| Konferensietema: |
Onderrig, implementeer en lewe lees en skryf |
| Datum: |
6 en 7 Oktober 2014 |
| Tyd: |
6 Oktober 2014: 08:00 – 16:00
7 Oktober 2014: 08:00 – 14:30 |
| Plek: |
Kaapse Onderwys-en-leierskapinstituut,
Nooiensfonteinweg, Kuilsrivier |
| Wie moet dit bywoon? |
Graad R tot 9-onderwysers |
| 1. |
Uitnodiging
Die Wes-Kaap Onderwysdepartement (WKOD) nooi:
- skoolhoofde, praktiserende en afgetrede onderwysers van graad R tot 9, kurrikulumadviseurs en verteenwoordigers van nie-regeringsorganisasies en tersiere onderwys uit om tot referate, aanbiedings of uitstallings by die bogenoemde konferensie by te dra; en
- graad R tot 9-onderwysers om aan die konferensie deel te neem.
|
| 2. |
Doelstellings
Die doelstellings van die konferensie is om idees, beste praktyk en ervaring oor 'n liefde vir lees en skryf te skep, sowel as verskillende benaderings tot die onderrig van lees en skryf, intervensiestrategiee vir swak lesers en skrywers, en die bestuur van 'n leesende skool. |
| 3. |
Inligting vir aanbieders |
| 3.1 |
Verskillende soorte aanbiedings word ingewag:
- DVD-sessie;
- Demonstrasielesse;
- Uitstallings; en
- Werkswinkelsessies oor lees en skryf (praktiese aktiwiteite).
|
| 3.2 |
Persone wat geinteresseerd is om 'n demonstrasieles of werkswinkel by die konferensie te lewer, word versoek om op die volgende te let:
- Ons sal die volgende inligting van u benodig:
- Die titel van u aanbieding;
- 'n Kort beskrywing van die inhoud daarvan (maksimum 60 woorde); en
- Die vorm wat u aanbieding sal aanneem (sien paragraaf 3.1).
- Konferensiedeelnemers moet by die aanbieding betrek word.
- Duur van die aanbieding: 60 minute. Laat 5 tot 10 minute toe vir groepbespreking of vrae.
- Lokale sal draagbare tafels en stoele, 'n dataprojektor, 'n rekenaar, 'n witbord en staande blaaibord met papier he.
|
| 3.3 |
Indien u geinteresseerd is om 'n item by die konferensie te lewer, voltooi asseblief die meegaande Bylae A en stuur dit per e-pos aan Magdalena Benn by Magdelena.Benn@westerncape.gov.za of faks dit na 086 614 5151 teen 29 Augustus 2014. |
| 4. |
Inligting vir deelnemers |
| 4.1 |
Onderwysers wat die konferensie as deelnemers wil bywoon, word versoek om hulle besonderhede op die skoollys in Bylae B in te vul. |
| 4.2 |
Die voltooide Bylae B moet, teen 29 Augustus 2014, teruggestuur word aan Gaynor Matthews by e-posadres Gaynore.Matthews@westerncape.gov.za of faksnommer 021 900 5013/ 086 614 5151. |
| 4.3 |
Registrasie sal sluit sodra die eerste 300 deelnemers geregistreer is. Registrasie sal plaasvind op 'n eerste-daar-eerste-bedien-basis. Maak dus seker dat u so vroeg as moontlik registreer. |
| 4.4 |
Die konferensieprogram sal 'n voltallige paneelbespreking en parallelle sessies insluit. Skole wat vir die konferensie registreer sal teen 12 September 2014 telefoniese bevestiging ontvang. |
| 5. |
Logistiek
Deelnemers of aanbieders uit die landelike onderwysdistrikte wat meer as 120 km retoer aflê, kan in die Kaapse Onderwys-en-leierskapinstituut se koshuis oornag op Sondag, 5 Oktober en Maandag, 6 Oktober 2014. Akkommodasie sal deur die WKOD betaal word. Deelnemers reis op hulle eie onkoste. |
| 6. |
Die WKOD vertrou dat hierdie konferensie 'n verrykende ervaring sal wees vir alle onderwysers wat lees en skryf onderrig en wat dit bywoon. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:08:11
|
 |