1. Die Jaarlikse Nasionale Assesserings (JNA) is geskeduleer om vanaf 16 tot 19 September 2014 geskryf te word deur alle gewone openbare skole, staatsgesubsidieerde skole en sekere spesiale skole.

2. Die Departement van Basiese Onderwys (DBO) het assesseringsriglyne ontwikkel vir elke graad en vak (Taal en Wiskunde) wat die minimum kurrikuluminhoud uiteensit wat deur alle leerders gedek moet word voor die skryf van die toetse.

3. Die assesseringsriglyne stel die omvang van die werk wat deur alle leerders gedek moet word voor die skryf van die toetse vir elke graad en vak. Die 2014 assesseringsriglyne is ontwerp in ooreenstemming met die Kurrikululm en Assesseringsbeleidverklaring (KABV).

4. Die toetse sal die werk dek wat vir die eerste drie kwartale van die skooljaar voorgeskryf is. Dit is belangrik om daarop te let dat die 2014 JNA assesseringsriglyne nie impliseer dat die beperkte omvang al is wat onderrig en geleer moet word gedurende die skooljaar nie.

5. Daar word van onderwysers verwag om hierdie assesseringsriglyne saam met ander hulpbronne vir hulle onderrig en assesseringsprogramme te gebruik.

6. Hierdie riglyne is in kompakte skyf formaat aan die onderwysdistrikte versprei, en is op die Wes-Kaap Onderwysdepartement Kurrikulumontwikkeling se webwerf geplaas. Om die riglyne te vind, gaan asseblief na:

http://www.wcedcurriculum.westerncape.gov.za/

  • Kliek op "Assessment Management",
  • kliek op "GET Assessment",
  • kliek op "Annual National Assessments ", en
  • kliek op "Annual National Assessments 2014", en
  • kliek op "Annual National Assessments Guidelines 2014".
7. Prinsipale en kurrikulumadviseurs word vriendelik versoek om die inhoud van hierdie minuut onder die aandag van alle betrokke onderwysers te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:03:31