1. Inleiding
1.1 Skole is deur middel van Omsendbrief 0019/2014 ingelig oor die 2014 Jaarlikse Nasionale Assesserings (JNA) wat vanaf 16 – 19 September 2014 deur graad 1 tot 6 en 9-leerders afgeneem sal word by gewone openbare skole en sommige spesiale skole. By staatsondersteunde onafhanklike skole, sal slegs graad 3 of graad 6 die JNA skryf, afhangende van watter graad wat by die skool aangebied word, die hoogste is.
1.2 Die doel van hierdie minuut is om die reëlings vir die bestuur, administrasie, afneem en nasien van die JNA uiteen te sit.

2. Prosedures voor die afneem van die JNA
2.1 Registrasie van leerders
2.1.1 Skole is voorsien van 'n Taal van Leer en Onderrig (TLO)-verslag oor die Sentrale Onderwysbestuurinligtingstelsel (SOBIS), en was versoek om seker te maak dat alle leerderregistrasie teen April 2014, korrek voltooi is. Dit was om te verseker dat leerders die toetse in die korrekte TLO, vak en graad afneem.
2.1.2 Toetspapiere sal verpak en versprei word volgens die SOBIS-leerderregistrasie se inligting.
2.1.3 Enige verandering in registrasie moet onmiddellik in werking op SOBIS gefinaliseer word. Enige teenstrydighede moet aan die onderwysdistrik se SOBIS-beamptes, soos in die tabel hieronder aangedui, gerapporteer word:

Onderwysdistrik SOBIS-beampte Skakelnommer
Onderwysdistrik Kaapse Wynland Zakir Allie
Keith Zibi		 023 349 0643
023 348 0642
Onderwysdistrik Metro-Oos Buseka Ndinisa
Thembeka Dlamini		 021 900 7180
021 900 7181
Onderwysdistrik Metro-Sentraal Anita McGrath
Tercia Southgate		 021 514 6751
021 514 6737
Onderwysdistrik Metro-Noord Shireen Matthews 021 467 9260
Onderwysdistrik Metro-Suid Anastasia Rose 021 703 3198
Onderwysdistrik Overberg Kevin van Eeden 028 214 7411
Onderwysdistrik Weskus Mervan Davids
Toka Mokhoane		 021 860 1596
Onderwysdistrik Eden en Sentrale Karoo Yvonne Ngwane 044 803 8356
2.2 Ontvangs, kontrolering en stoor van die toetsmateriaal
2.2.1 Die verspreiding van die JNA-toetsmateriaal sal op 01 September 2014 plaasvind en op 10 September 2014 sluit.
2.2.2 Die JNA-besendings sal uit die volgende bestaan:

  • Die JNA-toetse;
  • 'n JNA-toetsverpakkingslys se antwoordstrokie met erkenning van ontvangs van die toetsmateriaal;
  • Kopie van die Assesseringsbestuurminuut nommer 0016/2014;
  • Onderwysersgids tot die Jaarlikse Nasionale Assesserings;
  • Bruin omslae vir die bind van die JNA-steekproefskrifte wat aan die onderwysdistrik voorgele moet word vir hernasien;
  • CD waarop die memorandum vervat is;
  • Errata inligting vir graad 1, 2, 3, 6 en 9;
  • Kontrolelys vir die indiening van die JNA-skrifte; en
  • Drukpapier sodat daar afskrifte van die Verifikasie JNA-skrifte gemaak kan word.
2.2.3 Die toetse sal per graad by skole afgelewer word en die bokse vir elke graad sal deur 'n kleur-gekodeerde plakker geidentifiseer word. Die grade sal soos volg aangedui word:

graad 1 Geel
graad 2 Pienk
graad 3 Blou
graad 4 Grys
graad 5 Groen
graad 6 Oranje
graad 9 Pers
2.2.4 Met ontvangs van die JNA-toetsbesending, moet die prinsipaal die antwoordstrokie wat "Annual National Assessments Packing List" gemerk is, teenoor die boks(e) verifieer, teken en dit faks na 021 461 5628, vir die aandag van me Bronwyn Calvert. Tekorte moet aan me Calvert gerapporteer word.
2.2.5 Die JNA-verpakkingslys se antwoordstrokie dui aan dat die skool die korrekte getal toetse ontvang het, soos gedruk op die plakker, en dat dit die korrekte TLO is. Die plastieksakke wat die toetse bevat moet slegs voor die toesighouers oopgemaak word op die dag wanneer die toets geskryf word.
2.2.6 Die toetse moet in 'n instapkluis/kluis bewaar word wat slegs toeganklik is vir die prinsipaal. Die gestoorde toetse moet in die chronologies skryf volgorde geplaas word om te verseker dat elke toets op die korrekte dag geskryf word.
2.2.7 Die prinsipaal kan die boks oopmaak waarin die toetsmateriaal arriveer, maar nie die plastieksakke wat die skrifte bevat nie. Die oopmaak van die plastieksakke voor die skryf sal as 'n assesseringsonreëlmatigheid beskou word.
2.2.8 Prinsipale moet daarop let dat daar sommige JNA-toetse is wat errata bevat. Die errata moet in ag geneem word voor die aanvang van elke toets.
2.3 Toesig
2.3.1 Die prinsipaal sal dien as die hooftoesighouer in sy of haar skool, en moet seker maak dat 'n toesigrooster opgestel is.
2.3.2 Onderwysers moet geen hulp verleen wat leerders op enige manier kan bevoordeel nie. Prinsipale moet onderwysers inlig dat, indien hulle leerders op enige manier help, dit as 'n onreëlmatigheid beskou sal word.
2.3.3 Onderwysers wat die graad 1- en 2-klasse onderrig sal by hulle eie klasse toesig hou. Alle vrae moet hardop gelees word, deur die onderwyser, aan graad 1- en 2-leerders sonder om vir hulle die antwoorde of leidrade te gee.
2.3.4 Graad 3- tot 6- en 9-onderwysers word nie toegelaat om by die klasse toesig te hou waar hulle tans onderrig nie. Leerders in graad 3 tot 6 en 9 moet die vrae self lees en op hulle eie werk.
2.3.5 Onderwysers wat toesig hou by die JNA moet voorsien word van die aangehegte Bylae A: "Onderwysergids vir die Jaarlikse Nasionale Assessering", ten minste een week voor die aanvang van die toets, om te verseker dat elke onderwyser presies weet hoe om toesig te hou by die toegekende klas.
2.3.6 Die prinsipaal is verantwoordelik vir die opleiding van alle onderwysers wat by die toetse gaan toesig hou. 'n Bywoningsregister moet gehou word wat as bewys van opleiding sal dien.
2.3.7 Toesighouers moet vooraf in kennis gestel word van die duur van die toetse. Versuim om by die toets se tydsraamwerk te hou sal as 'n onreëlmatigheid beskou word.
2.4 Voorbereiding van die toetslokaal
2.4.1 Lokale wat toegeken is vir die skryf van die JNA moet ten minste een dag voor die aanvang van elke toets voorberei word.
2.4.2 Mure wat enige materiaal bevat wat die leerders moontlik kan help, moet bedek word of die materiaal moet verwyder word.
2.4.3 Leerders in die Grondslagfase (Graad 1 tot 3) kan toegelaat word om onderrighulpmiddels te gebruik, soos voorgeskryf in die Wiskunde Kurrikulum en Assesseringsbeleidsverklaring (KABV). Die onderrighulpmiddels strek vanaf die leerders se tellers, 100 kaarte, en getallyne tot enige ander hulpmiddels wat leerders gewoonlik toegelaat word om te gebruik om 'n probleem op te los.
2.4.4 Sitplekke in die lokaal moet sodanig geplaas word dat leerders nie toegang tot mekaar se werk kan verkry nie.

3. Monitering
3.1 Verteenwoordigers van die Departement van Basiese Onderwys (DBO), die Provinsiale Hoofkantoor en onderwysdistrikskantore sal die assesseringsprosesse by die skole monitor.
3.2 Geen persoon mag toegelaat word om 'n skool in te gaan sonder om 'n identiteitsdokument en 'n aanstellingsbrief te toon van die Wes-Kaap Onderwysdepartement (WKOD) nie. Indien daar enige twyfel oor 'n persoon se identiteit is, moet die hoof van die inrigting, sonder versuim, die Direkteur: Assesseringsbestuur (Me Z Modimakwane) kontak by 021 467 2057 / 071 683 6286 of mnr J Parbhoo kontak by 021 467 2572.

4. Prosedure op die dag waarop die JNA geskryf word
4.1 Daar word van leerders verwag om ten minste 20 minute voor die afneem van die toets by die skryflokale aan te meld. Leerders moet 10 – 15 minute gegee word om die besonderhede op die omslag te voltooi (wat op die bord geskryf moet word) en deur die vooraf-oefeninge te werk. Op die spesifieke dag sal elke toets om 09:00 begin. In gevalle waar die bestuur van errata die assessering vertraag het, moet die leerders vergoed word vir die verlore tyd.
4.2 Die JNA-toetse wat op 'n spesifieke dag geskryf sal word, moet deur die prinsipaal van die skool geverifieer word en aan die onderwysers wat by die klasse toesig hou, versprei word saam met die punteblad wat gebruik sal word as die bywoningsregister. Versuim om te verseker dat die leerders die korrekte toets vir die graad skryf, sal as 'n onreëlmatigheid beskou word.
4.3 Die punteblaaie vir die JNA sal nie aan skole voorsien word nie. Skole sal eerder versoek word om hierdie punteblaaie vanaf die SOBIS te druk. Skole word versoek om die punteblaaie af te laai en te druk deur te gaan na "Assessments", "ANA 2014", en dan na "ANA Mark Sheets". Die Taal en Wiskunde punteblad vir elke klas in die betrokke graad, moet teen 11 September 2014 afgelaai en gedruk word. Die punteblad sal ook as 'n bywoningsregister dien.
4.4 Toesighouers moet verseker die regte toetse aan die leerders uitgereik word.
4.5 Prinsipale moet verseker dat toesighouers voorsien word van die betrokke administratiewe inligting wat op die voorblad van die toets vereis word, byvoorbeeld die provinsie, onderwysdistrik, kringnommer, skoolnaam, skool se 9-syfer OBIS-nommer en die klasgroep van die leerder.
4.6 Dit word aanbeveel dat die JNA-rooster op so 'n wyse geplaas word dat dit deur almal wat betrokke is by die skryf, afneem en administrasie van die JNA, gesien kan word, soos byvoorbeeld teen die muur van die prinsipaal se kantoor, ens.

5. Prosedure na die JNA geskryf is
5.1 Bestuur van skrifte en afwesigheid
5.1.1 Na die skryf van die JNA, op 'n daaglikse basis, moet die toesighouers die JNA-skrifte en die punteblad wat die afwesige leerders en leerders wat gekies is vir die Verifikasie JNA, aan die prinsipaal voorlê. Die vakhoof of die departementshoof word versoek om die skrifte aan die betrokke onderwysers vir die nasien en moderering te versprei.
5.1.2 Leerders wat afwesig is moet op 'n daaglikse basis, na die skryf van die JNA, op die SOBIS vasgevang word. Kliek op die "Assessments"-oortjie, dan op die "ANA Mark Sheets". Die skool moet "A" intik om aan te dui dat die leerder afwesig is, en "V" om aan te dui dat die leerder se skrif gekies is vir die Verifikasie JNA (verwys na paragraaf 5.5). Die skoolhoof moet steeds SOBIS gaan om aan te dui dat al die leerders teenwoordig is.
5.2 Nasien en moderering
5.2.1 Die memoranda moet onmiddellik na die skryf van die toets, aan onderwysers beskikbaar gestel word. Die kodewoord vir die memorandum-CD sal daagliks beskikbaar gestel word deur die distriksassesseringskoördineerder, en sal op die AOO se Assesseringsbestuurswebtuiste geplaas word. Toegang tot die memoranda kan ook verkry word by http://wced.school.za/home/home.html deur te klik op:

  • "Teaching/Curriculum Support";
  • en dan "Assessment Management";
  • en dan "GET Assessment";
  • en dan "Annual National Assessments";
  • en dan "Annual National Assessments 2014"; en
  • dan op "ANA 2014 Memoranda".
5.2.2 By skole waar meer as een onderwyser die vak onderrig, moet memorandumbesprekings met die vakhoofde gereël word.
5.2.3 Wanneer die JNA-skrifte nagesien word, sien alle onderwysers met rooi ink na, en die skoolbestuurspanne modereer met groen ink.
5.2.4 Alle graad 1 tot 6 en 9 skrifte by gewone openbare skole en spesiale skole moet teen 26 September 2014 deur die vakspan gemerk word en10% intern op skoolvlak gemodereer word. Indien 'n afwyking van 2% in die steekproef van die gemodereerde skrifte gevind word, moet die skrifte teruggestuur word aan die onderwyser vir hernasien.
5.2.5 Na interne moderering op skoolvlak, moet die finale punte deur die onderwyser op die punteblad vasgelê word.
5.2.6 Opvoeders moet daarop let dat korrekte sowel as die verkeerde antwoorde gemerk moet word.
5.2.7 Na interne moderering van skrifte, moet die departementshoofde die punteblaaie en die intern gemodereerde skrifte aan die prinsipaal voorlê vir elektroniese vaslegging op die SOBIS. Die harde kopie van die punteblaaie moet as korrek deur die Departementshoofde / Prinsipaal afgeteken word.

5.3 Aantekening en rapportering
5.3.1 Die prinsipaal moet 'n datavaslegger aanstel om die JNA-punte op die SOBIS vas te vang. Die punt vasleggingsfunksie kan op die SOBIS verkry word onder "Assessments", "ANA 2014", en "ANA mark sheets".
5.3.2 Sodra die punte vir alle leerders vasgevang is, moet die voltooide punteblad gedruk, geverifieer en afgeteken word deur die departementshoof of prinsipaal. Hierdie punteblaaie moet veilig bewaar word by die skool in die geval van enige navrae.
5.3.3 Die JNA-datavaslegger sal volgens die nasionale norm van 2000 punte per dag vergoed word. Besonderhede oor die getal punte wat per skool vasgelê sal word en die bedrag wat aan die datavaslegger betaal sal word, sal op die SOBIS vertoon word. Die prinsipaal kan die datavaslegger vanuit die skoolfondse betaal, en die WKOD sal die skool, dienoorkomstig die voorgeskrewe tarief, vergoed.
5.3.4 Vaslegging van die punte moet voltooi word by10 Oktober 2014, en skoolhoofde moet alle vasgevang puntelyste op die SOBIS afteken voordat 16 Oktober 2014.
5.4 Voorbereiding van proefskrifte vir die gesentraliseerde hernasien van die JNA
5.4.1 In 'n poging om te verseker dat die korrekte skrifte getoets word en aan die nasiensentrum gestuur word vir hernasien van die JNA, moet die volgende prosedures gevolg word:
5.4.1.1 Na die afwesige leerders vir beide vakke en JNA Verifikasie leerders op die SOBIS vasgelê is vir elke klas, sal die SOBIS die skrifte steekproef wat vir hernasien ingedien sal word en 'n JNA-moderering skrifkontroleblad genereer. Hierdie bladsy moet vanaf die SOBIS gedruk word en sal slegs die name van die leerders bevat wie se Taal en Wiskunde skrifte ingedien is by die nasiensentrum vir gesentraliseerde hernasien. Die moderering se skrifkontroleblad kan op die SOBIS verkry word deur te gaan na "Assessments", dan "ANA 2014" en dan "moderation script control sheet".
5.4.1.2 Sodra die moderering skrifkontroleblad afgelaai en gedruk is moet die finale intern gemodereerde punte van slegs die steekproefleerders, per hand deur die departementshoof op hierdie bladsy ingevoer word.
5.4.1.3 Ten einde skole met 'n ontleding van hul steekproef leerderuitslae te voorsien, moet die per vraag vasleggingsbladsy wat die name van die steekproef leerders bevat, ook afgelaai en gedruk word vanaf die SOBIS. Die per vraag vasleggingsbladsy kan verkry word deur te gaan na "Assessments", dan "ANA 2014", dan "per question capturing sheet". Die per vraag vasleggingsbladsy moet in die korrekte aangeduide vir elke steekproef leerder se JNA Taal of Wiskunde skrif aangedui word wanneer dit vir hernasien by die onderwysdistrik ingedien word.
5.4.1.4 Die volgende moet, in hierdie volgorde, in die bruin omslae verpak word en by die onderwysdistrik se nasiensentrum ingedien word vir hernasien:

  1. Die JNA-kontrolelys moet aandui dat al die dokumente ingesluit is en deur die prinsipaal onderteken is;
  2. die steekproefskrifte per graad 3, 6 en/of 9;
  3. die JNA-moderering skrifkontrolebladsy wat bo-op die steekproefskrifte geplaas word; en die
  4. die JNA per vraag vasleggingsbladsy per leerder wat aan die binnekant van elke leerder se skrif geplaas word.
5.5 JNA-verifikasie
5.5.1 'n Totaal van 246 skole in die Wes-Kaap is gekies as JNA-verifikasie skole.
5.5.2 'n Onafhanklike agent wat deur die DBO aangestel is sal die administrasie van die JNA by skole monitor. 'n Steekproef van 25 skrifte per vak per graad sal deur die onafhanklike agent gekies word, nadat alle leeders die JNA geskryf het, en onafhanklik nagesien is.
5.5.3 Dit word versoek dat skole kopieë maak van die skrifte wat gesteekproef is deur die onafhanklike agent en die oorspronklike steekproefskrifte aan die onafhanklike agent oorhandig word op die dag van die toets. Die skrifte wat gekopieer is, moet op skoolvlak nagesien word en die punte moet op die punteblad aangebring word en op die SOBIS vasgevang word. Hierdie geïdentifiseerde skole sal ook 'n voorraad papier ontvang om te help met die koste van fotostate.
5.5.4 Prinsipale, onderwysers en leerders van gekose JNA-verifikasie skole sal versoek word om vraelyste te voltooi, wat deur die onafhanklike agent verskaf sal word.
5.5.5 Prinsipale sal deur die distrikskantoor in kennis gestel word of hulle skool gekies is as 'n skool vir JNA-verifikasie.

6. Die WKOD sal voortgaan om op u ondersteuning staat te maak om te verseker dat die JNA uitgevoer word met die integrititeit wat betaamlik is vir 'n nasionale assessering.

7. Bring asseblief die inhoud van hierdie minuut onder die aandag van die betrokke onderwysers.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:08:29

Bylae A: Onderwysersgids vir die Jaarlikse Nasionale Assessering  (grootte: 36 KB)