| 1. |
Die Kaapse-Onderwys-en-Leierskapinstituut (KOLI) sal gedurende die skoolkwartale of skoolvakansies van 2015 die kursusse, konferensies en seminare, soos in die aangehegte Bylae A gelys, vir prinsipale, adjunkhoofde, departementshoofde en onderwysers aanbied. |
| 2. |
Onderwysers wat belangstel om hierdie kursusse by te woon moet via hulle onderwysdistriksbeamptes daarvoor registreer (Sien Bylae B vir die kontakbesonderhede van distriksbeamptes). Dit word van distriksamptenare verwag om verdienstelike onderwysers te nomineer om hierdie kursusse by te woon en die distriksdirekteur moet die nominasies teken voordat hulle aan die KOLI voorgele word. |
| 3. |
Registrasie vir konferensies en seminare moet direk met die KOLI gedoen word. |
| 4. |
Aflosonderwysers sal deur die Wes-Kaap Onderwysdepartement as plaasvervangers in die plek van onderwysers wat KOLI-kursusse tydens skoolkwartale bywoon, aangestel word, op voorwaarde dat
- daar geen botallig onderwysers by die skool is nie;
- die onderwyser nie 'n onderwyser is wat deur die beheerliggaam besoldig word nie; en
- die onderwyser nie reeds vir 'n ander onderwyser instaan nie
|
| 5. |
Dit is die verantwoordelikheid van die skool om 'n geskikte plaasvervanger vir 'n onderwyser wat 'n kursus bywoon, te vind en te nomineer. |
| 6. |
Kursusse word 'n paar keer per jaar herhaal om onderwysers in staat te stel om kursusse te kies wat aangebied word op 'n tyd wanneer hulle 'n volle kursus kan bywoon. |
| 7. |
Slegs 50 onderwysers kan vir elke kursus geregistreer word. Hierdie onderwysers sal van al agt onderwysdistrikte getrek word. Dit beteken dat slegs 'n beperkte aantal onderwysers 'n kursus op 'n gegewe tydstip kan bywoon. |
| 8. |
Dit word sterk aanbeveel dat twee onderwysers per skool, gelyktydig gestuur word om dieselfde kursus by te woon sodat hulle mekaar kan ondersteun gedurende implementering na die kursus. |
| 9. |
Nominasies van distrikskantore vir kursusse wat deur die jaar aangebied word, moet die KOLI teen 21 November 2014 bereik. Elke distrikskantoor word versoek om 'n minimum van 8 onderwysers per kursus te nomineer. |
| 10. |
Vir verdere inligting, skakel gerus met enige van die volgende KOLI-beamptes:
- Gavin de Bruyn, tel. 021 900 5062, faks 021 900 5114, e-pos gavin.debruyn@westerncape.gov.za vir alle Skoolbestuur en Leierskap-ontwikkeling kursusse en seminare
- Magdelena Benn, tel. 021 900 5016, faks 086 614 5151, e-pos magdelena.benn@westerncape.gov.za vir alle Grondslagfase kursusse, die Skryfprojek en die AOO Lees-en-Skryfkonferensie
- Nobantu Pasiya, tel. 021 900 5018, faks 021 900 5013, e-pos nobantu.pasiya@westerncape.gov.za vir alle Intermediere Fase en Senior Fase kursusse en die AOO Wiskundeoplossingskonferensie
- Buhle Khumalo, tel. 021 900 5055, fax 086 731 6835, e-mail buhle.khumalo@westerncape.gov.za vir alle Inklusiewe Onderwyskursusse
- Christo Davids, tel. 021 900 5056, faks 086 731 6833, e-pos christo.davids2@westerncape.gov.za vir alle IKT Integrasie kursusse
|
| 11. |
Bring asseblief die inhoud van hierdie minuut onder die aandag van alle onderwysers. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:10:22
|
 |