerste Addisionele Taal (EAT) en Tweede Addisionele Taal (TAT), wat verklaar word in Omsendbriewe S8 van 2012, S2 van 2010 en S2 van 2009. |
| 3. |
Met die implementering van die KABV in 2014, skep hierdie toegewing 'n anomalie vir poësie in die Huistale, aangesien die KABV 12 gedigte voorskryf, in vergelyking met die 15 wat die toegewing sou behou. |
| 4. |
Hierdie minuut bring die Huistale se toegewings in lyn, soos verklaar in die omsendbriewe met die KABV-voorskrifte. Die lys van twaalf (12) gedigte wat behou word vir die November/Desember 2014 en Februarie/Maart 2015 Nasionale Senior Sertifikaat-eksamens vir elke Huistaal is vir u aandag aangeheg. Let asseblief daarop dat die status quo vir ander genres in Huistale dieselfde bly. |
| 5. |
Omsendbriewe S8 van 2012, S2 van 2010 en S2 van 2009 bly van krag vir al die Eerste Addisionele Tale vir die Nasionale Senior Sertifikaat-eksamens in November/Desember 2014 en Februarie/Maart 2015. |
| 6. |
Graad 12 letterkunde se voorgeskrewe werke en eksamenvereistes vir die amptelik Tweede Addisionele Tale in die Nasionale Senior Sertifkaat: |
| 6.1 |
Let asseblief daarop dat die kandidate wat die Nasionale Senior Sertifikaat-eksamens op Tweede Addisionele Taalvlak skryf, versoek sal word om oor twee van die vyf kortverhale vir 40 punte (2x20 – kontekstuele vrae oor twee kortverhale) te skryf, ooreenkomstig die KABV vir amptelike Tweede Addisionele Tale, in November/Desember 2014 en Februarie/Maart 2015. |
| 6.2 |
Omsendbrief S8 van 2007 sal steeds leiding verskaf aan Provinsiale Onderwysdepartemente oor die selektering en voorskryf van kortverhale vir Tweede Addisionele Tale. Die enigste wysiging tot Omsendbrief S8 van 2007 is dat die kandidate oor twee van die vyf stories getoets sal word, in plaas van een soos verklaar in Omsendbrief S8. |
| 7. |
Die letterkunde deel vir die Tweede Addisionele Tale is nog steeds in Afdeling D van Vraestel 1: Taal in Konteks en Letterkunde. |
| 8. |
Indien u enige probleme ondervind met toegang tot hierdie dokumente, moet u asseblief nie huiwer om die kurrikulumadviseur vir tale by u distrikskantoor te kontak nie. |
| 9. |
U word vriendelik versoek om die inhoud van hierdie minuut onder die aandag van alle taalonderwysers te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:02:04
|
 |