1. Die Wes-Kaap Onderwysdepartement is daartoe verbind om te verseker dat alle leerders ingelig gehou word oor alle inligtingsbronne wat hulle kan help om ingeligte besluite te neem.

2. Die Departement van Hoër Onderwys en Opleiding, in samewerking met die Suid-Afrikaanse Kwalifikasieowerheid en die Departement van Basiese Onderwys, het 'n boekie, getiteld "Doen nou aansoek!" vir graad 12-leerders saamgestel

3. Die boekie verskaf inligting oor naskoolse studies en die toepaslike registrasieprosedures. Dit ondersteun die onderwerp "Loopbane en Loopbaankeuses" in die Kurrikulum en Assesseringsbeleidsverklaring (KABV) vir Lewensoriëntering.

4. Die "Doen nou aansoek!"-veldtog se boekies sal by alle gewone openbare hoërskole afgelewer word met inligting oor naskoolse programme en die tersaaklike registrasieprosesse, om graad 12-leerders aan te moedig om betyds by naskoolse inrigtings aansoek om toelating te doen.

5. Die "Doen nou aansoek!"-veldtog is deel van die Nasionale Beroepsontwikkelingsdienste (BOD) wat die volgende hoofelemente insluit:

  • Hulplyn vir Loopbaanadvies;
  • Khetha-radioprogramme;
  • Opleidings- en Ondersteuningsdienste; en
  • Loopbaangeleenthede, uitstallings en die jaarlikse Mandela-dag Loopbaanvoorligting-fees.
6. Dit is belangrik dat hoerskoolleerders bewus gemaak word van beskikbare loopbaankeuses en die belangrikheid daarvan om vir hulle voorkeur naskoolse kwalifikasie aansoek te doen.

7. Prinsipale word versoek om die inhoud van hierdie minuut onder die aandag van alle Lewensorientering-onderwysers, personeellede en skoolbeheerliggame te bring.


GETEKEN: PP SATYO
WNDE ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:06:03