1. Die Departement van Basiese Onderwys nooi, in samewerking met South African History Online, alle skole uit om deel te neem aan die 2014 Nasionale Mondelinge geskiedeniskompetisie vir Skole vir die Nkosi Albert Luthuli-toekenning vir Jong Geskiedkundiges wat in 2005 van stapel gestuur is. Hierdie kompetisie vorm deel van die Departement se bydrae tot die versterking van die onderrig en leer van Geskiedenis in skole. Die Departement beplan 'n nasionale gebeurtenis wat voorafgegaan sal word deur provinsiale kompetisies oor spesifieke onderwerpe.

2. Dit is ook deel van die Departement se voortgesette inisiatief om alle leerders aan te moedig om nie net 'n begrip te vorm van die breë geskiedenis van Suid-Afrika nie, maar ook van die rykdom van die geskiedenis van hulle plaaslike gemeenskappe. Dit is ook 'n geleentheid vir die jong leerders om ondervinding op te doen in die ontwikkeling van belangrike navorsingsvaardighede.

3. Die kompetisie is oop vir alle leerders van graad 8 tot graad 11 en alle Sosiale Wetenskappe en Geskiedenis-onderwysers van sekondêre skole.

4. Leerders en onderwysers word uitgenooi om die South African History Online-webtuiste te besoek by www.sahistory.org.za vir inligting oor mondelinge geskiedenis-navorsing, sowel as die Suid-Afrikaanse Geskiedenisargief se webtuiste by www.saha.org.za

5. Kompetisie vir leerders

Daar sal van leerders verwag word om navorsing en 'n aanbieding, of 'n dokumentêre film of video voor te berei oor een van die volgende onderwerpe:

5.1 Hoe Apartheid persone se lewens beinvloed het en hoe persone daarop reageer het

Leerders sal versoek word om een individue of 'n familie in hulle gemeenskap te kies wat se lewe deur die Apartheidstelsel gevorm is. Leerders moet fokus op individue of families wat nie openlik erken word nie, maar deel is van die plaaslike gemeenskap. Stawende bronne moet gebruik word om die inligting wat versamel is van alle onderhoude, te bekragtig.

5.2 Onbesonge helde en heldinne in my plaaslike gemeenskap in die eerste 20 jaar van demokrasie

In hierdie onderwerp sal van leerders verwag word om biografiee te ontdek van plaaslike mans en vroue wat 'n kritieke en selfverloenende rol gespeel het in die ontwikkeling van die plaaslike gemeenskap oor die afgelope 20 jaar. Leerders moet fokus op daardie mans/vroue wat nie openlik erken is nie, maar wat katalisators vir positiewe verandering in hulle plaaslike gemeenskap is.

5.3 Die prestasies in die onderwysstelsel sedert die koms van demokrasie in 1994

Leerders word versoek om onderhoude te voer met medeleerders, ouers en onderwysers oor hoe hulle gesien het hoe die onderwystelsel in die eerste 20 jaar van demokrasie verbeter het. Terwyl daar geen twyfel is dat uitdagings steeds blywend is nie, word leerders versoek om sleutelprestasies wat die basis vorm na 'n beter en billike onderwystelsel, te dokumenteer.


6. Let asseblief op die volgende:

  • Die projek moet op mondelinge geskiedenis-navorsing gebaseer wees;
  • Leerders moet gehelp word in hulle keuse van persone met wie onderhoude gevoer gaan word, en moet sterk aanbeveel word om 'n persoon of persone uit hulle plaaslike gemeenskap te kies;
  • Leerders moet aangeraai word om onderhoude met ten minste 3 tot 4 persone te voer;
  • Beoordeling sal hoofsaaklik beinvloed word deur die navorsing wat gedoen is;
  • Leerders kan hulle projek in enige van die amptelike tale aanbied; en
  • Leerders moet 'n portefeulje voorle waarin al hulle navorsing gedokumenteer is.
7. KRITERIA - Daar sal van leerders verwag word om TWEE dinge te doen:
7.1 'n Mondelinge aanbieding of 'n dokumentêre video van hulle mondelinge navorsing by `n beoordelingspaneel voor te lê. (Die oogmerk is dat dit nie 'n dramatiese aanbieding of gedigte moet wees nie). Berei ‘n portefeulje in geskrewe vorm voor wat die volgende moet insluit:
7.1.1 Portefeuljes moet bewyse van navorsing bevat. Leerders moet onderhoude voer met lede van die gemeenskap en moet bewyse van onderhoude kan toon, bv. briewe aan sodanige onderhoudpersone, transkripsies van onderhoude of bandopnames, insluitende die lys van vrae wat aan die persone gestel is met wie hulle onderhoude gevoer het asook hulle response - of op skrif of digitale bandopname.
7.1.2 Onderhoude mag in enige van die amptelike tale gevoer en opgeneem word.
7.1.3 Portefeuljes moet ook bewyse lewer van nadenke en moet aandag gee aan die volgende:

  • Leerders moet verduidelik hoekom hulle juis daardie persone gekies het vir onderhoude, moet 'n duidelike begrip toon van die historiese konteks waarin die individu gewerk het en hoe die inligting uit die onderhoud verband hou met die historiese konteks of hoe dit ons help om die gebeure vanuit 'n persoonlike perspektief te begryp.

  • Leerders moet 'n persoonlike nabetragting insluit oor wat hulle geleer het aangaande die moontlikhede vir individue om verandering in die samelewing te bewerkstellig, en oor wat hulle persoonlik gedurende die navorsing geleer het en oor die waarde van mondelinge geskiedenis-navorsing om ons te help om ons geskiedenis te verstaan.

  • Leerders moet alle bronne wat in hulle portefeuljes gebruik is, erken. Bibliografiee moet ingesluit word. Plagiaat sal swaar gepenaliseer word.
8. Assesseringskriteria vir mondelinge geskiedenis-navorsingsprojekte (aangepas uit die NKV VOO-Geskiedenisvakassesseringsriglyne)

Omvang van die mondelinge geskiedenis-projek

Mondelinge geskiedenis-projekte het 'n aantal komponente:

  • Sleutelvraag wat die navorsing rig;
  • Agtergrondnavorsing wat die onderhoude binne 'n konteks plaas;
  • Die onderhoude en transkripsies van die onderhoude;
  • 'n Geskrewe bespreking van hoe die inligting uit die onderhoude verband hou met die tydperk;
  • 'n Evaluering van die onderhoude as bronne oor die verlede; en
  • Eie nadenkende bydrae aan die einde: Wat het hierdie projek vir my (die leerder) beteken ten opsigte van persoonlike groei en kennis en begrip van die tydperk?
    (Dit kan ook fokus op meer direkte vrae, veral in graad 10, soos: Wat is die belangrikste ding wat jy uit die mondelingegeskiedenis geleer het? Noudat jy hierdie projek voltooi het, waarvan sou jy meer wou weet?)
L.W. Gebruik die kriteria soos uiteengesit in die navorsingstaak. Kriteria kan bygevoeg word om die kernkriteria meer toepaslik vir spesifieke take te maak.
Kriterium 1
Formuleer vrae vir die projek
Kriterium 2
Identifiseer en verkry toegang tot 'n verskeidenheid inligtingsbronne
Kriterium 3
Kennis en begrip van die tydperk
Kriterium 4
Geskiedkundige navraag en kommunikasie
Kriterium 5
Aanbieding

Kriteria vir die assessering van 'n mondelinge geskiedenis-projek
Kriterium 1
Vrae vir die onderhoud

  • Die vrae was oop;
  • Die vrae is geskik en toepaslike inligting oor die oorkoepelende vraag is bekom;
  • Daar was voldoende vrae.
Kriterium 2
Onderhoudpersone

  • Die persone met wie die onderhoud gevoer is, was geskik; en
  • Die biografiese besonderhede van onderhoudpersone, is gegee.
Kriterium 3
Voorbereiding en beplanning

  • Daar is bewyse van noukeurige voorbereiding vir die onderhoude;
  • Daar is bewyse van projekbeplanning; en
  • Alle voorbereiding en beplanning is by die projek ingesluit.
Kriterium 4
Aanbeeding van die inligting uit die onderhoude

  • Die onderhoudpersone is in 'n historiese konteks geplaas;
  • Die konteks vir die verstaan van die onderhoude is gegee;
  • Die inligting uit die onderhoude is binne 'n historiese konteks geplaas;
  • Die inligting uit die onderhoude is noukeurig getranskribeer (indien 'n bandopnemer gebruik is);
  • Die inligting uit die onderhoude is ontleed en samehangend georden en wys verskillende uitgangspunte, war toepaslik; en
  • Die aanbieding van die projek vir die klas was duidelik en doeltreffend.
Kriterium 5
Eie nadekende bydrae oor self

  • Kommentaar wys dieper denke uit oor die proses en die produk.

9. Kompetisie vir onderwysers
9.1 Onderwysers van sekondere skole wat vir die kompetisie inskryf, moet 'n werksplan ontwikkel oor hoe hulle die mondelinge geskiedenis-projek in die klaskamer beplan en opgestel het.
9.2 Elke onderwyser sal 'n aanbieding moet lewer, voor 'n paneel beoordelaars, oor sy of haar portefeulje en sal voorbereid moet wees vir 'n paneelbespreking oor sy of haar portefeulje.
9.3 Onderwysers moet die volgende in 'n portefeulje vir die kompetisie insluit:

  • Hoe die mondelingegeskiedenisprojek in die klaskamer bekendgestel is;
  • Leerders kan plakkate ontwerp vir 'n erfenisterrein;
  • Watter verduideliking aan leerders gegee is oor die kies en benadering van moontlike onderhoudpersone, oor voorbereiding vir en afneem van onderhoude en die gebruik van die onderhoud as bewyse waaruit gevolgtrekkings oor die bydrae van daardie individu gemaak kan word;
  • Watter intervensies die onderwyser gebruik het om die leerders by te staan om die projek af te handel;
  • Wat die leerders, na die onderwyser se mening, geleer het uit die mondelinge geskiedenis-projek; en
  • 'n Reeks van voorbeelde van leerders se werk moet ingesluit word.
10. Provinsiale beoordelingsproses
10.1 Onderwysers moet leerders identifiseer en voorberei vir die elimineringsrondtes binne die distrikte asook vir die provinsiale been van die kompetisie en verseker dat leerders wat ingeskryf het teenwoordig en gereed is vir die provinsiale been en dat die nodige vervoer na en van die geleentheud gereel is.
10.2 Leerders moet hulle navorsing, vraelyste, onderhoude en transkripsies lank voor die tyd voltooi, seker maak dat hulle hulle portefeuljes van bewyse saamgestel het, hulle aanbiedings voltooi is, in staat is om enige vrae oor hulle projekte en navorsing te beantwoord, en in staat wees om hulle persoonlike ervarings te reflekteer en dit met ander te deel.
10.3 Die provinsiale beoordeling om die 7 leerders en 3 onderwysers te kies vir die nasionale kompetisie, sal plaasvind op 23 Augustus 2014. 'n Voorlopige werkswinkel om onderwysers te help met die voorbereiding van leerders wat aan die kompetisie deelneem, sal op 12 April 2014 gehou word. Bykomende werkswinkels vir onderwysers en leerders sal gereel word deur die kurrikulumadviseurs binne die distrikte. Die tye en lokale vir alle werkswinkels sal deur die kurrikulumadviseur vir Sosiale Wetenskappe en Geskiedenis bevestig word.
10.4 Die Departement van Basiese Onderwys sal verantwoordelik wees vir reis- en verblyfkostes vir deelnemende leerders en onderwysers tydens die nasionale kompetisie in Pretoria van 20 tot 22 September 2014.

11. 'n Aansoekvorm is aangeheg as Bylae A.

12. Vir verdere inligting, kontak asseblief dr K Angier by tel. 021 467 2251 of e-pos adres kate.angier@westerncape.gov.za.

13. Prinsipale word versoek om die inhoud van hierdie minuut onder die aandag van die skoolbestuurspan en die betrokke onderwysers te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:04:01

Bylae A: Die Nkosi Albert Luthuli-mondelingegeskiedeniskompetisie aansoekvorm  (grootte: 41 KB)