| 1. |
Isebe Lemfundo Lentshona Koloni i(WCED) libonelela ngezifundo eziza kusasazwa ngeprogram yeTelematiki (izifundo ziza kusasazwa kusetyenziswa iteknoloji yesathelayithi) ngo-Februwari¡VMatshi 2013 ukuncedisa abafundi nabaviwa ababhala iimviwo zokuxabangela zeSatifikethi seMatriki sikaZwelonke i(NSC). Zisasazwa ngqo ukususela nge-17 Februwari zize ziphele nge-28 Matshi 2013. Izifundo ziya kuqhutywa ngootitshala abanamava beBanga 12 zijoliswe kwizikolo eziyi-145 ezikhethiweyo kwizithili zemfundo ezisibhozo zaseNtshona Koloni ukusukela ngo-15:00 ukuya ku-17:00 ngeentsuku zeveki nokususela ngo-14:00 ukuya ku-18:00 ngeeCawa. |
| 2. |
Izifundo zeNCS eziza kufundiswa zezi zilandelayo:
- Mathematics
- Physical Sciences
- Accounting
- Geography
- Life Sciences
- English HL
- Afrikaans HL
|
| 3. |
Esi siHlomelo A siqhotyoshelweyo sinethayimthebhili yezifundo.
|
| 4. |
Abaviwa abanqwenela ukulisebenzisa eli thuba lihle kucelwa baye kwisikolo okanye iziko elikufutshane elinale program yeTelematika elisasaza ngqo ezi zifundo. (Funda isiHlomelo B ukufumana ingcaciso ngala maziko.) Bayacelwa abaviwa ukuba beze kwizifundo namaphepha emibuzo afanelekileyo abawabhalileyo ngo-Oktobha-Novemba 2012 nezixhobo zabo zokubhala nokubhalela. |
| 5. |
Abaviwa abangenako ukufikelela kumaziko anika inkxaso kubafundi adweliswe kwisiHlomelo B, bangazithenga ezi zifundo zokunika inkxaso (support lessons) zikwi-DVDs ngexabiso elifikelelekayo kwiSebe iWCED ngokufowunela kwa-EDUMEDIA kule nombolo 021 6899536 |
| 6. |
Kucelwa iinqununu zezikolo ezinale program yeTelematika ziqinisekise ukuba wonke umfundi webakala 12 owenza ezi sifundo uyaphumelela ukuza kwezi zifundo.
|
| 7. |
Kucelwa iinqununu zezikolo ezingenayo le program yeTelematika zikhuthaze zincedisa abafundi ababhala iimviwo zokuxabangela balisebenzise eli thuba. |
ISAYINWE: NGU-SM NAICKER
OBAMBELE: USEKELA MLAWULI –JIKELELE WOLAWULO LWEKHARITYHULAM NOVAVANYO
UMHLA: 2013:01:25
|
 |