1. INgcaciso eMfutshane yeCandelo loKwenziwa komSebenzi weSebe noLawulo lwaBathathinxaxheba 0001/2013 yachaza inkqubo ecwangcisweyo yokubeka esweni ukwenziwa komsebenzi qho ngekota (planned structured quarterly monitoring) eya kuqhutywa ngabaphathi beze-IMG ezikolweni. Kwabalulwa ukugxininiswa kwezi nkalo zilandelayo:

  • Inkqubela kwi-SIP
  • Iincwadi zomsebenzi (workbooks)
  • Iincwadi zezifundo (textbooks)
  • Iireyithi zokupasa kwamaBakala 1 no-9
  • Ezolawulo (iintlanganiso nabazali; ukufundisa nenkxaso ecwangcisiweyo; isantya sokufundiswa kwekharityhulam; ulawulo lwedatha; ulawulo lokuhamba isikolo)
  • Iidesika nezitulo
  • Iziseko zophuhliso
  • Ulawulo lwezemali

I-SIM iya kwenziwa kwikota nganye ngolu hlobo lulandelayo:

Ithuba Isaveyi Umhla obekiweyo
IKota 2 I-SIM yeKota 2 ngoLwesihlanu we-14 Juni 2013
IKota 3 I-SIM yeKota 3 ngoLwesihlanu we-13 Septemba 2013
IKota 4 I-SIM yeKota 4 ngoLwesihlanu we-01Novemba 2013
  I-SIM 4: Ukungeniswa kwesi-2 ngoLwesihlanu we-29 Novemba 2013

2. Ukwenzela ukuba kulungiselelwe kakuhle ukubekwa esweni ukwenziwa komsebenzi, kuya kulandelwa le nkqubo ilandelayo ngekota yesibini, yesithathu neyesine:
2.1 Izinto ekuya kugxininiswa kuzo xa kubekwa esweni umsebenzi (jonga uxwebhu oluqhotyoshelwe apha) ziya kukhutshwa ngengcaciso emfutshane kwikota nganye.
2.2 Ezi zinto kuya kugxininiswa kuzo xa kubekwa esweni umsebenzi ziya kubonelelwa ngenjongo yokuba zisayinwe kwi-CEMIS phantsi kuka-"ADMINISTRATION".
2.3 Inqununu iya kufaka iimpendulo ekhompyutheni.
2.4 Abaphathi beze-IMG baya kwenza idinga lokuza kuxoxa ngeempendulo luze uxwebhu oluzalisiweyo lusayinwe ngamaqela omabini.
2.5 Inqununu iya kusayina kwi-CEMIS.
2.6 Ikopi eliphepha iya kugcinwa ngumphathi weze-IMG ukulungiselela iinjongo zoku-oditha.
2.7 Umphathi weze-IMG uya kusayina kwi-Eduinfosearch.

3. Qaphela ukuba umbuzo ngee-odolo zeencwadi zezifundo kufuneka ufundwe kunye nomhla wokuvala ukungeniswa kwee-odolo, ongowe-14 Juni. Kule meko, izikolo ziya kuvunyelwa ukuphendula zithi "Ewe" kumbuzo ochaphazelekayo kwisixhobo se-SIM, ngokuxhomekeka ekubeni sele zizibophelele ukufaka i-odolo phambi komhla obekiweyo.

4. Ngumphathi weze-IMG oya kuphendula nayiphi na imibuzo.

5. Siyanibulela ngokuzimisela kwenu kwimfundo esemgangathweni.


ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2013:05:13

"School Improvement Monitoring"  (ubukhulu: 30 KB)