1. Prinsipale en skoolbeheerliggaam-(SBL)-voorsitters is ingelig in Omsendbrief 0010 van 2013, gedateer 4 Februarie 2013 oor die wysigings van die Nasionale Norme en Standaarde vir Skoolbefondsing (NNSSB) met betrekking tot lidmaatskap van erkende SBL-verenigings. Hierdie wysigings is gepubliseer in Staatskoerant No. 35617 van 27 Augustus 2012, en het op 1 April 2013 in werking getree.
2. In paragraaf 3.3 van die bogenoemde omsendbrief, het die Wes-Kaap Onderwysdepartement (WKOD) aangedui dat hy beplan om 'n aanlynstelsel te ontwerp vir die vaslę van SBLe se lidmaatskapinligting. Daardie stelsel is nou geďnstalleer en skole kan toegang daartoe op SOBIS vekry.
3. Ingevolge paragraaf 145 B (a) van die NNSSB, sal 'n SBL kwalifiseer vir 'n bydra tot die lidmaatskapfooie indien die vrywillige SBL-vereniging waaraan dit behoort, erken word deur die Departementshoof. Let asseblief daarop dat vier vrywillige SBL-verenigings aansoek gedoen het by die WKOD vir formele erkenning, maar slegs die volgende twee verenigings het sover erkenning ontvang:

  1. The Governing Body Foundation
  2. The Federation of School Governing Bodies of South Africa

Die aansoeke van die ander twee verenigings was onvolledig, en sal oorweeg word met ontvangs van die afgewagde inligting.

4. SBL’e wat geaffilieer is by die bogenoemde SBL-verenigings, word vriendelik versoek om alle inligting oor hulle SBL-vereniging lidmaatskap of veranderinge van hulle lidmaatskap, binne 14 dae van ontvangs van hierdie minuut op die SOBIS, vas te lę. 'n Gebruikershandleiding, wat die stappe gee wat gevolg moet word wanneer lidmaatskapbesonderdhede vasgelę word, is by hierdie minuut aangeheg. Skole word daaraan herinner dat hulle slegs geaffilieer mag wees by een vrywillige SBL-vereniging.
5. Die WKOD sal bydraes tot SBL-vereniginigfooie of aan die skole of die SBL-verenigings betaal. Die departement sal 'n verslag trek ten opsigte van Artikel 20- en -21 skole wat reeds lidmaatskapfooie aan hulle geaffilieerde verenigings vir 2013 betaal het en reël dat die terugbetaling ingevolge paragraaf 145 B(c) van NNSSB gemaak word.
6. Soos in die bogenoemde omsendbrief genoem, sal die bydrae tot die lidmaatskapfooie van 'n SBL-vereniging nie noodwendig die volle jaarlikse fooi dek nie, en sal dit nie die volle lidmaatskapfooi oorskry nie.
7. Bring asseblief die inhoud van hierdie minuut onder die aandag van almal wat betrokke is.


GETEKEN: J H LYNERS
ADJUNK-DIREKTEUR-GENERAAL INRIGTINGSBESTUUR EN BEHEERBEPLANNING
DATUM: 2013:09:20

"Government Gazette 35617"  (grootte: 429 KB)
"School Governing Body Association (SGBA) - User Manual"  (grootte: 353 KB)