| 1. |
Aansoeke word ingewag van onderwysers, kurrikulumadviseurs en senior kurrikulumbeplanners wat aan die kriteria voldoen (soos gespesifiseer in Bylae A) vir betrekkings van interne moderators, hoofnasieners, adjunkhoofnasieners en nasieners vir die Nasionale Senior Sertifikaat-eksamen (NSS-eksamen) van November 2014, en die Aanvullende Eksamen van 2015 (waar van toepassing). |
| 2. |
In 2013, het die WKOD die bevoegdheidstoetse in die volgende vakke ge-administreer: Rekeningkunde, Besigheidstudies, Geografie, Geskiedenis, Lewenswetenskappe, Wiskunde, Fisiese Wetenskappe, Verbruikerstudies, Ekonomie, en Wiskundige Geletterdheid. |
| 3. |
Vir 2014 sal die WKOD bevoegdheidstoetse administreer in die vakke wat in paragraaf 2 aangedui is sowel as in Engels Huistaal. |
| 4. |
Slegs aansoekers wat 60% of meer in die bevoegdheidstoetse behaal, sal oorweeg word vir aanstelling as nasienbeamptes vir die nasienperiode van November 2014 en die Aanvullende Eksamen van Maart 2015 (waar van toepassing). |
| 5. |
Aansoekers wat die bevoegdheidstoets in Rekeningkunde, Besigheidstudies, Verbruikerstudies, Geskiedenis, Lewenswetenskappe, Wiskundige Geletterdheid en Fisiese Wetenskappe in 2011, 2012 en/of 2013 afgelę het en wat 'n slaagkoers van 60% of meer behaal het, hoef nie die bevoegdheidstoets van hierdie vakke in 2014 af te lę nie. Hierdie groep aansoekers moet egter beide 'n aansoekvorm (Bylae B), asook 'n verklaringsvorm (Bylae C) teen 26 Februarie 2014 aan die WKOD voorlę om vir die aanstelling in November 2014 en die Aanvullende Eksamen van 2015 (waar van toepassing) oorweeg te word. |
| 6. |
Alle aansoekers van Geografie, Wiskunde, Ekonomie en Engels Huistaal sal die bevoegdheidstoets moet aflę en 'n punt van ten minste 60% of meer behaal om in ag geneem te word vir aanstelling as 'n nasiener vir die nasien van die November 2014 NSS. |
| 7. |
Alle aansoekers van Geografie, Wiskunde, Ekonomie en Engels Huistaal wat aan die aanstellingskriteria soos genoem in Bylae A voldoen, wat wens om oorweeg te word vir nasien in November 2014, moet hulle aansoekvorm (Bylae B), verklaringsvorm (Bylae C) asook die registrasievorm vir die bevoegdheidstoetse (Bylae D) teen 26 Februarie 2014 aan die WKOD voorlę. |
| 8. |
Reëlings vir die aflę van die bevoegdheidstoetse |
| 8.1 |
Alles moontlik sal gedoen word om aansoekers by 'n lokaal binne die onderwysdistrik waar hulle gestasioneer is, te akkommodeer. Die lokale van die bevoegdheidstoetse sal binnekort aan elke individuele aansoeker verskaf word. |
| 8.2 |
Die bevoegdheidstoetse sal gebaseer word op die kurrikulum vir die NSS-vak of vraestel, en die nasienbevoegdheidsvaardighede vir daardie vak of vraestel. In die geval van Geografie en Ekonomie, sal aansoekers oor die kurrikuluminhoud van beide Vraestel 1 en 2 onderskeidelik getoets word. In die geval van Engels Huistaal sal die aansoekers getoets word oor die kurrikuluminhoud van Vraestel 1, 2 en 3. |
| 8.3 |
Rooster vir die aflę van die bevoegdheidstoetse:
| VAKKE |
DATUM |
TYD |
| Rekeningkunde en Wiskunde Vraestel 1 |
17/03/2014 |
14:30 – 16:30 |
Besigheidstudies, Geskiedenis Vraestel 1
Geografie Vraestel 1 en 2 (Een vraestel) |
18/03/2014
18/03/2014 |
14:30 – 17:00
14:30 – 17:00 |
Wiskundige Geletterdheid Vraestel 1
Geskiedenis Vraestel 2 |
19/03/2014
19/03/2014 |
14:30 – 16:30
14:30 – 17:00 |
| Fisiese Wetenskappe Vraestel 1 en Lewenswetenskappe Vraestel 1 |
20/03/2014 |
14:30 – 16:30 |
| Fisiese Wetenskappe Vraestel 2, Lewenswetenskappe Vraestel 2 en Wiskundige Geletterdheid Vraestel 2 |
24/03/2014 |
14:30 – 16:30 |
Verbruikerstudies
Wiskunde Vraestel 2 |
25/03/2014
25/03/2014 |
14:30 – 17:00
14:30 – 16:30 |
Engels Huistaal Vraestel 1, 2 en 3 (Een vraestel)
Ekonomie Vraestel 1 en 2 (Een vraestel) |
26/03/2014
26/03/2014 |
14:30 – 17:30
14:30 – 17:30 |
|
| 9. |
Voorlegging van aansoeke |
| 9.1 |
Alle aansoeke moet op die aangehegte aansoekvorm (Bylae B) voltooi word en moet van die volgende vergesel word:
- 'n Begeleidende brief waarin die aansoeker verduidelik hoekom hy of sy vir die pos aansoek doen
- 'n Voltooide verklaringsvorm (Bylae C)
|
| 9.2 |
Alle nuwe aansoekers moet die volgende dokumente by hulle aansoekvorms aanheg:
- Curriculum vitae
- Gewaarmerkte afskrif van identiteitsdokument
- Gesertifiseerde afskrif(te) van akademiese studierekord(s)
- Gewaarmerkte afskrif(te) van kwalifikasiesertifikaat/-sertifikate
|
| 9.3 |
Aansoeke moet by die volgende adres ingedien word:
Hoof: Onderwys
Vir aandag: Mnr M Cameron
Direktoraat: Eksamenadministrasie
Wes-Kaap Onderwysdepartement
4de Vloer, Grand Central Towers
Laer Parlementstraat
KAAPSTAD
8001 |
| 9.4 |
Aansoeke moet die WKOD teen 26 Februarie 2014 bereik. Indien u enige navrae het, kontak asseblief mnr M Cameron by tel. no. 021 467 2964 of mnr N Riddles by tel. no. 021 467 2992. |
| 10. |
Suksesvolle aansoekers sal skriftelik van hulle aanstellings verwittig word en sal ˇĄn kontrak met die WKOD moet sluit. Verdere korrespondensie aangaande die nasienproses sal volg. |
| 11. |
Die nasien van NSS-eksamenskrifte is een van die belangrikste funksies van die eksamineringsproses. Die WKOD is trots op die aanstelling van gekwalifiseerde en bevoegde nasieners. Prinsipale en ander senior beamptes wat nasieners aanbeveel moet dus in goedertrou optree. Let asseblief daarop dat die verskaffing van foutiewe inligting op die aansoekvorm beskou sal word as bedrog en daar sal ingevolge die Wet op die Indiensneming van Opvoeders opgetree word. |
| 12. |
Dit is uiters belangrik dat prinsipale, onderwysdistriksdirekteure, IBB-bestuurders en kurrikulumadviseurs die minuut onder die aandag van alle onderwysers bring sodat hulle vertroud is met die aanstellingskriteria voordat aansoeke ingedien word. Die Direktoraat: Assesseringsbestuur kan geen verantwoordelikheid aanvaar indien onderwysers nie van die inhoud van hierdie minuut ingelig word nie. |
| 13. |
Die aangehegte ontvangserkenning (Bylae E) moet deur elke skoolhoof voltooi word en aan die WKOD terugbesorg word teen nie later as 18 Februarie 2014 nie. |
| 14. |
Die WKOD maak staat op u samewerking en ondersteuning rakende die belangrike saak. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:02:14
|
 |