| 1. |
Eksamenriglyne vir die algemene assesseringstaak vir Lewensorientering |
| 1.1 |
Die Departement van Basiese Onderwys (DBO) het eksamenriglyne vir die algemene assesseringstaak (AAT) ontwikkel in 'n poging om onderwysers en leerders te help met hulle voorbereiding vir die 2014-AAT vir Lewensorientering (LO). |
| 1.2 |
Die riglyne is beskikbaar op die Wes-Kaap Onderwysdepartement (WKOD) se Verdere Onderwys en Ontwikkeling (VOO) se assesseringswebwerf by http://www.wcedcurriculum.westerncape.gov.za/
- Kliek op "Assessment Management / FET Assessment".
- Kliek op "Downloads" in die linkerkantste balkie.
- Kliek op die "Examination Guidelines for LO CAT"-leer en laai die riglyne af.
|
| 1.3 |
Aangeheg tot hierdie minuut is die eksamenriglyne vir AAT vir LO (Bylae A). |
| 2.1 |
Die AAT vir LO is deel van die finale bevorderingspunt in graad 12 en dus moet alle skole dit skryf. |
| 2.2 |
Die datum vir die skryf van AAT vir LO is 05 September 2014 van 09:00 tot 11:00. Enige afwyking van hierdie datum en tyd sal as 'n ernstige onreëlmatigheid beskou word. |
| 2.3 |
Die AAT vir LO sal uit 'n twee (2)-uur vraestel bestaan wat 80 punte tel. Dit sal Taak 4 in kwartaal 3 vervang en 20% van die finale punt vir LO uitmaak. |
| 2.4 |
Die WKOD sal vraestelle druk vir AAT vir LO vir alle leerders in die provinsie, volgens die finale registrasiedata, soos aangedui op die Sentrale Onderwys-bestuursinligtingstelsel (SOBIS), en dit aan alle skole versprei wat die Nasionale Senior Sertifikaat (NSS) aanbied. |
| 2.5 |
By ontvangs van die gedrukte vraestelle, moet prinsipale volle verantwoordelikheid as Hoofeksamenbeamptes neem om te verseker dat al die voorwaardes en reëls aangaande die NSS-eksamen gevolg word. |
| 2.6 |
Prinsipale moet die koevert op die dag van die eksamen oopmaak in die teenwoordigheid van die leerders en toesig hou oor die uitdeel van die vraestelle. |
| 2.7 |
Prinsipale moet verseker dat toesighouers waaksaam is tydens die skryf van AAT vir LO. |
| 2.8 |
Na die afneem van AAT, moet die skrifte verseël word in die sak wat daarvoor voorsien is en in die kluis van die skool bewaar word tot die inwerkingtreding van die nasien. |
| 3. |
Nasienriglynbespreking |
| 3.1 |
Nasionale en provinsiale besprekingsvergaderings oor die nasienriglyne sal gedurende September 2014 plaasvind. |
| 3.2 |
Die finale nasienriglyne sal aan skole gestuur word teen 18 September 2014, en mag slegs vanuit die kluis verwyder word op die die dag wat die nasienwerk begin. |
| 4.1 |
Die nasien van AAT moet geskied onder die toesig van die prinsipaal, met 'n senior onderwyser of departementshoof (DH) wat waarneem as die interne moderator. |
| 4.2 |
Die nasienproses moet op 19 September 2014 in aanvang neem en moet afgehandel wees teen 30 September 2014. |
| 4.3 |
Waar daar meer as een onderwyser is wat LO by die skool onderrig, moet die prinsipaal seker maak dat onderwysers nie die skrifte van hulle eie leerders nasien nie. |
| 5. |
Moderering van leerderbewyse |
| 5.1 |
Ten minste 10% van die nagesiende skrifte moet deur 'n senior onderwyser of DH gemodereer word. |
| 5.2 |
Die Kurrikulumadviseur vir LO moet 'n steekproef van skrifte vanaf geselekteerde skole modereer. |
| 5.3 |
Provinsiale en nasionale moderering van AAT vir LO sal plaasvind gedurende Oktober 2014. |
| 6. |
Vaslegging van punte vir AAT vir LO |
| 6.1 |
'n Spesiale punteblad sal uitgereik word aan skole vir die inskrywing van die punte vir AAT vir LO. Hierdie punteblad sal bykomend tot die normale punteblad vir LO voorsien word. |
| 6.2 |
Die AAT-punteblad moet aan die WKOD gestuur word saam met die res van die skoolgebaseerde assesseringstaak se punteblaaie. |
| 7. |
Prinsipale word vriendelik versoek om die nodige reëlings te tref vir die afneem van hierdie assessering. |
| 8. |
Bring asseblief hierdie inligting onder die aandag van alle Lewensörientering leerders en onderwysers. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:07:18
|
 |