| 1. |
Die Departement van Basiese Onderwys (DBO), in vennootskap met die Nasionale Erfenisraad (NER), nooi alle skole uit om deel te neem aan hulle onderwysuitreikprogram ter herdenking van Erfenisdag 2014. |
| 2. |
Hierdie kompetisie sal deel uitmaak van die Departement se bydrae tot die versterking van die onderrig en leer van Geskiedenis en Toerisme in skole. Die nasionale finale sal van 06 tot 10 Oktober 2014 by die Augrabies Waterval Nasionale Park gehou word. Een skool sal gekies word om die Wes-Kaap by die nasionale byeenkoms te verteenwoordig. |
| 3. |
Hierdie program is in 2008 bekend gestel om by jongmense die betekenis daarvan in te skerp om die tasbare en ontasbare erfenis van Suid-Afrika te bevorder en te bewaar. Die program bevorder ook sosiale samehorigheid, terwyl dit die skoolkurrikulum versterk en ondersteun deur die restourasie van Afrika-humanisme. |
| 4. |
Dit is ook deel van die Departement se deurlopende inisiatief om alle leerders aan te moedig om 'n waardering van Suid-Afrika se kulturele erfenis en diversiteit te bekom, en is 'n geleentheid vir leerders om belangrike navorsingsvaardighede te ontwikkel. |
| 5. |
KOMPETISIE VIR LEERDERS
Die twee fokuspunte van die Erfenis Uitreikprogram sal wees om die ontasbare kulturele erfenis en bevrydingserfenis in Suid-Afrika te beklemtoon.
Daar sal van leerders verwag word om DRIE dinge te doen: |
| 5.1 |
Leerders sal die templaat (Bylae A) gebruik om ‘n databasis op te stel van die bedreigde tasbare en ontasbare kulturele erfenis in hulle gemeenskap. Leerders sal 10 minute kry om hierdie bevindinge voor te dra en aanbevelings te maak oor hoe om die erfenis wat bedreig word te bewaar en te bevorder. |
| 5.2 |
Na aanleiding van die viering van 20 jaar van demokrasie, word daar van leerders verwag om navorsing te doen oor of ons sedert 1994 as 'n land in elke sfeer verander het; simboliese oomblikke gedurende die afgelope 20 jaar wat ons 'n rede gegee het om fees te vier; en die rigting wat ons nodig het om 'n demokratiese, nie-rassige, nie-seksistiese, verenigde en voorspoedige samelewing te realiseer wat gebaseer is op geregtigheid, gelykheid, die oppergesag van die gereg en onvervreembare menseregte vir almal. Leerders sal 5 minute gegee word om hierdie bevindinge voor te dra. |
| 5.3 |
Daar word van leerders verwag om die grafte van militêre veterane in hulle dorp / provinsie te identifiseer en daaroor verslag te lewer. Leerders moet 'n verslag verskaf (minimum van 2 bladsye) van hulle status en moontlik intervensies om te verseker dat hulle behoorlik bewaar word. Leerders sal 5 minute kry om hierdie bevindings voor te dra. |
| 6. |
KRITERIA
Die volgende seleksie kriteria moet gehandhaaf word wanneer deelnemers geïdentifiseer word: |
| 6.1 |
Vier graad 10-leerders van dieselfde skool. |
| 6.2 |
In gemengde skole moet geslagsensitiwiteit toegepas word by die keuse van spanne (2 dogters en 2 seuns). |
| 6.3 |
Hierdie kompetisie is slegs oop vir skole van benadeelde gemeenskappe. |
| 6.4 |
Hierdie kompetisie is slegs oop vir leerders wat NIE aan enige van die volgende deelgeneem het nie: Nkosi Albert Luthuli Mondelinge geskiedeniskompetisie, Erfenis Onderwysuitreikprogram, YCAP, SANParke Omgewingsopvoedingsprogramme en Skynverhoorkompetisie in 2014. |
| 7. |
ASSESSERINGSKRITERIA VIR AANBIEDING
Die assesseringskriteria wat gebruik sal word om aanbiedings op provinsiale sowel as nasionale vlak te beoordeel, is vervat in Bylae B. |
| 8. |
PROVINSIALE BEOORDELINGSPROSES |
| 8.1 |
Skole wat wil deelneem aan hierdie kompetisie moet die aangehegte aansoekvorm invul (Bylae C) en dit terugbesorg aan hulle distriksbeamptes (kurrikulumadviseurs vir Geskiedenis en Toerisme) teen 29 Augustus 2014. |
| 8.2 |
Onderwysers moet leerders identifiseer en voorberei vir die elimineringsrondtes binne die distrik asook vir die provinsiale byeenkoms, en verseker dat leerders wat ingeskryf het, teenwoordig en gereed is vir die provinsiale byeenkoms en dat die nodige vervoer na en van die byeenkomste gereël is. |
| 8.3 |
Leerders moet hulle navorsing, databasis en aanbiedings voltooi, voorbereid wees om enige vrae te beantwoord aangaande hulle projekte en navorsing, en in staat wees om hulle persoonlike ervarings van die navorsingsprojek te reflekteer en te deel. |
| 8.4 |
Die provinsiale beoordeling sal plaasvind op Saterdag, 06 September 2014. Dit sal uitloop op een skoolspan wat gekies sal word om die Wes-Kaap by die nasionale finale te verteenwoordig. Die lokaal sal bevestig word vir alle deelnemende skole, via die kurrikulumadviseurs vir Geskiedenis en Toerisme. Die Wes-Kaap Onderwysdepartement se Hoofkantoor sal verantwoordelik wees om alle reiskoste na en van die provinsiale beoordeling te dra. |
| 8.5 |
Die NER sal verantwoordelik wees vir reis- en akkommodasiekoste vir deelnemende leerders en onderwysers gedurende die nasionale kompetisie by die Augrabies Waterval Nasionale Park vanaf 06 tot 10 Oktober 2014. |
| 9. |
Prinsipale word vriendelik versoek om die inhoud van hierdie minuut onder die aandag van die skoolbestuurspan en die betrokke onderwysers te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:08:22
|
 |