1. Om te stem is 'n noodsaaklike deel van enige moderne demokrasie. In Suid Afrika is dit in ons grondwet verskans. In 2014, sal Suid-Afrikaners weer die geleentheid gebied word om in die nasionale en provinsiale verkiesings te stem.

2. Die generasie wat gedurende die tydperk van1994 tot 1996 gebore is – waarvan meeste van hulle nog op skool is – sal hulle eerste geleentheid hę om te stem in die verkiesing van 'n demokratiese regering wanneer die nasionale en provinsiale verkiesing in Mei 2014 plaasvind. Volgens die Sensusdata vir 2011 is daar ongeveer 2,9 miljoen Suid-Afrikaners in die ouderdomsgroep 18 tot 19, maar ongelukkig is slegs 9,9% geregistreerde kiesers. Om hierdie onderverteenwoordiging van die jeug op die kiesersrol reg te stel, is 'n fokus op registrasie van die jeug nodig.

3. Die Onafhanklike Verkiesingskommisie (OVK) het die hulp versoek vanaf die Wes-Kaap Onderwysdepartement met die registrasie van leerders wat in aanmerking kom as kiesers gedurende 'n aangewese tyd. Die OVK sal skole besoek gedurende die tydperk 14 tot 18 Oktober 2013 om opvoedkundige kieserprogramme aan te bied en geskikte leerders te registreer. Die fokus vir registrasies sal op graad 10 tot 12 wees. Die OVK sal opvoedkundige materiaal voorsien, Becoming a good citizen: Electoral Democracy Toolkit for teachers Grade 10 – 12.

4. Die OVK sal ook materiaal versprei wat deur graad R tot 9 gebruik moet word, Not too Young: Teaching Electoral Democracy to Young South Africans.

5. Skoolhoofde en SBS’e word vriendelik versoek om met hierdie proses te help deur

  • 'n span onderwysers en leerders aan te stel om hierdie proses te beheer en met OVK amptenare te skakel. (U mag VLR-lede in hierdie span aanstel.);
  • leerders te identifiseer wat in aanmerking kom om te stem, en te verseker dat hulle registreer;
  • leerders aan te moedig en te motiveer om te registreer, deur middel van byeenkomste, aankondigings, briewe aan ouers, interne en eksterne kennisgewings; en
  • geakkrediteerde OVK-amptenare toegang te verleen tot die skool om kieseropvoeding en registrasie uit te voer.
6. Bring asseblief die inhoud van hierdie minuut onder die aandag van alle betrokkenes.


GETEKEN: J H LYNERS
ADJUNK-DIREKTEUR-GENERAAL: INRIGTINGSONTWIKKELING - EN KOÖRDINERING
DATUM: 2013:09:27