| 1.1 |
Die gewysigde Nasionale Norme en Standaarde vir Skoolbefondsing (Staatskoerant No. 33973, Kennisgewing 48 aangeheg) dui aan dat die graad 3- of graad 6-Jaarlikse Nasionale Assesserings (JNA) aangewend sal word om leerderprestasie te meet in onafhanklike skole wat in aanmerking kom vir 'n subsidie. |
| 1.2 |
Hierdie minuut dien om alle staatsgesubsidieerde onafhanklike skole wat graad 3 of graad 6 aanbied, in te lig dat daar van hulle verwag word om, vanaf 16 tot 19 September 2014, die JNA te skryf, soos aangedui op die aangehegte rooster. Die JNA sal óf deur die graad 3 óf deur die graad 6-leerders by die skool geskryf word, afhangende van watter van die twee grade die hoogste is wat deur die skool aangebied word. |
| 2. |
Prosedures voor die afneem van die JNA |
| 2.1 |
Skole is voorsien van 'n Taal van Leer en Onderrig (TLO)-verslag oor die Sentrale Onderwysbestuurinligtingstelsel (SOBIS), en is versoek om seker te maak dat alle leerderregistrasie teen April 2014, korrek voltooi is. Dit was om te verseker dat leerders die toetse in die korrekte TLO, vak en graad afneem. |
| 2.2 |
Toetsvraestelle sal verpak en versprei word volgens die SOBIS-leerderregistrasie se inligting. |
| 3. |
Voorbereiding van die toetslokaal |
| 3.1 |
Lokale wat toegeken is vir die skryf van die JNA moet ten minste een dag voor die skryf van elke toets voorberei word. |
| 3.2 |
Mure wat enige materiaal bevat wat die leerders moontlik kan help, moet bedek word, of die materiaal moet verwyder word. |
| 3.3 |
Graad 3-leerders kan toegelaat word om onderrighulpmiddels te gebruik, soos voorgeskryf in die Wiskunde Kurrikulum en Assesseringsbeleidsverklaring (KABV). Die onderrighulpmiddels strek van die leerders se tellers, 100 grafieke, en die getallyne, tot enige ander hulpmiddels wat leerders gewoonlik toegelaat word om te gebruik om 'n probleem op te los. |
| 3.4 |
Sitplekke in die lokaal moet sodanig geplaas word dat leerders nie toegang tot ander se werk kan verkry nie. |
| 4. |
Prosedures voor die afneem van die JNA |
| 4.1 |
Die punteblaaie vir die JNA sal nie aan skole voorsien word nie. Skole sal eerder versoek word om hierdie punteblaaie vanaf die SOBIS te druk. Skole word versoek om die punteblaaie op die SOBIS af te laai en te druk deur te gaan na "Assessments", "ANA 2014" en dan na "ANA Mark Sheets". Die Taal en Wiskunde punteblad vir elke klas in die betrokke graad moet teen 11 September 2014 afgelaai en gedruk word. Die punteblaaie sal ook as die bywoningsregister gebruik word. |
| 4.2 |
By onafhanklike skole waar daar meer as een klas is wat die JNA skryf, moet die prinsipaal reël vir toesighouers vir die klasse wat skryf. Waar daar slegs een klas is wat die JNA skryf, sal die skool deur die onderwysdistriksbeampte geadministreer word. |
| 4.3 |
Die JNA-toetse, saam met die afwesigheidsregister, sal deur die onderwysdistriksbeampte verwyder word vanaf die skoolterrein op dieselfde dag wat die JNA geskryf word, en sal by die onderwysdistrik se nasiensentrum nagesien word. |
| 4.4 |
Prinsipale van onafhanklike skole word vriendelik versoek om kennis te neem van die inhoud van hierdie minuut en dit onder die aandag van die betrokke onderwysers en leerders te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:09:09
|
 |