1. Die prosedure vir die aanstelling van 'n inrigtingsgebaseerde opvoeder in waarnemende hoedanigheid in 'n hoër befondsde pos en inligting aangaande die betaling van 'n waarnemingstoelae in dergelike gevalle, is gekommunikeer in Omsendbriewe 0045/2002 en 0031/2003. Hierdie minuut is 'n byvoeging tot die bepalings van daardie omsendbriewe.

2. Daar moet gehou word by die volgende prosedures, soos per bepalings van RAVO Kollektiewe Ooreenkomste 8/2001, 8/2002 en 1/2008 oor die betaling van waarnemingstoelaes wanneer inrigtingsgebaseerde opvoeders vir aanstelling in waarnemende hoedanigheid in hoër befondsde poste genomineer word:
2.1 Algemene maatreëls:
2.1.1 'n Opvoeder wat voldoen aan die minimum vereistes in paragraaf 2(2) van Hoofstuk B van die Personeeladministrasiemaatreëls, sal skriftelik aangestel word, deur die inrigtingshoof/ prinsipaal om waar te neem.
2.1.2 'n Opvoeder kan aangestel word om in 'n hoër vakante en befondsde pos waar te neem indien dit nie meer as een vlak hoër as sy of haar huidige posvlak is nie.
2.1.3 'n Waarnemingstoelae is die verskil tussen die werknemer se huidige salariskerf (sonder voordele) en die beginkerf van die hoër vakante befondsde pos (sonder voordele).
2.1.4 Indien 'n werknemer op 'n salariskerf is (met inbegrip van 'n persoonlike kerf) wat hoër is as die aanvangskerf van die hoër befondsde pos waarin hy of sy aangestel is, sal die waarnemingstoelae die verskil wees tussen die huidige salariskerf en die volgende hoër salariskerf wat van toepassing is op die hoër vakante pos, indien daar 'n verskil is.
2.1.5 Waar die waarneming in 'n hoër pos plaasvind by 'n kantoor of inrigting wat geografies verwyder is van die persoon se huidige werkplek, sal die betaling van 'n gepaste reis en verblyf toelaag ook aan hom of haar oorweeg word.
2.1.6 'n Opvoeder sal al die verantwoordelikhede verbonde aan die pos moet aanvaar vir die periode waarvoor hy of sy aangestel word.
2.1.7 Slegs’n werknemer wat permanent deur die WKOD aangestel is, mag in waarnemende hoedanigheid in 'n hoër vakante befondsde pos aangestel word of waar die permanente posbekleër afwesig is (onderworpe aan bepalings van par, 2.2 en 2.3 hieronder).
2.1.8 Die inrigtingshoof/ prinsipaal moet die werknemer skriftelik inlig aangaande sy of haar aanstelling in die hoër vakante befondsde pos in waarnemende hoedanigheid en die werknemer moet die aanstelling skriftelik aanvaar of van die hand wys.
2.1.9 Die waarnemingstoelaag is nie-pensioendraend.
2.2 Hoër vakante en befondsde poste:
2.2.1. 'n Waarnemingstoelae sal betaal word:
2.2.1.1 slegs aan 'n opvoeder wat waarneem in 'n hoër vakante befondsde pos; en
2.2.1.2 slegs as die aanstellingsperiode in die hoër vakante en befondsde pos ononderbroke is en langer is as 6 weke, maar nie meer as 12 maande nie. Die pos moet dus geadverteer word en binne 12 maande gevul word vandat dit vakant geraak het.
2.2.1.3 Kompensasie sal teruggedateer word na die datum waarop die opvoeder begin het om waar te neem, op voorwaarde dat die eerste betaling plaasvind in die maand wat volg op die voltooiing van die 6 weke waarna in paragraaf 2.2.1.2 hierbo verwys is.
2.3 Waarneming in 'n hoër pos waar die permanente bekleër afwesig is.
2.3.1 'n Waarnemingstoelaag sal betaal word aan 'n opvoeder wat in 'n pos waarneem vir meer as 12 weke, beperk tot 'n maksimum van 12 maande, slegs indien die permanente bekleër afwesig is om een van die volgende redes:
2.3.1.1 Kraamverlof;
2.3.1.2 Siekteverlof;
2.3.1.3 Skorsing;
2.3.1.4 Sekondering; of
2.3.1.5 Goedgekeurde Spesiale verlof.
2.3.2 Kompensasie sal teruggedateer word na die datum waarop die opvoeder begin het om waar te neem, op voorwaarde dat die eerste betaling plaasvind in die maand wat volg op die voltooiing van die 12 weke waarna in paragraaf 2.3.1 hierbo verwys is.

3. Die nominasieproses
3.1 Die prinsipaal of hoof van die inrigting moet die nominasie maak.
3.2 Die skoolbeheerliggaam sal versoek word om tot die Departement die opvoeder aan te beveel wat deur die inrigtingshoof/ prinsipaal genomineer is vir aanstelling om waar te neem in 'n vakante en befondsde pos.
3.3 Die prinsipaal of hoof van die inrigting moet verifieer dat die nominasie voldoen aan die voorskrifte en moet verseker dat al die dokumente aangeheg is voor die aansoek wat aanbeveel word aan die IBB-bestuurder gestuur word.
3.4 Die aangehegte aansoekvorm vir 'n waarnemingstoelae (DHM 01) moet aan die Direkteur: Menslike Hulpbron Bestuur voorgelê word vir die prosessering van die betaling van 'n waarnemingstoelae. 'n Ten volle gemotiveerde verslag moet gevalle vergesel waar daar afgewyk is van enige van die voorskrifte.
3.5 Die gesag om waarnemende aanstellings vir inrigtingsgebaseerde opvoeders goed te keur berus by 'n beampte op Posvlak 5 (IBB-bestuurder), verbonde aan 'n onderwysdistrikskantoor waaronder die inrigting val. Alles moontlik moet gedoen word om goedkeuring te verkry voor die aanvang van 'n waarnemende aanstelling.
3.6 Die pos waarin waargeneem word moet geadverteer en gevul word binne 12 maande vanaf die datum waarop dit vakant geword het, behalwe waar die permanente bekleër op kraamverlof, siekteverlof, skorsing, sekondering of goedgekeurde spesiale verlof is.
3.7 Enige afwykings van die voorskrifte moet ten volle gemotiveer word.
3.8 Werknemers moet daarop let dat hulle waarnemende aanstelling hulle geen reg gee op 'n wettige verwagting van 'n permanente aanstelling in daardie pos sodra dit geadverteer word nie.

4. Bring asseblief die inhoud van hierdie omsendbrief onder die aandag van alle werknemers.


GETEKEN: PA VINJEVOLD
HOOF: ONDERWYS
DATUM: 2013:11:29

Nominasie vir 'n waarnemende aanstelling met 'n finansiële implikasie: Inrigtinggebaseerde Opvoeders  (grootte: 104 KB)