| 1. |
Die graad 12-onderrigplanne, soos uiteengesit in die Kurrikulum en Assesseringbeleidsverklaring (KABV) vir Toerisme, Verbruikerstudies en Gasvryheidstudies, dui die inhoud, in die onderskeie vakke, van tussen 2 - 4 weke, vir Kwartaal 4 aan. |
| 2. |
Kwartaal 4 is gewoonlik 'n baie kort kwartaal vir aktiewe onderrig en leer, weens die Graad 12 Nasionale Senior Sertifikaat (NSS)-eksamens wat vroeg in Kwartaal 4 begin, asook die studieweek wat aan leerders in Kwartaal 4 toegeken word. |
| 3. |
Volgens die amptelike 2014-skoolkalender, begin Kwartaal 4 op Maandag 13 Oktober 2014. Die finale NSS-eksamens begin 'n week later, op Maandag 20 Oktober 2014. |
| 4. |
Verder, val hierdie datum (20 Oktober 2014) saam met die begin van die amptelike studieverloftydperk vir 2014 se graad 12-leerders. Daarom sal onderwysers, hoogstens een week aktiewe onderrig en leertyd in Kwartaal 4 hê voor die begin van die eerste amptelike NSS-eksamenvraestel. |
| 5. |
As 'n direkte gevolg van die aard van Kwartaal 4, en die kontekstuele kwessies wat hierbo uiteengesit is, mag graad 12-onderwysers dalk nie die geleentheid hê om die inhoud, soos uiteengesit in die jaarlikse onderrigplan aan leerders in die KABV, ten volle te medieer nie. Voorts kan dit lei tot onderwysers wat nie die kurrikulum volledig kan dek nie, en dat leerders in die finale NSS-eksamen geassesseer word sonder dat die voorgenome kurrikulum voltooi is. |
| 7. |
Die aanpassing van die onderrigplanne beïnvloed nie die Skoolgebaseerde Assessering (SGA) nie, aangesien daar geen SGA-take vir Kwartaal 4 geskeduleer is nie. |
| 8. |
Hierdie minuut dien om skole en distrikte oor die heraanpassing van graad 12-onderrigplanne vir Toerisme, Verbruikerstudies en Gasvryheidstudies in kennis te stel. |
| 9. |
Bring asseblief die inhoud van hierdie minuut onder die aandag van alle betrokke personeel. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:07:18
|
 |