- Februarie – Maart 2015 Nasionale Senior Sertifikaat Aanvullende Eksamen
- Oktober - November 2015 Nasionale Senior Sertifikaat-eksamen
| 1. |
Afskrifte van die tweede konsepte van die roosters vir die volgende eksamens is aangeheg: Februarie – Maart 2015 Nasionale Senior Sertifikaat (NSS) Aanvullende Eksamen en Oktober – November 2015 NSS November-eksamen. |
| 2. |
Die datums waarop die eksamens geskryf sal word, is bepaal deur die Departement van Basiese Onderwys (DBO) in samewerking met die Provinsiale Onderwysdepartemente (PODe). Die roosters mag verander indien 'n botsing deur enige van die PODe gerapporteer word. |
| 3. |
Prinsipale en sentrumbestuurders word versoek om alle roosterbotsings of vakke wat op die rooster uitgelaat mag wees, te rapporteer aan die WKOD. Sodanige verslae moet skriftelik deur faks of epos voor Vrydag, 23 September 2014 ingedien word by die volgende amptenaar:
Mnr TJ Magwaca (Kamer 5-27)
Wes-Kaap Onderwysdepartement
Privaatsak X9114
KAAPSTAD
8000
Faks: 021 467 9370
E-posadres: Tebo.Magwaca@westerncape.gov.za
|
| 4. |
Indien 'n prinsipaal of sentrumbestuurder die verskuiwing van 'n vak of vraestel vanaf die bepaalde datum versoek, moet hy of sy die datum voorstel waarop daardie vak of vraestel geskryf kan word en die WKOD voorsien van die motivering vir die verlangde verskuiwing. Die verskuiwing van 'n vak of vraestel sal egter slegs oorweeg word indien dit nie 'n negatiewe impak sal hê op die meeste kandidate wat deur die verskuiwing geraak word nie. |
| 5. |
Daar moet in gedagte gehou word dat hierdie voorlopige roosters is wat onderhewig is aan verandering. Die finale eksamenroosters sal gestuur word aan alle inrigtings sodra hulle goedgekeur is deur die Raad van Onderwysministers. |
| 6. |
Bring asseblief die inhoud van hierdie minuut onder die aandag van alle kandidate wat enigeen van die bogemelde eksamens sal skryf. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:09:08
|
 |