1. Njengenxalenye yephulo lokuphucula amathuba obomi bokuphila abantwana besizwe nokwandisa ukuthatha kwabo inxaxheba kwiiprogram zophuculo lwezikolo (school enrichment programmes), iSebe leMfundo esiSiseko namasebe emfundo amaphondo osithoba, aya kuba eququzelela umnyhadala wokhuphiswano lweekwayala i-South African Schools’ Choral Eisteddfod kwizikolo eziziiprayimari neziziisekondari ngo-2013.

2. Nakuba kunjalo, iSebe iWCED lenze isigqibo sokuba ukulungiselela iinjongo zokuqhubeka kakuhle kokhuphiswano nezizathu zokhuseleko (logistical and safety reasons), izikolo eziphumelele kukhuphiswano lwamaphondo kwicandelo leSigaba seSiseko, mazingahambi zigqithele ngaphaya kwemida yePhondo leNtshona Koloni.

3. Iinqununu maziqinisekise ukuba ukuprekthiza kwekwayala (rehearsing) kulungiselelwa umnyhadala makungaze naphantsi kwayo nayiphi na imeko kuphazamisane neprogram yokufunda yesikolo. Abafundi banelungelo lokufumana imfundo esemgangathweni bengaphazanyiswa, ngawo onke amaxesha.

4. UMnyhadala ulungiselela iimvumi ezicula ngazodwa (soloists), ezicula ngamaqela (ensembles), neekwayala zezikolo kula macandelo alandelayo:

  1. ISigaba seSiseko
  2. ISigaba esiPhakathi
  3. ISigaba saBadala
  4. ICandelo le-Further Education and Training
5. Kumiselwe amaculo (pieces) kuwo onke la macandelo.

6. Imijikelo yokukhetha izikolo ezigqwesileyo iya kubanjwa ngo-Apreli nangoMeyi kwisithili semfundo okanye kwizithili zemfundo ezisebenzisanayo ngokuxhomekeke kwinani lezikolo ezingenele umnyhadala wokhuphiswano lomculo.

7. Imihla yemijikelo yokukhetha izikolo ezigqwesileyo iya kupapashwa ngabaququzeleli bezithili okanye bezikolo ezisebenzisanayo ungadlulanga owe-15 Matshi 2013.

8. Iikwayala ezizintshatsheli kwiSigaba seSiseko, kwesiPhakathi, kwesaBadala neseFET nabacula ngabodwa (soloists) baya kumenywa ukuba bathathe inxaxheba kukhuphiswano lomijikelo wokugqibela wephondo (provincial finals), noluya kubanjwa ukususela nge-24 ukuya kwi-26 kaMeyi 2013.

9. Amaculo amiselweyo angakhutshelwa (downloaded) kwiziko lewebhu leSebe iWCED apha www.curriculum-dev.wcape.school.za

  • Klikha ku-"FET: Further Education and Training".
  • Klikha ku-"Arts".
  • Klikha ku-"Music".
  • Khuphela amaculo amiselweyo nemigaqo yothatho-nxaxheba kwi-SASCE Downloads.
10. Ziyakhuthazwa zonke iikwayala zezikolo ukuba zithathe inxaxheba kulo mnyhadala wokhuphiswano lomculo. Ukungenela ukhuphiswano, kucelwa uzalise le fom yobhaliso iqhotyoshelweyo uze uyithumele ngefeksi okanye nge-imeyili ungadlulanga owe-31 Matshi 2013 kwigosa elikwisithili semfundo sakho lophuculo lwesikolo, usebenzisa inombolo yefeksi echaphazelekayo okanye idilesi ye-imeyili ngezantsi apha.

Education district Contact details
Metro Central Mr J. Petersen
Ifoni: 021 514 6700
Ifeksi: 021 514 6953
I-imeyili: Jpetersen@westerncape.gov.za
Metro East Ms M.J. Swartz
Ifoni: 021 900 7253
Ifeksi: 021 903 2149
I-imeyili: Mjswartz@westerncape.gov.za
Metro North Mr D. Leonard
Ifoni: 021 938 3170
Ifeksi: 021 938 3180
I-imeyili: Dleonard@westerncape.gov.za
Metro South Mr R. Job
Ifoni: 021 370 2000
Ifeksi: 021 372 1856
I-imeyili: Rjob@westerncape.gov.za
West Coast Ms C. Beukes
Ifoni: 021 860 1210
Ifeksi: 021 860 1231
I-imeyili: Cbeukes@pgwc.gov.za
Cape Winelands Mr C. Frolick
Ifoni: 023 348 4602
Ifeksi: 023 342 4138
I-imeyili: Cfrolick@westerncape.gov.za
Overberg Mr K. Mike
Ifoni: 028 214 7300
Ifeksi: 028 214 7400
I-imeyili: Kobus.Mike@westerncape.gov.za
Eden & Central Karoo Mr E. Magodla
Ifoni: 044 803 8300
Ifeksi: 044 873 2253
I-imeyili: Eric.Magodla@westerncape.gov.za
Head Office Mr D. Pillay
UMququzeleli wePhondo: UPhuculo lweZikolo
Ifoni: 021 467 2582
I-imeyili: Dennis.Pillay@westerncape.gov.za

11. ISebe iWCED ligqibe ekubeni ligxininise ngokungaphezulu kulawulo lwemali ngenkathalo (careful financial management) kuwo onke amanqanaba enkqubo yezemfundo ukususela ngo-2013, ngokukodwa kwizikolo eziziipriyimari. ISebe ke ngoko lifuna izikolo zilandele ngqo iinkqubo zolawulo lwemali ezichanekileyo (correct financial controls) yaye zingenise izicwangciso zomsebenzi oza kwenziwa ezichanekileyo (appropriate business plans) ukwenzela ukuxhasa ngezizathu ezivokothekileyo imfuneko yaloo nkcitho yazo. Abaququzeleli bezithili zemfundo baya kwazisa izikolo ngala manyathelo nezi nkqubo kwizithili zabo zemfundo ezichaphazelekayo.

12. Iya kuthunyelwa enye imbalelwano yokongeza malunga noku kubaququzeleli bezithili zemfundo. Izikolo eziphumeleleyo ezimele iNtshona Koloni kwinqanaba likazwelonke ziya kufumana ingcaciso echanekileyo nesikhokelo kwi-ofisi yesithili semfundo nakubaququzeleli bephondo.

13. Kucelwa wazise okukule ngcaciso imfutshane bonke ababhexeshi beekwayala zezikolo ukuze bakuthathele ingqalelo.


ISAYINWE: NGU-JH LYNERS
USEKELA MLAWULI-JIKELELE WOPHUHLISO NOQUQUZELELO LWAMAZIKO
UMHLA: 2013:03:08


La maxwebhu kubhekiselelwe kuwo njengaqhotyoshelwe kule setyhula, akaqhotyoshelwanga kodwa ayafumaneka njengeekopi ezingelokhutshelo (hard copies).