1. Die Wes-Kaapse Onderwysdepartement (WKOD) put genot uit die aankondiging van die beskikbaarheid van 66 buitengewone Funza Lushaka Beurse vir die 2014 akademiese jaar vir graad 12-leerders, in landelike gebiede, wat voorneem om tot 'n formele onderwyskwalifikasie te studeer.

2. Daar word deur die Nasionale Ontwikkelingsplan 2030 aanbeveel dat nuwe opvoeders gewerf word, en staaf "dat beursprogramme vir voortgesette professionele ontwikkeling die gehalte van onderrig kan verbeter, en help kan om onderwysers te betrek en behou".

3. Die Nasionale Departement van Basiese Onderwys (DBO) het 'n beursprogram genaamd die Funza Lushaka Program, wat hoë presterende individue van volledig betaalde beurse voorsien wat klasgelde, akkommodasie met etes, 'n handboektoelaag, notas en laboratorium fooie (waar van toepassing) dek, en 'n maandelikse toelae om basiese lewensuitgawes te dek.

4. Die Funza Lushaka Beurs Program is 'n multi-jaar program wat in 2007 bekendgestel is, ter bevordering van onderrig in openbare skole as die loopbaankeuse vir bekwame toegewyde Suid-Afrikaners. Die progam loop plaaslik by vier hoëronderwysinstellings (HOI’s) in die Wes-Kaap, nl, die Universiteit van die Wes-Kaap, die Universiteit van Kaapstad, Stellenbosch Universiteit, en Cape Peninsula University of Technology.

5. In 2012, het die DBO 'n distriksgebaseerde werwingsprogram bekendgestel met die fokus op leerders in landelike en arm gemeenskappe (Vyfvoud, 1 tot 3 skole), en wat hulle bystaan om toegang tot die Funza Lushaka Beurse te verkry. Die WKOD, sal dus hierdie 66 buitengewone beurse slegs aan leerders by skole in landelike gebiede toeken, met inagneming van die behoeftes van hulle plattelandse onderwysdistrikte.

6. Die toekenning van 'n beurs is onderhewig aan die volgende voorwaardes:

  1. Die program sal studente befonds wat in Grondslagfaseonderwys (Graad R tot 3) wil spesialiseer, of wat beplan om vir 'n BEd-graad te studeer wat in Wiskunde en/of Wetenskap spesialiseer.

  2. Die beurs word vir een akademiese jaar op 'n slag toegeken, en met bewyse van akademiese sukses, kan dit elke jaar hernu word tot waar die ontvanger van die beurs as 'n onderwyser gekwalifiseer is.

  3. Daar sal van die beurshouer verwag word om teen die einde van Oktober van elke jaar vir die volgende jaar heraansoek te doen.

  4. Na afloop van die studiekursus sal die beurshouer versoek word om by 'n skool in 'n landelike gebied, waarin hy of sy tans woonagtig is, vir 'n periode van een jaar vir elke jaar wat die beurs ontvang is, skool te hou.

  5. 'n Afskrif van die aansoeker se graad 11 resultate moet saam met die aanvanklike aansoek voorgele word.
7. Voornemende aansoekers moet aansoek doen vir toelating tot, en voldoen aan die toelatingsvereistes van die HOI's soos vermeld in paragraaf 4 hierbo. Die beurse sal op meriete, deur die keurkomitee by die WKOD Hoofkantoor in Kaapstad, op die volgende minimum akademiese kriteria toegeken word:

  1. 'n "Toelating tot Baccalaureusgraad studies" , of slaag op Graad 12-vlak.

  2. Ten minste 'n Vlak 4 slaag, of 'n 50% slaagsyfer in die vak waarin die aansoeker in die BEd kursus sal spesialiseer.

  3. Vir studente wat in die Grondslagfase wil spesialiseer, word 'n slaagsyfer in Wiskunde of Wiskundige Letterkunde op Graad 12-vlak vereis. Verder word 'n Vlak 5 slaag, (60% slaagsyfer) in die Huistaal verwag.
8. Die sluitingsdatum vir aansoeke is 22 Augustus 2013. Skole kan die aansoekvorms verkry deur een van die volgende amptenare by die WKOD Hoofkantoor te kontak:

  • Mnr Alfred Shasha, tel.no. 021 467 2550
  • Me Patience Funani, tel.no. 021 467 2243
9. Bring asseblief die inhoud van hierdie minuut onder die aandag van u skool se graad 12-leerders.


GETEKEN: I CAROLUS
HOOFDIREKTEUR: MENSLIKE HULPBRONNE
DATUM: 2013:08:08

"Funza Lushaka Bursary Programme 2014 Application form"  (grootte: 78 KB)