1. Volgens die jongste inligting ontvang oor gerapporteerde gevalle, sowel as kommer uitgespreek deur die opvoeders- en staatsdiensvakbonde, voldoen bestuurders nie altyd aan die vasgestelde tydraamwerke binne die Wes-Kaap Onderwysdepartement (WKOD) wanneer griewe ondersoek en bestuur word nie.

2. U aandag word gevestig op die volgende dokumente:

  • WKOD Omsendbrief 0230/2003 en 0037/2013, wat besonderhede voorsien van die proses en tydraamwerke betrokke wanneer griewe in die werksplek ondersoek en gefinaliseer word.

  • Department van Staatsdiensadministrasie-omsendbrief gedateer, 7 Augustus 2010, wat die belangrikheid van bestuurders se finalisering van griewe aandui binne die voorgeskrewe tydraamwerke.
3. Hou in gedagte dat die versuiming om 'n grief binne 'n voorgeskrewe tydraamwerk op te los, kan lei tot dissiplinere optrede teen die bestuurder verantwoordelik. Dit word weereens beklemtoon dat die griewe van werknemers die spoedige aandag van bestuurders moet ontvang sodat sulke griewe regverdig en doeltreffend hanteer kan word binne die vasgestelde tydraamwerke.

4. Die finalisering van griewe gee effek aan die Artikel 196(4) (f) (ii) van die Grondwet van die Republiek van Suid-Afrika, wat voorsiening maak vir die spoedige, onpartydige en regverdige hantering van griewe.

5. Bring asseblief die inhoud van hierdie omsendbrief onder die aandag van alle bestuurders en toesighouers onder u beheer.


GETEKEN: PA VINJEVOLD
HOOF: ONDERWYS
DATUM: 2013:12:11