| 1.1 |
Behoorlike bestuur en administrasie van eksamens by alle inrigtings is noodsaaklik om die integriteit en geloofwaardigheid van die eksamenuitslae te verseker. Ingevolge nasionale en provinsiale beleide is skoolhoofde en sentrumbestuurders verantwoordelik vir alle eksamens wat by hulle skole afgeneem word. |
| 1.2 |
Terwyl ons nie verwag dat die skryf van eksamens van die NSS of BOOV vlak 4 in 2014 ontwrig sal word nie, is dit noodsaaklik dat 'n omvattende risikobestuursplan deur elke inrigting ontwikkel word om enige ontwrigting wat die bestuur en afneem van hierdie eksamens mag beïnvloed, die hoof te bied. |
| 2. |
Gebeurlikheidsplan om noodgevalle te hanteer |
| 2.1 |
Aangesien soorte noodgevalle wissel, het die Wes-Kaap Onderwysdepartement (WKOD) die volgende prosedure ontwikkel met die oog op die hantering van situasies waar dit nodig is om die gevolge van 'n ontruiming as gevolg van 'n noodtoestand tot die minimum te beperk. Dit is noodsaaklik dat alle inrigtings wat kandidate voorberei vir eksamens dieselfde basiese prosedure sal volg. |
| 2.1.1 |
Indien 'n noodgeval plaasvind voor die kandidate begin eksamen skryf, moet hulle nie die eksamenlokaal/-lokale betree voor hulle nie aangese word om dit te doen nie. Hulle moet egter weggehou word van ander groepe of leerders en onder streng toesig gehou word. |
| 2.1.2 |
Indien 'n noodtoestand voorkom terwyl kandidate besig is om te skryf en, indien dit absoluut noodsaaklik is om die eksamenlokaal te ontruim, moet die kandidate die volgende instruksies ontvang:
- Om alle boeke of eksamen materiaal toe op hulle tafels te los
- Om een lokaal op 'n keer, onder konstante toesig van die opsiener(s) en hoofopsiener, en onder die oorhoofse beheer van die prinsipaal te verlaat. Addisionele onderwysers (nie diegene wie se vakke geskryf word nie) mag gevra word om te help met die toesig van die kandidate.
- Om nie met mekaar op enige manier te kommunikeer nie
- Om geen boeke of papiere, ens. in hulle besit te he nie
- Om geen selfone in hulle besit te he nie
- Om in stilte in 'n geskikte plek op die terrein van die inrigting te sit, weg van mekaar om enige kommunikasie te verhinder
- Om in stilte na die eksamenlokaal/-lokale terug te keer wanneer hulle verlof kry om dit te doen en om voort te gaan om te skryf waar hulle opgehou het.
|
| 2.1.3 |
Kandidate moet na hulle terugkeer na die eksamenlokaal die res van die toegelate tyd kry om die vraestel te voltooi, d.w.s. die totale tyd toegeken vir die vraestel minus die tyd wat reeds gebruik is voordat die ontruiming plaasgevind het. |
| 2.2 |
Die prinsipaal, hoofopsiener en ander opsieners moet te alle tye in beheer van die kandidate wees. Elke toesighouer moet verantwoordelik wees vir sy of haar groep kandidate. |
| 2.3 |
In die geval van 'n ontruiming, moet die kringspanbestuurder of distriksdirekteur onmiddellik in kennis gestel word van die insident. Die kringspanbestuurder of 'n ander afgevaardigde beampte van die onderwysdistrikskantoor sal poog om die skool onmiddellik te besoek om hom/haar te vergewis van die prosedures wat deur die skool gevolg is. Die gemagtigde beampte van die distrikskantoor moet die situasie noukeurig monitor van die tyd dat hy of sy by die skool aankom. |
| 2.4 |
Versuim om die ontruiming te doen volgens die vaste prosedures sal die geloofwaardigheid van die eksamen in gedrang bring en kan daartoe lei dat alternatiewe reëlings getref moet word soos die herskedulering van die eksamen op 'n later datum. |
| 2.5 |
Prinsipale moet kandidate inlig aangaande die skool se gebeurlikheidsplan vir ontruiming en van die ernstige gevolge indien so 'n ontruiming nie ooreenkomstig die beleid uitgevoer word nie. |
| 2.6 |
In die onwaarskynlike geval dat 'n nasionale of provinsiale eksamen oorgeskryf moet word, sal die WKOD alle prinsipale onmiddellik in kennis stel na die besluit geneem is. |
| 3.1 |
Prinsipale moet gebruik maak van die meegaande kontrolelys om hulle te help om potensiële risiko’s vir die doeltreffende afneem van die eksamens te identifiseer en om hulle risikobestuursplan ooreenkomstig te ontwikkel. |
| 3.2 |
Prinsipale moet seker maak dat hulle vertroud raak met die volgende minute wat die afneem en administrasie van die NSS-eksamens reguleer: |
| 3.2.1 |
Eksamenadministrasieminuut: 0004/2013 |
| 3.2.2 |
Eksamenadministrasieminuut: 0006/2013 |
| 3.3 |
Enige ontwrigting van die eksamenproses of die oopmaak van die verkeerde vraestel moet ook onmiddellik gerapporteer word aan een van die volgende WKOD-beamptes:
Me Z. Modimakwane, tel 021 467 2075, selnommer 071 683 6286
Mnr AP Clausen, tel 021 467 2945, selnommer 082 773 9980
Me T Singh, tel 021 467 2541, selnommer 084 312 8333
Mnr BK Schreuder, tel 021 467 2519, selnommer 082 373 5989
|
| 4. |
Die WKOD wens u alles van die beste toe vir die komende eksamen. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:10:09
|
 |