| 1. |
Die Kurrikulum- en Assesseringsbeleidsverklaring (KABV) word tans in graad 12 geïmplementeer. Die 2014 Nasionale Senior Sertifikaat (NSS)-eksamen sal dus op die KABV gebaseer word. |
| 2. |
Die Departement van Basiese Onderwys (DBO) het die Provinsiale Departement van Onderwys van voorbeeldvraestelle voorsien om onderwysers en leerders met hulle voorbereiding vir die 2014 NSS-eksamen te help. |
| 3. |
Voorbeeldvraestelle is slegs in alle inhoudsvakke en Huistaal Vraestel 1 beskikbaar. |
| 4. |
Daar is geen voorbeeldvraestelle vir die volgende vakke nie: |
| 4.1 |
Huistale Vraestel 2: Die huidige voorgeskrewe letterkunde-werke bly dieselfde tot en met 2015 wanneer nuwe voorgeskrewe werke bekendgestel sal word. Voorbeeldvraestelle sal in Januarie 2015 voorsien word ter voorbereiding van die assessering wat gebaseer is op die nuwe voorgeskewe werke in die 2015 NSSeksamens. |
| 4.2 |
Huistale Vraestel 3: Daar is geen noemenswaardige veranderinge aan die formaat van die vraestel nie. |
| 4.3 |
Eerste Addisionele Tale en Tweede Addisionele Tale: Daar is geen veranderinge aan die KABV wat die formaat en struktuur van die eksamenvraestelle beïnvloed nie. Verwys na die Eksamenriglyne vir Amptelike Tale: Eerste Addisionele Taal en Tweede Addisionele Taal vir verdere inligting oor die formaat van die vraestelle. |
| 5. |
Die voorbeelde is op die DBO se webwerf beskikbaar by www.education.gov.za. Dit is ook op die Wes-Kaap Onderwysdepartement (WKOD) se VOO Assessering webwerf beskikbaar by http://www.wcedcurriculum.westerncape.gov.za/. Klik op "Assessment Management / FET Assessment". Klik op "Downloads" op die linkerkantste blok. Klik op die "2014 Exemplar Question Papers" lêer en laai die voorbeeldvraestelle af. |
| 6. |
'n CD wat die voorbeeldvraestelle bevat sal aan elke skool gestuur word wat die NSS aanbied asook die onderwysdistrikskantore. |
| 7. |
Prinsipale word vriendelik versoek om hierdie inligting onder die aandag van alle graad 12 onderwysers en leerders te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:04:25
|
 |