Nelson Mandela se verjaarsdag verlede week was 'n belangrike geleentheid om na te dink oor die waardes wat hy verteenwoordig het en oor ons verbintenis om 'n toekoms op hierdie waardes te bou.

Ons uitdaging in die onderwys is om seker te maak dat ons kinders hierdie nalatenskap verstaan en oor die waardes, houdings en vaardighede beskik wat nodig is om 'n gemeenskap te bou waarop ons trots kan wees.

Hierdie waardes sluit in meegevoel, verdraagsaamheid, respek vir menslike waardigheid en menseregte, verantwoordelikheid en die belangrikheid van die onderwys.

Ons glo dat om 'n boom te plant 'n uitstekende manier is om Nelson Mandela en die waardes wat hy verteenwoordig te herdenk.

Hopelik sal die boom van krag tot krag groei in die volgende 95 jaar en sal dit dien om toekomstige geslagte te herinner aan die waardes waarvoor ons staan.

Die Wes-Kaap Onderwysdepartement en die Stad Kaapstad het dus onderneem om bome aan skole te verskaf om Nelson Mandela op hierdie manier te huldig.

Voorraad is tans beperk tot 250 bome wat beskikbaar is van die Stadskwekery in Unielaan, Nuweland.

Ons sal kyk na maniere om hierdie projek uit te brei, afhangende van die aanvraag en die toekomstige beskikbaarheid van bome. Skole kan ook bome van hulle eie keuse aankoop vir hierdie doel.

Ons nooi skole uit om die aangehegte vorm te voltooi en dit vir 'n boom om te ruil voor Woensdag, 31 julie 2013, tussen 08:00 en 15:00. Voel vry om navraag te doen oor die beskikbaarheid van voorraad deur ons inbelsentrum by 086 192 3322 te skakel.

GETEKEN: PENNY VINJEVOLD
HOOF: ONDERWYS
DATUM: 2013:07:22

"Plant a tree for Madiba form"  (grootte: 1 129 KB)
"Cape Town City Parks Department Nursery Map"  (grootte: 75 KB)