| 1. |
Die Wes-Kaap Onderwysdepartement (WKOD) het groot waardering vir sy staatsdienswerknemers wat daarop ingestel is om hulle kennis van die onderwys te verbreed en hulle vaardighede verder te ontwikkel. |
| 2. |
Daarom staan die WKOD werknemers finansieel by met verdere studie en rig dus 'n uitnodiging aan werknemers wat in 2014 deeltyds wil studeer om aansoek te doen om 'n beurs. |
| 3. |
Beurse sal slegs aan aansoekers toegeken word indien hulle:
- WKOD-werknemers is wat aangestel is ingevolge die Staatsdienswet, 1994 (Wet 103 van 1994);
- permanent aangestel is deur die WKOD;
- voldoen aan die toelatingsvereistes van die betrokke opvoedkundige inrigting;
- hulleself verbind tot deeltydse studies gedurende 2014;
- nie reeds 'n staatsbeurs of enige ander beurs ontvang nie, en
- Suid-Afrikaanse burgers is.
|
| 4. |
Alle aansoeke sal geevalueer word ooreenkomstig die volgende kriteria:
- Die gepastheid van die voorgenome studieveld met betrekking tot die WKOD se huidige en toekomstige strategiese behoeftes;
- Die betrokke direktoraat se behoefte aan spesifieke of skaars vaardighede;
- Gelyke beregtiging van werknemers (ras, geslag, gestremdhede);
- Stedelike teenoor landelike gebiede;
- Verband met spesifieke werkbeskrywing;
- Ontwikkelingstoepaslikheid;
- Ander kwalifikasies;
- Salarisvlakke;
- Nagraadse teenoor voorgraadse studies;
- Die toesighouer se aanbeveling, wat die aansoek moet vergesel;
- Beskikbaarheid van fondse; en
- Die vereistes van die Wet op Gelyke Indiensneming, 1998 (Wet 55 van 1998), die Wet op Vaardigheidsontwikkeling, 1998 (Wet 97 van 1998) en ander toepaslike wetgewing.
|
| 5. |
Ons wil graag die aandag van voornemende beurshouers op die volgende studievelde rig, waar daar 'n tekort van gekwalifiseerde personeel en/of konstante departementele behoefte bestaan:
| No. |
Tipe kwalifikasie |
Studieveld |
| 1. |
Graad of Diploma |
Voorsieningskettingbestuur, Aankopebestuur |
| 2. |
Graad of Diploma |
Finansiële Bestuur, Finansiële Bestuurstelsels, Rekeningkunde, Ouditkunde |
| 3. |
Graad of Diploma |
Menslikehulpbronbestuur |
| 4. |
Graad of Diploma |
Openbare Bestuur |
|
| 7. |
Elke aanlyn beursaansoek moet uit die volgende dokumente bestaan:
- 'n Voltooide aansoekvorm om 'n studiebeurs (aanlyn beskikbaar)
- 'n Geskrewe beraming van studiekostes (registrasie, onderriggeld en ander studieverwante uitgawes) vir die 2014 akademiese jaar. Hierdie inligting kan verkry word van tersiere inrigtings.
- Die toesighouer se aanbeveling op 'n afskrif van die aangehegte Bylae A-vorm.
|
| 8. |
Geen laat, onvolledige, gefakste of onleesbare aansoeke sal in aanmerking geneem word nie. |
| 9. |
Die Beurskomitee sal alle aansoeke oorweeg en dan aanbevelings oor die toekenning van die beurse doen. Beurstoekennings sal nie die volle registrasie- en onderriggeld oorskry nie, maar sal dit ook nie noodwendig volledig dek nie. Die aantal aansoeke wat ontvang is en die beskikbare fondse sal bepaal hoeveel beurse toegeken sal word. |
| 10. |
Seniorbestuur van die WKOD sal die finale goedkeuring skenk van die getal beurse wat toegeken sal word. |
| 11. |
Elke suksesvolle aansoeker sal 'n formele ooreenkoms met die WKOD moet aangaan om 'n jaar se diens te lewer vir elke jaar waarvoor die beurs toegeken is, en om te voldoen aan al die ander bepalings wat icn die ooreenkoms uiteengesit is. |
| 12. |
Korrespondensie sal net met suksesvolle kandidate gevoer word. Indien u nie binne 6 weke na die sluitingsdatum gekontak word nie, moet u aanneem dat u aansoek onsuksesvol was. |
| 13. |
Moet asseblief nie huiwer om die persoon wat in die briefhoof bo-aan hierdie minuut gemeld word te kontak indien u verdere inligting benodig oor die beursskema nie. |
| 14. |
Maak asseblief seker dat al die staatsdienspersoneel in u komponent bewus is van die inhoud van hierdie minuut. |
GETEKEN: PA VINJEVOLD
HOOF: ONDERWYS
DATUM: 2013:09:30
|
 |