| 1. | Artikel 6B van die Wet op die Indiensneming van Opvoeders (WIO), 1998, (Wet 76 van 1998) maak voorsiening vir die omskakeling van die tydelike aanstellings van opvoeders na permanente aanstellings.
'n Tydelike opvoeder is 'n opvoeder wat tans in 'n goedgekeurde substantiewe vakante posvlak 1-pos in 'n tydelike hoedanigheid vir 'n geslote tydperk aangestel is. Hierdie definisie is nie van toepassing op opvoeders wat in 'n waarnemende hoedanigheid in vakante substantiewe bevorderingsposte aangestel is of op plaasvervangers wat aangestel is in die plek van permanente opvoeders wat om een of ander rede van diens afwesig is nie. Sien asseblief ook paragraaf 10 hieronder. Opvoeders wat die geleentheid tot 'n uitgebreide loopbaan in die onderwys gehad het, d.i. diegene wat afgetree het, vroeg afgetree het, uit die diens ontslaan is weens swak gesondheid, of wat 'n skeidingspakket van welke aard ookal aanvaar het, is uitgesluit van die maatreëls soos in hierdie minuut vervat. Poste wat in vorige vakaturelyste geadverteer is vir permanente vulling in lyn met die 2013 vakature rooster, is eweneens uitgesluit van die maatreëls soos in hierdie minuut vervat. In die geval waar die WKOD egter amptelik besluit het om nie 'n pos soos geadverteer in die Vakaturelys te vul nie, mag sodanige pos ook oorweeg word vir permanente vulling ooreenkomstig die maatreëls soos vervat in hierdie minuut. |
| 2. | Die omskakeling van 'n tydelike aanstelling na 'n permanente aanstelling is onderhewig aan die diskresie van die hoof van 'n provinsiale onderwysdepartement.
In hierdie verband is dit uiters belangrik om daarop te let dat die WKOD die beginsel van ope mededinging onderskryf wanneer dit kom by die permanente vulling van poste op sy diensstaat en op die diensstate van inrigtings onder sy beheer. Ten einde hierdie beginsel te ondersteun, word poste gereeld in die nasionale koerante (in die geval van kantoorgebonde poste) en in vakaturelyste (in die geval van poste by opvoedkundige inrigtings sowel as kantoorgebonde poste) geadverteer. |
| 3. | Die WKOD het in oorlegpleging met die onderwysersunies wat in die Provinsiale Raad op Arbeidsverhoudinge in die Onderwys verteenwoordig word, op die volgende kriteria besluit vir die omskakeling van die aanstellingstatus van tydelike opvoeders na permanente opvoeders ingevolge artikel 6B van die WIO, 1998, met ingang van 1 Januarie 2014: |
| 3.1 | Die permanente aanstelling moet in 'n vakante substantiewe posvlak 1-pos gemaak word en die pos moet ook in die nuwe opvoederdiensstaat van die skool vir 2014 verskyn. |
| 3.2 | Die betrokke opvoeder moet tans vir 6 maande in 'n tydelike hoedanigheid in diens van die WKOD wees met sy of haar datum van aanstelling op of voor 1 Julie 2013. |
| 3.3 | Die opvoeder moet:
|
| 4. | Die keerdatum vir ontvangs van die aansoeke is 15 November 2013. |
| 5. | Tydelike opvoeders wat belangstel om aansoek te doen om die omskakeling van hul tydelike aanstellings na permanente aanstellings ingevolge artikel 6B van die WIO, 1998, moet 'n ingevulde DPE 1-vorm (aansoek om betrekking) tesame met 'n motiveringsbrief via die skoolbeheerliggaam by die WKOD indien. Aansoeke moet gepos word aan die volgende adres:
Werwing-en-keuringsentrum |
| 6. | Alle aansoeke vir die omskakeling van tydelike aanstellings na permanente aanstellings sal slegs oorweeg word indien dit vergesel word van `n bevestiging vanaf die skoolbeheerliggaam en prinsipaal dat geen botallige opvoeders en geen nuut gekwalifiseerde opvoeders vir die pos aangestel kon word nie. |
| 7. | Dienende plaasvervanger-opvoeders mag ook vir permanente aanstelling oorweeg word ooreenkomstig die maatrëels vervat in hierdie minuut wanneer die pos op 1 Januarie 2014 vakant raak. |
| 8. | Prinsipale word versoek om te verseker dat hierdie minuut onder die aandag gebring word van hulle skoolbeheerliggame en alle opvoeders op hul personeel, veral diegene wat in 'n tydelike en/of plaasvervanger-hoedanigheid aangestel is. |
| 9. | Hierdie omsendbrief is van toepassing op gewone en spesiale openbare skole. |
GETEKEN: PA VINJEVOLD
HOOF: ONDERWYS
DATUM: 2013:10:25
