1. Ngowe-12 Septemba 2011, iSebe leMfundo esiSiseko kuzwelonke (DBE) lapapasha iGazethi kaRhulumente 34600, eyabhengeza ukuba iNkcazo yeKharityhulam kaZwelonke (National Curriculum Statement) inala maxwebhu alandelayo:

  1. The Curriculum and Assessment Policy Statement (CAPS) for all approved subjects for Grades R - 12 (CAPS)

  2. The National Policy Pertaining to the Progression and Promotion Requirements of the NCS Grades R – 12

  3. The National Protocol for Assessment

IGazethi 34600 yacacisa ukuba i-CAPS kwiSigaba seSiseko kufanele iphunyezwe ukususela ngoJanuwari 2012, kwiSigaba esiPhakathi ukususela ngo-Januwari 2013 kuze kwiSigaba saBadala (Senior Phase) kube kukususela ngoJanuwari 2014. Ngako oko ke makuqatshelwe ukuba iCAPS njengangoku iyaphunyezwa kwiSigaba seSiseko nakwiSigaba esiPhakathi ngokungqinelana nezigunyaziso zomgaqo-nkqubo.
2. Le ngcaciso imfutshane yimbalelwano yokuqala eyazisa izikolo nee-ofisi zezithili zemfundo ngokuqaliswa kokusetyenziswa liphondo kwesicwangciso seSebe leMfundo leNtshona Koloni se-NCS (CAPS) kwiSigaba saBadala.

3. Ziyacelwa izikolo nee-ofisi zezithili zemfundo ukuba ziyigcine le mihla ikwesi sicwangciso silapha ngezantsi ukulungiselela iinjongo esele zichaziwe:

Iqela elithagethiweyo Imihla ngo-2013 Injongo
IiNtloko zoQuquzelelo neNgcebiso ngezeKharityhulam, abaququzeleli beGET, abacebisi ngezekharityhulam 13 -17 Meyi 2013 Uqeqesho olwenziwa liSebe iDBE lwabacebisi ngezekharityhulam
IiNtloko zoQuquzelelo neNgcebiso ngezeKharityhulam, abaququzeleli beGET, abacebisi ngezekharityhulam 20 -24 Meyi 2013 Uqeqesho olwenziwa liSebe iWCED lwabacebisi ngezekharityhulam
Ootitshala abaziinkokeli 31 Meyi 2013 01 Juni 2013, 07 & 08 Juni 2013 Uqeqesho olwenziwa liphondo lootitshala abaziinkokeli beSigaba saBadala
Onke amagosa ezithili zemfundo kubandakanywa abaphathi beekomiti zeesekethe, abaphathi beze-IMG, iiNtloko zoQuquzelelo neNgcebiso ngeze-IMG, abacebisi abanika inkxaso ekufundeni 18 – 21 Juni 2013 Uqeqesho lwawo onke amanye amagosa ezithili zemfundo
Bonke ootitshala bamaBakala 7 - 9 8 - 11 Julayi 2013 Uqeqesho olwenziwa ziisekethe kwi-NCS (CAPS) yeSigaba saBadala
Zonke iinqununu zezikolo ezinamaBakala eSigaba saBadala 12 Julayi 2013 Uqeqesho loqhelaniso (orientation) olwenziwa zizithili zemfundo kwi-NCS (CAPS) yeSigaba saBadala

4. Bonke ootitshala, iikomiti zolawulo lwezikolo namagosa achaphazelekayo:

  • mababenako ukuqalisa kunye nokunika inkxaso/okanye ukunika inkxaso ukuphunyezwa kweNCS (CAPS) kwiSigaba saBadala ukuqala ngo-2014; yaye

  • kufuneka baye kuqeqesho loqhelaniso (orientation) luka-2013 kwi-NCS(CAPS) yaye baqinisekise ukuba ukucwangcisela u-2014 kungqinelaniswa ne-NCS (CAPS).
5. Ingcaciso engaphezulu ngemiba yamalungiselelo okuqhutywa koqeqesho iya kukhutshwa xa sele isondele le mihla ikhankanywe apha ngentla.
6. Ziyacelwa iinqununu zezikolo nabalawuli bezithili zemfundo ukuba zazise okukule ngcaciso imfutshane bonke ootitshala ukuze bakuthathele ingqalelo.


ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2013:02:26

"Goverment Gazette 34600"  (ubukhulu: 115 KB)