| 2. |
Die VLR is een van die belangrikste vennote in die versekering van die gehalte van onderrig en leer in skole. Onderwyserskakelbeamptes (OSB’s) moet dus seker maak dat hulle die vaardighede van VLR-lede ontwikkel deur middel van leierskap en opleidingsinisiatiewe en jeugontwikkelingsprogramme. |
| 3. |
Om te verseker dat die VLR'e so vroeg as moontlik begin funksioneer in 2014, word dit aanbeveel dat die VLR-verkiesings vir 2014 plaasvind tussen November 2013 en 31 Januarie 2014. |
| 4. |
Die opleiding van die nuutverkose VLR’e moet op 1 Februarie 2014 begin. |
| 5. |
Bylae A is 'n opsommingsblad waarop besonderhede van nuutverkose VLR’e aangebring moet word. Skole word vriendelik versoek om die aangehegte Bylae A te voltooi en dit na hulle distrik se VLR-koördineerder te stuur. |
| 6. |
Die skool se verkiesingspan |
| 6.1 |
'n Skoolverkiesingspan moet gevorm word om vroeë beplanning vir 'n suksesvolle VLR-verkiesing te verseker. |
| 6.2 |
Skoolverkiesingspanne word aangemoedig om hulle eie bewusmakingstelsel te ontwikkel om leerders aan te moedig om deel te neem aan die verkiesings en om te verseker dat bevoegde kandidate verkies word. Bewusmakingstrategieë sluit in die verspreiding van kriteria vir die verkiesing van geskikte leerderlede |
| 7. |
Prinsipale moet seker maak dat, in ooreenstemming met die wet, twee VLR-lede verkies word om vanaf 1 Maart 2014 op die skoolbeheerliggaam te dien. |
| 8. |
Na die verkiesing van die nuwe VLR |
| 8.1 |
As deel van sy kapasiteitsbou moet die nuutverkose VLR 'n induksieproses deurloop wat deur die VLR-koördineerder gefasiliteer is. |
| 8.2 |
Prinsipale moet seker maak dat 'n behoorlike oorhandigingsproses van die uitgaande VLR na die inkomende VLR gevolg word. |
| 8.3 |
Prinsipale word aangemoedig om inlywingseremonies te reël. Dit kan op verskeie maniere gedoen word, bv. by 'n saalbyeenkoms, by 'n spesiale geleentheid waar ouers teenwoordig is. Skole word ten sterkste aangemoedig om aan distriksge-organiseerde induksieaktiwiteite deel te neem aangesien dit sosiale interaksie tussen leerders bevorder. |
| 8.4 |
OSB’s word ernstig versoek om VLR’e op te lei om programme te volg wat in ooreenstemming met die visie en missie van hulle skool is. Dokumente soos die Bill of Responsibilities, Values in Action: handleiding vir SBL’e en VLR’e, Riglyne vir die Implementering van Portuurprogramme vir Leerders in SA-skole kan gebruik word om die kapasiteit van VLR’e te vergroot. Afskrifte van hierdie dokumente is beskikbaar in alle skole. Daar word nie van 'n skool verwag om kopieë vir elke lid van die VLR te maak nie. |
| 9. |
Indien skole enige navrae het oor die VLR-verkiesings, kan hulle die betrokke distrik se VLR-koördineerder skakel wat hier onder gelys is:
- Onderwysdistrik Metro-Oos: Me Marion Rhoda, tel. 021 900 7000 / 7162
- Onderwysdistrik Metro-Suid: Me Akeda Isaacs, tel. 021 374 4107
- Metro-Noord Distrik: Me Graze Ziegler, tel. 021 938 3191
- Onderwysdistrik Metro-Sentraal: Dr Sandren Naidoo, tel. 021 514 6717
- Onderwysdistrik: Kaapse Wynland Mnr Alton Koenze, tel. 028 214 4600/73
- Onderwysdistrik Weskus: Me Maryke Cupido, tel. 021 860 1200/12
- Onderwysdistrik Overberg: Mnr Mike Kobus, tel. 028 214 7368
- Onderwysdistrik Eden & Sentrale Karoo: Me Rochelle Kock, tel. 044 803 8346
|
| 10. |
Sodra al die lyste van lede van nuutverkose VLR’e vanaf die skole deur die VLR-koördineerder van die distrik ontvang is, moet dit in 'n koevert geplaas word en afgelewer word aan me Zoliswa Lonja by die volgende adres:
| |
Me Zoliswa Lonja
Kamer 8-54, 8ste Vloer
WKOD Hoofkantoor
Grand Central Towers
Laer Parlementstraat
Kaapstad |
|
| 11. |
Bring asseblief die inhoud van hierdie minuut onder die aandag van alle belanghebbendes. |
GETEKEN: J H LYNERS
ADJUNK-DIREKTEUR-GENERAAL: INRIGTINGSONTWIKKELING EN -KOÖRDINERING
DATUM: 2013:10:16
|
 |