1. Die Wes-Kaap Onderwysdepartement (WKOD) het `n diensverskaffer aangestel, Ernst and Young Advisory Services Ltd, om sy bateregister te oudit en valideer vir mobiele eenhede vir beide gewone openbare skole en OLSO-skole. Dit sal plaasvind tussen 11 Maart 2013 en 30 April 2013.
2. Ten einde hierdie proses effektief uit te voer, word skole vriendelik deur die WKOD versoek om toegang te voorsien aan die veldwerkers, sodat hulle die oudit kan uitvoer. Dit sal verder van skoolhoofde vereis word om die verlangde inligting af te teken as bewys van die besoek, en om die geldigheid van die datavaslegging te sertifiseer. Weens die grootte van die verlangde diens, kan toegang en beskikbaarheid van die tersaaklike personeel, moontlik buite skoolure, en selfs gedurende skoolvakansie verlang word. Dit sal egter gereël word voor sodanige besoeke. Gedurende die besoek deur die diensverskaffer, moet die skool/beheerliggaam die bateregister van die skool beskikbaar stel, sodat die diensverskaffer die bestaan van geskenkte en/of aangekoopte mobiele eenhede deur eie fondse op die bateregister kan bevestig.
3. Die WKOD vra omverskoning vir enige ongerief. Ons waardeer u hulp in hierdie saak.


GETEKEN: PA VINJEVOLD
HOOF: ONDERWYS
DATUM: 2013:03:12