| 1. |
Die Jaarlikse Nasionale Assesserings (JNA) is geskeduleer om deur graad 1- tot 6- en 9-leerders vanaf 16 tot 19 September 2014 afgeneem te word by alle gewone openbare skole, staatsgesubsidieerde onafhanklike skole en sekere spesiale skole. |
| 2. |
Die Departement van Basiese Onderwys (DBO) het 2014 graad 9-voorbeeldvrae, wat ooreenstem met die Kurrikululm en Assesseringsbeleidverklaring (KABV) vir Engels Huistaal, Engels Eerste Addisionele Taal, Afrikaans Huistaal en Wiskunde geproduseer. |
| 3. |
Hierdie voorbeeldvrae is nie toetse nie, maar 'n verskeidenheid van vrae wat skole kan gebruik om leerders te help met voorbereiding vir die JNA. Dit word aanbeveel dat onderwysers voorbeeldvrae kies wat, op enige gegewe tyd, betrekking het op die beplande les. |
| 4. |
Die reeks van voorbeeldvrae in elke vak reflekteer ook die omvang van die vakinhoud wat gedek moet word vir die 2014 JNA. |
| 5. |
Om toegang te verkry tot hierdie voorbeeldvrae op die webblad, gaan na http://www.wcedcurriculum.westerncape.gov.za/ en
klik dan op "Assessment Management",
kies "GET Assessment" op die aftreklys,
klik op "Annual National Assessments",
klik op "Annual National Assessments 2014", en
klik dan op "ANA 2014 Exemplars". |
| 6. |
Daarbenewens sal elke gewone openbare skool wat graad 9 aanbied, deur die Assesseringskoördineerders in die onderwysdistrik, voorsien word van 'n kopie van die CD wat die 2014-voorbeeldvrae bevat. |
| 7. |
Daar word van seniorkurrikulumbeplanners en kurrikulumadviseurs verwag om onderwysers te help met die gebruik van die voorbeeldvrae om sodoende hulle leerders se vertroue te ontwikkel vir die skryf van die JNA. |
| 8. |
Prinsipale word vriendelik versoek om die inhoud van hierdie minuut onder die aandag van die graad 9 Taal- en Wiskunde onderwysers en die Vakhoofde te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:07:12
|
 |