1. Die Wes-Kaap Onderwysdepartement is daartoe verbind om die maksimum gebruik van onderrig- en leertyd te verseker. Dit is dus die verantwoordelikheid van elke skool om onderrigtyd te beskerm, en leer te ondersteun vir die volle 199 dae hierdie jaar, in ooreenstemming met die Nasionale Leerderbywoningsbeleid.

2. Alle skool- en onderwysdistrik kantoorgebaseerde personeel word versoek om op die volgende te let:
2.1 Dit is die verantwoordelikheid van elke skool om die skoolprogram te beplan, vir die tydperk gedurende en na die eksamens, tot en met die laaste dag van die skoolkwartaal, en om alle leerders, ouers en distrikskantore dienooreenkomstig in te lig.
2.2 Skole wat graad 4 tot 11 aanbied, word daaraan herinner dat geen eksamens voor 27 Mei 2013, en 11 November 2013 mag plaasvind nie. Skole kan egter by die distriksdir ekteuraansoek doen vir toestemming om praktiese eksamens in sekere vakke, vroeër te laat begin.
2.3 Geen skool word toegelaat om vroeër as 13:00 te sluit gedurende die tydperk wanneer die eksamens afgelê word nie. Met die reëling van vroeër sluitingstyd, moet die veiligheid en vervoer van leerders in ag geneem word. Dit is dus belangrik dat ouers vooraf ingelig word sodat hulle alternatiewe reëlings kan maak.
2.4 Daar word van alle leerders verwag om gedurende die eksamentydperk skool by te woon, met die uitsondering van graad 12-leerders wat geregtig is op 5 afdae vir studie doeleindes voor die begin van die finale Nasionale Senior Sertifikaat eksamens.
2.5 Skole mag nie leerders inlig dat dit elke leerder se keuses is om skool by te woon of nie, selfs ook nie na die eksamen geëindig het vir die kwartaal, of wanneer hulle eksamens of toetse skryf nie.
2.6 Daar word van alle onderwysers verwag om by die skool te wees vir die volle skooldag, elke dag (35 uur per week), gedurende die tydperk wat eksamens geskryf word, ongeag of hulle toesighoudende pligte het, of nie.

3. Amptenare van die Onderwysdistrik sal die implementering van hierdie riglyne monitor. Skoolhoofde en skoolbeheerliggame word versoek om spesiale aandag te skenk aan die opstel van hulle programme vir die tydperke, soos hierbo na verwys, sodat waardevolle tyd vir leer nie verlore gaan nie.


GETEKEN: J H LYNERS
ADJUNK-DIREKTEUR-GENERAAL: INRIGTINGSONTWIKKELING EN KOÖRDINERING
DATUM: 2013:04:16