| 1. |
INgcaciso eMfutshane 0002/2013, yomhla we-26 Februwari 2013, yapapasha ukuba kuya kubakho uqeqesho loqheliso kwiNkcazo yoMgaqo-nkqubo weKharityhulam noVavanyo (Curriculum and Assessment Policy Statement (CAPS)) kwiveki yokugqibela yeholide yesikolo kaJulayi 2013 oluya kwenzelwa ootitshala neenqununu ezijongene namaBakala 7 - 9. |
| 2. |
Iikhosi zoqheliso kwizifundo zosuku olunye ziya kuqhubeka kwiveki eqala nge-8 ukuya kwi-12 Julayi 2013 nangokweeshedyuli eziqhotyoshelwe apha. Iikhosi ziya kuqhutywa ukususela ngo-08:30 – 16:00. Le program ivumela ootitshala ukuba bakhethe iikhosi zezifundo abaya kuya kuzo. Ngentsasa yangoLwesihlanu, nge-12 Julayi 2013, kuya kubakho ikhosi yolawulo lwekharityhulam yeenqununu namasekela-nqununu aququzelela iSigaba saBadala. |
| 3. |
Iikhosi zoqheliso zootitshala (amalungiselelo okuqhutywa kwezi khosi) |
| 3.1 |
Iprogram
Makuqatshelwe ukuba lo gama zonke izithili zemfundo ziya kufundisa zonke izifundo, kukho iprogram eyahlukileyo yesithili semfundo ngasinye.
|
| 3.2 |
Iindawo
Iinkcukacha zeendawo nezifundo ngosuku ngalunye zinikwe kwisiHlomelo A esichaphazelekayo kwisithili ngasinye. Ziyacelwa izikolo ukuba zibhalise ootitshala abaza kuya kwezi zifundo kwindawo ekwisekethe yabo. |
| 3.3.1 |
Ziyacelwa izikolo ukuba ziqaphele xa zibhalisa ootitshala beSigaba saBadala njengoko amalungiselelo okutya abo nokuprintwa kwamaxwebhu abo kuya kwenziwa ngokwengcaciso enikiweyo. |
| 3.3.2 |
Isikolo ngasinye kufuneka sizalise ifom yobhaliso echaphazelekayo yesithili semfundo saso:
| Metro South and Metro North: |
|
Makuzaliswe ISIHLOMELO B1 |
| Eden & Central Karoo: |
Makuzaliswe ISIHLOMELO B2 |
| Metro East: |
Makuzaliswe ISIHLOMELO B3 |
| Cape Winelands and Overberg: |
Makuzaliswe ISIHLOMELO B4 |
| West Coast: |
Makuzaliswe ISIHLOMELO B5 |
| Metro Central: |
Makuzaliswe ISIHLOMELO B6 |
|
| 3.3.3 |
Izikolo mazibuyisele iifom zobhaliso kumququzeleli weGET wesithili semfundo (iinkcukacha zikwiSIHLOMELO A) ungadlulanga owe-30 Meyi 2013. |
| 3.4 |
Uhambo
Kungenziwa ibango lesibonelelo sohambo, ngokuxhomekeka kwezi meko zilandelayo: |
| 3.4.1 |
Kungqiniwe ukubakho ngokupheleleyo kumasifundisane. |
| 3.4.2 |
Ubuncinane kuhanjwa umgama oyi-20 km ukuya nokubuya ngosuku (izithuthi zikawonke- wonke nezabucala). |
| 3.4.3 |
Ibango malingagqithi kwi-180 km ngohambo lokuya nokubuya ngosuku. Ootitshala ekufuneka behambe ngaphezu kwe-140 km ngohambo lokuya nokubuya ngosuku, banokubhalisela indawo yokulala. (Makufundwe isiHlomelo A.)
Amabango aya kuvavanywa ngokwezi khrayitheriya zilandelayo:
| Ukusebenzisa imoto yakho |
Ootitshala mabakhwelisane kangangoko kunokwenzeka.
Kuphela ngumqhubi okanye umnini wesithuthi onokwenza ibango leekhilomitha ezihanjiweyo. Nawuphi na umkhweli makabalwe kuluhlu.
Kuya kuhlawulwa ireyithi emiselweyo eyi-R2,50 ngekhilomitha. Umthamo wenjini awuyi kusebenza. |
| Ukusetyenziswa kweklabhu yokukhwelisana |
Kuphela ngumqhubi okanye umnini wesithuthi onokwenza ibango leekhilomitha ezihanjiweyo. Nawuphi na umkhweli makabalwe kuluhlu.
Kuya kuhlawulwa ireyithi emiselweyo eyi-R2,50 ngekhilomitha. Umthamo wenjini awuyi kusebenza. |
| Ukusetyenziswa kwebhasi yesikolo |
Isikolo masingenise ileta echaza ukuba kusetyenziswe ibhasi yesikolo,amagama abakhweli nomgama ohanjiweyo.
Kuya kuhlawulwa ireyithi emiselweyo eyi-R2,50 ngekhilomitha. Umthamo wenjini awuyi kusebenza. |
| Ukusetyenziswa komboneleli-nkonzo obhalisiweyo (registered service provider) Qaphela: Makuqale kufunyanwe imvume kwangaphambili ngencwadi ebhaliweyo kumququzeleli weGET wesithili semfundo. |
Isikolo masifumane iikowuteshini ezintathu (3) yaye senze amalungiselelo okuqesha inkonzo eneyona kowuteshini incinane. ISIKOLO masimhlawule umboneleli-nkonzo. ISebe iWCED liya kusibuyisela isikolo lakuba lifumene amaxwebhu Asayiniweyo kubandakanywa nemvume ebhaliweyo efunyenwe kwakuqala kumququzeleli weGET wesithili semfundo. Ootitshala mabenze amalungiselelo okuthathwa kwabakhweli kwindawo enye. |
| Ukusetyenziswa kwezithuthi zikawonke-wonke umz. iteksi, ibhasi, uloliwe |
Amabango makacacise indawo ekusukwe kuyo nendawo ekuphelwe kuyo kumjikelo ngamnye wohambo.
Intlawulo eyimbuyiselo iya kwenziwa ngokwereyithi emiselweyo.
Ubungqina (obungamatikiti) bunokucelwa ligosa lamabango ukwenzela ukuba kungqinisiswe ibango. |
|
| 3.5 |
Indawo yokulala nokutya (apho kufanelekileyo)
Indawo yokulala nokutya (idinala nesidlo sakusasa) ziya kwenziwa zifumaneke ngolu hlobo lulandelayo:
|
| 3.5.1 |
Umgama wokuya kwindawo yoqeqesho mawube ngaphezulu nge-120 km ngohambo lokuya nokubuya ngosuku. |
| 3.5.2 |
Kungqiniwe ukubakho ngokupheleleyo kwikhosi yoqeqesho. |
| 3.5.3 |
Ukubhalisela ukufika kwenzeka phakathi ko-16:00 no-17:00 ngosuku oluphambi kwekhosi. |
| 3.5.4 |
Singenisiwe kumququzeleli weGET wesithili semfundo, isicelo esibhaliweyo sendawo yokulala. |
| 3.5.5 |
Isicelo sele sivunyiwe ngencwadi ebhaliweyo ngumququzeleli weGET wesithili semfundo. |
| 3.5.6 |
Makufunyanwe imvume yesicelo sendawo yokulala (ngencwadi ebhaliweyo) kumququzeleli weGET wesithili semfundo ungadlulanga owe-14 Juni 2013. Ootitshala abafanelekileyo ukufumana indawo yokulala banoxanduva lokuqinisekisa ukuba bayifumana le mvume ibhaliweyo kwangaphambi kokubhukisha. Akukho bango liya kuhlawulwa ngaphandle kwale mvume esuka kumququzeleli weGET wesithili semfundo, kwangaphambili.
Iindidi zendawo yokulala ezinokusetyenziswa:
| Indawo yokulala ehostele |
Apho kufunyenwe indawo yokulala kwihostele yesikolo, kungekho ntlawulo ibizwa kootitshala, kuya kusebenza le miqathango ilandelayo:
- Ootitshala mabazalise baze babuyise isiliphu sobhaliso esiqhotyoshelweyo (IsiHlomelo B) ngomhla omiselweyo.
- Indawo yokulala ehostele iya kuba kumagumbi ekulala ngaphezu komntu omnye yaye ootitshala kufuneka beze nezinto zabo zokulala, iitawuli nezinto zokuhlamba.
- Iindawo zimbalwa ngoko ke kuya kuthathwa abafike kuqala.
|
| Iindawo zokuhlala eziqeshisayo nezibhalisiweyo umz. i-bed and breakfast, i-guest house, ihotele |
Ootitshala abakhetha ukungahlali ehostele banokuhlala kwindawo eqeshisayo nebhalisiweyo. Kuya kusebenza le miqathango ilandelayo:
- Ootitshala mabazalise isiliphu sobhaliso esiqhotyoshelweyo (IsiHlomelo B) kwaye basibuyise ngomhla omiselweyo.
- Kunokwenziwa amabango afikelela kwi-R300 ngosuku ngedinala, indawo yokulala nangesidlo sakusasa.
- I-invoyisi yentsusa (original invoice) yendawo yokuhlala mayisayinwe nangulowo wenza ibango ize ingeniswekwikhosi yoqeqesho.
|
| Indawo yokul kwisizalwane |
Kuya kusebenza le miqathango kootitshala abakhetha ukulala kwizizalwane
- Ootitshala mabazalise baze babuyise isiliphu sobhaliso esiqhotyoshelweyo (IsiHlomelo B) ngomhla omiselweyo.
- Kunokwenziwa amabango afikelela kwi-R160 ngosuku ngedinala, indawo yokulala nangesidlo sakusasa.
- Eli bango malihanjiswe kunye nengxelo efungelweyo (sworn affidavit) evela kwisizalwane okanye kumntu omnike indawo yokulala, lisayinwe lize lingqinisiswe
ngowenza ibango yaye lingeniswe kwindawo enekhosi.
|
|
| 3.6 |
Indlela yokwenza ibango
Indawo yoqeqesho nganye iya kuba namagosa amabango naya kusingatha onke amabango. Onke amabango makangeniswe kwindawo yekhosi kwigosa lamabango elisingatha amabango. Uncedo malunga nokuzalisa iifom zamabango luya kubakho ngexesha leti nekofu nangamaxesha ekhefu. |
| 4. |
Iikhosi zoqheliso zeenqununu namasekela-nqununu |
| 4.1 |
Ziyacelwa iinqununu zezikolo ezinamabakala eSigaba saBadala ukuba zibekho kumasifundisane woqheliso wosuku olunye kwiNCS CAPS kumaBakala 7-9. Ayacelwa onke amasekela-nqununu ajongene namabakala eSigaba saBadala ukuba abekho nawo neenqununu zawo. Lo masifundisane uya kuqhubeka ngoLwesihlanu we-12 Julayi 2013 yaye uya kuqala ngo-8:00 ngqo aze aphele ngo-13:30. |
| 4.2 |
Ziyacelwa iinqununu namasekela-nqununu eSigaba saBadala ukuba zibhalisele ukubakho kwazo kwisiHlomelo C. Amalungiselelo okuqhutywa kwekhosi aya kucwangciswa ngokwale ngcaciso. Kucelwa uyizalise ngokupheleleyo ifom, uze uyibuyisele kumququzeleli weGET wesithili semfundo ungadlulanga owe-30 Meyi 2013. |
| 4.3 |
Amalungiselelo ohambo: Kuya kusebenza imiqathango ecaciswe apha ngentla. |
| 4.4 |
Indawo yokulala nokutya: Apho kunokwenzeka, kuya kuzanywa ukuba kufumaneke indawo yokulala ehostele. Ukuba oko akunakwenzeka, kuya kusebenza imiqathango ecaciswe apha ngentla. |
| 5. |
Ubhaliso olufikelela kwiindidi zezifundo
Ziyacetyiswa iinqununu ukuba zikuququzelele ukubhalisa kootitshala bezikolo zazo ukwenzela ukuba ootitshala babekho kuzo zonke iindidi zezifundo. |
| 6. |
Amaxwebhu eCAPS
Kubalulekile ukuba utitshala eze namaxwebhu eCAPS kwikhosi yesifundo aya kubakho kuyo. |
| 7. |
Izatifikethi
Kuya kukhutshwa izatifikethi zokubakho kwikhosi. |
| 8. |
Ziyacelwa iinqununu zezikolo nabalawuli bezithili zemfundo ukuba bazise okukule ngcaciso imfutshane bonke ootitshala ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2013:05:22
|
 |