| 1. |
Die skryf van die algemene assesseringstaak (AAT) vir Lewensoriëntering (LO) is op 05 September 2014 geadministeer. |
| 2. |
Die Departement van Basiese Onderwys (DBO) het die Wes-Kaap Onderwysdepartement (WKOD) in kennis gestel dat kandidate wat, weens 'n geldige rede, nie die AAT vir LO op 05 September 2014 geskryf het nie, die geleentheid sal kry om 'n aanvullende eksamen op 13 Oktober 2014 te skryf vanaf 09:00 - 11:00. Enige afwyking van hierdie datum en tyd sal as 'n ernstige onreëlmatigheid beskou word. |
| 3. |
Die tweede geleentheid om die AAT vir LO te skryf sal vir leerders wees wat, weens 'n geldige rede wat verband hou met siekte, familie probleme, of ander spesiale redes, nie kon skryf nie. In elke geval word die kandidaat versoek om dokumentêre bewys te verskaf. Hierdie geleentheid moet nie gebruik word vir kandidate wat swak gevaar het in die eerste AAT-eksamen vir LO nie. |
| 4. |
Alle ander instruksies oor die afneem van die AAT vir LO, soos uiteengesit in Assesseringsminuut 0015/2014, moet nagekom word tydens die afneem van die aanvullende eksamen vir die AAT vir LO. |
| 5. |
Skole met leerders wat met 'n geldige rede afwesig was, moet die aangehegte antwoordstrokie voltooi en dit teen Dinsdag, 30 September 2014, faks na 021 467 9370 of 021 461 5637. |
| 6. |
Die dokumentêre bewys moet op lêer gehou word by die skool en moet op versoek, aan die distriksmonitors beskikbaar wees. |
| 7. |
Die nasienriglyne sal aan skole gestuur word en die nasien en interne moderering van die skrifte moet teen 20 Oktober 2014 voltooi word. |
| 8. |
Bring asseblief die inhoud van hierdie minuut onder die aandag van alle graad 12 Lewensoriënteringonderwysers en -leerders. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:09:25
|
 |