1. Die aanvraag vir toelating tot skole van die Wes-Kaap Onderwysdepartement (WKOD) het aansienlik toegeneem. Ten einde WKOD-amptenare ingelig te hou oor watter skole plekke beskikbaar het vir toelating, het die WKOD 'n aanlyndatabasis op EduInfoSearch saamgestel om gereelde opgedateerde inligting te voorsien wat beskikbare plekke by elk van sy skole aandui.

2. Om die WKOD by te staan om hierdie databasis in stand te hou, sal die volgende tussentydse prosedure van toepassing wees:
2.1 Skoolhoofde moet gereeld hulle IBB-bestuurder inlig oor die aantal plekke wat beskikbaar is vir toelating tot hulle skool vir 2014.
2.2 Hierdie inligting moet opgeneem en opgedateer word by die onderwysdistrikskantoor deur die administratiewe personeel in elke kringspan, en deur die IBB-bestuurder op EduInfoSearch, instand gehou word.

3. Dit is die voorneme dat toelatingsdata in die toekoms op skoolvlak opgeneem sal word, sodat, WKOD-amptenare in staat sal wees om lede van die publiek in te lig oor watter skole steeds beskikbare plekke het. Dit sal dus help om die toelatingsproses meer effektief te bestuur.

4. Die inligting, sodra dit opgeneem is, sal druk by skole laat afneem omdat amptenare in staat sal wees om te sien watter skole hulle inskrwings gefinaliseer het.

5. Alle skole word versoek om hierdie inligting in te dien, selfs al is dit 'n nul-opgawe. Skole wat nog plek oop het, word versoek om die distrikskantoor gereeld op hoogte te hou oor die aantal plekke wat nog beskikbaar is.

6. Skoolhoofde word versoek om te verseker dat akkurate data voorgelê word, en dat daar van al die beskikbare plekke verantwoording gedoen word. Gegewe die aanvraag na plekke by skole, is dit belangrik dat skoolhoofde verseker dat die inligting op datum is, en dat die IBB-bestuuder ingelig gehou word oor die beskikbaarheid van toelatingsplekke by skole.

7. Vanaf 2 September 2013, sal die aanlynstelsel beskikbaar wees vir die opneem van hierdie inligting op EduInfoSearch. Baie skole het reeds hierdie inligting by hulle distrikskantore ingehandig, en moet dus slegs 'n opgedateerde weergawe daarvan voorsien.

8. Neem asseblief kennis dat daar van alle skole verwag word om hulle toelatingsplekke se inligting by distrikskantore in te dien by die IBB bestuurder teen 9 September 2013, gevolg deur gereelde weeklikse opdatering totdat alle beskikbare plekke gevul is.

9. Dit is die voorneme dat al die inligting wat opgeneem gaan word teen Donderdag, 12 September 2013 aanlyn beskikbaar sal wees vir WKOD- amptenare.


GETEKEN: J H LYNERS
ADJUNK-DIREKTEUR-GENERAAL: INRIGTINGSONTWIKKELING EN -KOÖRDINERING
DATUM: 2013:09:04